బిగ్ బాస్ కంటెస్టంట్స్ మధ్య ఉన్న విభేధాలు ఇక తొలగిపోయాయి అని భావిస్తున్న తరుణంలోనే మరోసారి వారి మధ్య అగ్గి రాజుకునేలా చేశాడు బిగ్ బాస్. బిగ్ బాస్ ఇచ్చిన టాస్క్ కారణంగా మరోసారి పలువురు కంటెస్టంట్స్ ఒకరినొకరు తీవ్ర స్థాయిలో విమర్శించుకునే వరకు వెళ్లింది.
బిగ్ బాస్ కంటెస్టంట్స్ ఒకరినొకరు అర్థం చేసుకుని, ఒకరికొకరు సారీ చెప్పుకుని ముందుకు సాగుతున్నారని అనుకుంటున్న సమయంలోనే మరోసారి వారి మధ్య విభేధాలు భగ్గుమన్నాయి. బిగ్ బాస్. బిగ్ బాస్ ఇచ్చిన టాస్క్‌తో మరోసారి పలువురు కంటెస్టంట్స్ మధ్య అగ్గి రాజుకుంది
బిగ్ బాస్ తెలుగు 4 రియాలిటీ షోలో రేస్ టు ఫినాలె మొదలైందని బిగ్ బాస్ ప్రకటించడంతోనే కంటెస్టంట్స్‌కి అందరికీ చమటలు పట్టడం మొదలైంది. అప్పటివరకు ఎంజాయ్ చేస్తూ కనిపించిన కంటెస్టంట్స్‌లో ఏదో తెలియని కంగారు, ఆందోళన కనిపించాయి.
ఈ రేసు మొదలవడంతోనే కంటెస్టంట్స్‌కి బిగ్ బాస్ మరో టాస్క్ ఇచ్చాడు. ఇప్పటివరకు ఎన్నికైన కెప్టేన్స్‌లో ప్రతీ ఒక్కరు తమకు నచ్చిన బెస్ట్ కెప్టేన్ ఎవరు ? అలాగే నచ్చని వరస్ట్ కెప్టేన్ ఎవరో ఎంచుకుని అందుకు కారణాలు చెప్పాల్సిందిగా సూచించాడు.
బిగ్ బాస్ ఇచ్చిన బెస్ట్ కెప్టేన్ ఎవరు ? వరస్ట్ కెప్టేన్ ఎవరు ? అనే టాస్కులో సోహెల్, అరియానా గ్లోరిలకు మధ్య తీవ్ర వాగ్వాదం జరిగింది. తనకు అరియానా కెప్టేన్సీ ఓ టార్చర్‌లా అనిపించింది అని సోహెల్ అందరి ముందే కఠినంగా చెప్పేశాడు.
సోహెల్ అభిప్రాయాన్ని అరియానా ఖండించింది. తన కెప్టేన్సీలోనే మార్పు మొదలైందని అన్ని కఠినంగా అమలయ్యాయని చెప్పిన అరియానా.. అలాగే ఎవరి స్పేస్ వారికి ఇచ్చానని బదులిచ్చింది.
మరోవైపు కెప్టేన్ అయ్యేందుకు నేనే కష్టపడ్డాను అని అఖిల్ చెప్పుకొచ్చాడు. అయితే ఈ మాటలను అభిజీత్ ఖండించాడు. నువ్వేం కష్టపడ్డావని నీది కష్టం అనుకుంటున్నావు అంటూ అభిజీత్ వ్యాఖ్యానించగా... అభిజీత్ మాటలపై అఖిల్ తీవ్ర అభ్యంతరాలు వ్యక్తంచేశాడు. ఒకానొక క్రమంలో ఇరువురి మధ్య మరోసారి మాటల యుద్ధం తారాస్థాయికి చేరింది.
అరియానా మాటలను ఖండించిన సోహెల్.. బిగ్ బాస్‌లో పనిష్మెంట్స్ ప్రారంభించి కెప్టేన్‌గా హౌజ్‌ని సెట్ చేసింది తానేనని చెప్పుకొచ్చాడు. తన గేమ్ తాను సొంతంగా ఆడాను అంటూ సోహెల్ చెప్పగా.. మధ్యలో కలగజేసుకున్న అఖిల్, అందరం ఎవరి గేమ్ వాళ్లు సొంతంగానే ఆడి కెప్టేన్ అయ్యారని అన్నాడు.
బెస్ట్ కెప్టేన్ టాస్క్ గురించి దేత్తడి హారిక మాట్లాడుతూ.. నాలో లీడర్‌షిప్ క్వాలిటీస్ బాగున్నాయని తనకు తానే కితాబిచ్చుకుంది.
అరియానా, సోహెల్ ఒకరినొకరు నువ్వే వరస్ట్ కెప్టేన్ అంటే.. నువ్వే వరస్ట్ కెప్టేన్ అంటూ తగవులాడుకున్నారు. ఎపిసోడ్ మొత్తంలో మొత్తంగా అరియానానే వరస్ట్ కెప్టేన్‌గా డిసైడ్ చేశారు.
బెస్ట్ కెప్టేన్ ఎవరనే విషయంలో సోహైల్‌, అఖిల్ ఒకరినొకరు ఓట్ చేసుకున్నారు. అరియానా అవినాష్‌కి ఓటు వేసింది. అవినాష్‌, అభిజిత్‌ ఇద్దరూ హారికకు ఓటు వేశారు. మోనాల్‌ గజ్జర్ బెస్ట్ కెప్టేన్‌గా సోహెల్‌‌ను ఎన్నుకుంది. ఓటింగ్ అనంతరం దేత్తడి హారిక, సోహైల్‌కి సమానంగా రెండు ఓట్లు రాగా.. ఆ తర్వాత అరియానా తన మనసు మార్చుకుని హారికకు ఓటు వేసింది. దీంతో దేత్తడి హారిక బెస్ట్ కెప్టెన్‌గా ఎంపికైంది. మొత్తం హౌజ్‌‌లో చివరిగా కెప్టేన్‌గా ఎన్నికైంది కూడా హారికనే.
