Chia Seeds For Weight Loss: బరువు తగ్గాలనుకునేవారు ప్రతి రోజు చియా విత్తనాలను తీసుకోవడం వల్ల శరీరానికి చాలా రకాల ప్రయోజనాలు కలుగుతాయి. అంతేకాకుండా కొలెస్ట్రాల్‌ సమస్యల నుంచి ఉపశమనం కలుగుతుంది.
Chia Seeds For Weight Loss: బరువు తగ్గడానికి చాలా మంది కష్టపడి వ్యాయామాలు చేస్తున్నారు..మరి కొంత మంది డైట్లు పాటిస్తున్నారు. ఇంక కొంత మంది ఖరీదైన ట్రీట్మెంట్‌లను ఆశ్రయిస్తున్నారు. అయినప్పటికీ ఎలాంటి ఫలితం పొందలేకపోతున్నారు. అయితే ఇలాంటి సమస్యలతో బాధపడేవారు తీసుకునే అల్పాహారాల్లో కొన్ని ఆరోగ్యకరమైన, ఔషధ గుణాలు కలిగిన పదార్థాలు తీసుకోవాల్సి ఉంటుంది.
బరువు తగ్గాలనుకునేవారు అల్పాహారంలో చియా విత్తనాలను తీసుకోవడం వల్ల చాలా రకాల ప్రయోజనాలు కలుగుతాయి. వీటిని తీసుకోవడం వల్ల దీర్ఘకాలిక వ్యాధుల నుంచి కూడా సులభంగా ఉపశమనం లభిస్తుంది.
చియా విత్తనాలలో ఒమేగా 3 కొవ్వు ఆమ్లాలు ఎక్కువగా లభిస్తాయి. కాబట్టి వీటిని ప్రతి రోజు ఖాళీ కడుపుతో తీసుకోవడం వల్ల శరీరంలో పేరుకుపోయిన కొలెస్ట్రాల్‌ కూడా కరుగుతుంది. దీంతో గుండె వ్యాధుల బారిన పడకుంగా ఉంటారని నిపుణులు చెబుతున్నారు.
చియా విత్తనాలను రాత్రంతా నానబెట్టి ఉదయాన్నే అందులో తేనెతో పాటు యాపిల్‌ ఫ్రూట్‌ను కట్‌ చేసి మిక్స్‌ చేసుకుని తీసుకుంటే వేగంగా శరీర బరువు తగ్గే అవకాశాలు ఉన్నాయని ఆయుర్వేద నిపుణులు తెలుపుతున్నారు.
చియా గింజలను పెరుగులో కూడా తీసుకోవచ్చని ఆరోగ్య నిపుణులు చెబుతున్నారు. ఇలా తీసుకోవడం వల్ల శరీరంలో పోషకాహార సమస్యల నుంచి సులభంగా ఉపశమనం లభించి ఆరోగ్యంగా బరువు తగ్గే అవకాశాలు కూడా ఉన్నాయి.
మామిడి పండు మిశ్రమంలో రాత్రంత నానబెట్టిన చియా విత్తనాలను మిక్స్‌ చేసి తీసుకోవడం వల్ల కూడా సులభంగా శరీర బరువు సమస్యల నుంచి విముక్తి లభిస్తుందని ఆరోగ్య నిపుణులు చెబుతున్నారు. వేగంగా బరువు తగ్గాలనుకునేవారు ప్రతి రోజు తప్పకుండా వీటిని ట్రై చేయాల్సి ఉంటుంది.
