Balakrishna craze: తాజాగా అమెరికాలో అధ్యక్ష పదవికి.. ఎన్నికలు జరిగిన విషయం తెలిసిందే. గత కొన్ని గంటల క్రితం అక్కడ పోలింగ్ కాస్త పూర్తయింది. అయితే ఈ పోలింగ్లో.. ఒక ఓటర్ ఏకంగా బాలకృష్ణకి ఓటు వేశాడు. అవును మీరు విన్నది నిజమే. ఇందుకు సంబంధించిన ఫొటోస్ ఐటం ప్రస్తుతం సోషల్ మీడియాలో వైరల్ గా మారింది.
డోనాల్డ్ ట్రంప్, కమల హారిస్ అధ్యక్ష పదవి కోసం పోటీపడ్డారు. ఇకపోతే తాజాగా అందుతున్న సమాచారం ప్రకారం చాలావరకు ట్రంప్ మళ్లీ అధికారంలోకి వచ్చే అవకాశాలున్నట్లు వార్తలు వినిపిస్తున్నాయి. ఇదిలా ఉండగా ఎలక్షన్స్ సమయంలో ఒక ఓటర్ తన ఓటర్ స్లిప్ పై బాలయ్యకే తన ఓటు అంటూ ఓటర్ స్లిప్ పై రాయడం ఇప్పుడు అందరికీ నవ్వు తెప్పిస్తోంది.
అమెరికాలో అధ్యక్ష పదవి కోసం ఎలక్షన్స్ జరుగుతుంటే అక్కడ మాత్రం ఒక బాలయ్య అభిమాని, తన ఓటు బాలయ్య బాబుకు అంటూ రాయడం చాలా విచిత్రంగా ఉండటమే కాదు అమెరికా చరిత్రలో ఇదే తొలిసారి అంటూ నెటిజన్స్ కామెంట్లు చేస్తున్నారు.
ఏది ఏమైనా బాలయ్య క్రేజ్ అమెరికాలో కూడా మరింత పెరిగిపోయింది అంటూ అభిమానులు సంతోషం వ్యక్తం చేస్తూ ఉండడం గమనార్హం.
ఇక బాలకృష్ణ విషయానికి వస్తే.. సినిమాలలో వరుస హ్యాట్రిక్ లు అందుకుంటూ దూసుకుపోతున్న ఈయన ఇప్పుడు బాబీ దర్శకత్వంలో తన 109వ చిత్రాన్ని తెరకెక్కిస్తున్నారు.
భారీ అంచనాల మధ్య ప్రేక్షకులను ఆకట్టుకుంటున్న బాలకృష్ణ అటు రాజకీయాలలో కూడా హ్యాట్రిక్ అందుకున్నారు. ఇటీవల ఆంధ్రప్రదేశ్లో జరిగిన సార్వత్రిక ఎన్నికలలో కూడా హిందూపూర్ నుంచి ఎమ్మెల్యేగా పోటీ చేసి శాసనసభకు ఎన్నికయ్యారు. ఇలా మూడవసారి ఎమ్మెల్యేగా రికార్డు సృష్టించారు బాలయ్య.
