Papaya Health Benefits: పచ్చిబొప్పాయి ఆరోగ్యానికి ఎంతో మేలు చేస్తుందని చెబుతున్నారు ఆరోగ్య నిపుణుల. పచ్చిబొప్పాయిలోని పోషక విలువలను ప్రమాదకరమైన క్యాన్సర్ ను కూడా తగ్గిస్తుందని పరిశోధనలు సైతం చెబుతున్నాయి. పచ్చిబొప్పాయి తినడం వల్ల కలిగే లాభాల గురించి ఇప్పుడు మనం తెలుసుకుందాం.
Papaya Health Benefits: పచ్చి బొప్పాయిలో అనేక ముఖ్యమైన పోషకాలు పుష్కలంగా ఉన్నాయి. పచ్చి బొప్పాయి డైటరీ ఫైబర్, విటమిన్ సి, విటమిన్ ఎ, పొటాషియం, యాంటీఆక్సిడెంట్లకు మంచి మూలం కనుక ఆరోగ్యకరం. ఇది జీర్ణక్రియకు సహాయపడే, శోథ నిరోధక లక్షణాలను అందించే పాపైన్ వంటి ఎంజైమ్‌లను కూడా కలిగి ఉండవచ్చు. పచ్చి బొప్పాయిలో సమృద్ధిగా పోషకాలు ఉన్నాయి. వీటిలో అనేక రకాల విటమిన్లు, ఖనిజాలు పుష్కలంగా ఉంటాయి. పచ్చి బొప్పాయిని రోజూ తినడం వల్ల కలిగే ప్రయోజనాల గురించి తెలుసుకోండి.
మెరుగైన జీర్ణక్రియ: పచ్చి బొప్పాయిలో ఉండే పపైన్ అనే ఎంజైమ్ జీర్ణక్రియకు తోడ్పడే గ్యాస్ట్రిక్ యాసిడ్ స్రావాన్ని పెంచడంలో బాగా ఉపయోగపడుతుందని నిపుణులు చెబుతున్నారు. ఇందులో ఉండే ఎంజైమ్‌లు కడుపులోని వ్యర్థ పదార్థాలను బయటకు పంపడంలో సహాయపడతాయని, ఫలితంగా జీర్ణక్రియ మెరుగుపడుతుంది. అజీర్ణం, గ్యాస్, మలబద్ధకం వంటి సమస్యల నుండి ఉపశమనం పొందుతుందని పరిశోధనల్లో వెల్లడయ్యింది.
క్యాన్సర్‌ను నివారిస్తుంది: పచ్చి బొప్పాయి క్యాన్సర్ ప్రమాదాన్ని తగ్గిస్తుందని నిపుణులు చెబుతున్నారు . లైకోపీన్, బీటా కెరోటిన్ వంటి శక్తివంతమైన యాంటీఆక్సిడెంట్లు శరీరంలోని హానికరమైన మూలకాలను బయటకు పంపి, కణాలను దెబ్బతినకుండా కాపాడతాయని నిపుణులు చెబుతున్నారు. ముఖ్యంగా పురుషుల్లో వచ్చే ప్రోస్టేట్, కోలన్ క్యాన్సర్ వంటి కొన్ని రకాల క్యాన్సర్‌లను తగ్గించడంలో ఇది సహాయపడుతుందని నిపుణులు చెబుతున్నారు. అనేక అధ్యయనాలు కూడా ఈ విషయాన్ని సూచిస్తున్నాయి. నేషనల్ ఇన్‌స్టిట్యూట్ ఆఫ్ హెల్త్ సభ్యుల బృందం ఒక అధ్యయనంలో ఈ విషయాన్ని స్పష్టం చేసింది.
పచ్చకామెర్లు: పచ్చి బొప్పాయి పసుపును నివారించడంలో ఎంతో మేలు చేస్తుందని నిపుణులు చెబుతున్నారు. ప్రతి మూడు గంటలకోసారి అరగ్లాసు బొప్పాయి రసం తాగడం వల్ల కామెర్లు నుంచి ఉపశమనం లభిస్తుందని చెబుతున్నారు.
మలేరియా: బొప్పాయిలో ఉండే విటమిన్ ఎ, సి రోగి రోగనిరోధక శక్తిని పెంచడంలో చాలా సహాయకారిగా భావిస్తారు. బొప్పాయి ఆకు రసం తీసుకోవడం వల్ల మలేరియా, డెంగ్యూ రోగులలో ప్లేట్‌లెట్ కౌంట్ పెరుగుతుందని నిపుణులు సూచిస్తున్నారు.
శరీరంలో మంటను తగ్గిస్తుంది: శరీరంలో మంటను తగ్గించడంలో పచ్చి బొప్పాయి సహకరిస్తుందని నిపుణులు చెబుతున్నారు. పచ్చి బొప్పాయిలో ఉండే పోషకాలు గొంతు ఇన్‌ఫెక్షన్లు, శ్వాసకోశ ఇన్‌ఫెక్షన్లు, రుతుక్రమంలో వచ్చే నొప్పులు సహా శరీరంలోని అనేక రకాల నొప్పులు, చికాకులు, మంటలను తగ్గించడంలో ఎఫెక్టివ్‌గా పనిచేస్తాయని చెబుతున్నారు.
బరువు తగ్గడానికి: పచ్చి బొప్పాయిలో కేలరీలు తక్కువగా ఉంటాయి. దీన్ని తినడం వల్ల చాలా సేపు కడుపు నిండినట్లు అనిపిస్తుంది. ఇది అనవసరమైన ఆహారం తీసుకోవడం తగ్గిస్తుంది. దీని కారణంగా బరువు తగ్గవచ్చు .
గుండె ఆరోగ్యానికి: పచ్చి బొప్పాయిలో ఉండే పొటాషియం, యాంటీఆక్సిడెంట్లు రక్తపోటును నియంత్రించడంలో సహాయపడతాయి. తద్వారా హృదయ సంబంధ వ్యాధుల ప్రమాదాన్ని తగ్గిస్తుంది.
