Lemon Water Benefits: శీతాకాలంలో రోజు ప్రారంభం ఎప్పుడూ మంచి పదార్ధాలతో ఉండాలి. అప్పుడే ఆరోగ్యం మెరుగ్గా ఉంటుంది. ఉదయం వేళ హెల్తీ పదార్ధాలు తీసుకోవాలి. ఉదయం లేవగానే నిమ్మకాయ నీళ్లు తాగితే శరీరానికి చాలా చాలా ప్రయోజనాలు కలుగుతాయి. నిమ్మకాయలో విటమిన్ సి, విటమిన్ ఇ, థయామిన్, నయాసిన్, రిబోఫ్లేవిన్, విటమిన్ బి6 వంటి పోషకాలు పుష్కలంగా ఉంటాయి. రోజూ ఉదయం వేళ నిమ్మకాయ నీళ్లు తాగితే కలిగే ఆరోగ్య ప్రయోజనాలేంటో తెలుసుకుందాం..
అధిక బరువుకు చెక్ బరువు నియంత్రణ లేదా బరువు తగ్గించుకునేందుకు రోజూ ఉదయం పరగడుపున నిమ్మకాయ నీళ్లు తాగాలి. దీనివల్ల శరీరంంలోని విష పదార్ధాలన్నీ తొలగిపోతాయి. ఫలితంగా బరువు తగ్గుతారు. పొట్ట, నడుము చుట్టూ ఉండే కొవ్వు కూడా కరిగిపోతుంది.
రక్తపోటు నియంత్రణ నిమ్మకాయ నీళ్లలో పెద్దమొత్తంలో పొటాషియం, కాల్షియం ఉండటం వల్ల బీపీ రోగులకు చాలా మంచిది. బ్లడ్ ప్రెషర్ సమస్య ఉండేవాళ్లు రోజూ క్రమం తప్పకుండా తీసుకోవాలి.
ఇమ్యూనిటీ బూస్ట్ నిమ్మకాయ నీళ్లలో విటమిన్ సి, యాంటీ ఆక్సిడెంట్లు పుష్కలంగా ఉంటాయి. రోజూ తాగడం వల్ల ఇమ్యూనిటీ వ్యవస్థ బలోపేతమౌతుంది. రోగ నిరోధక శక్తి పెరుగుతుంది. దీనివల్ల జలుబు, జ్వరం, వైరల్ జ్వరాలు రావు.
ఎనీమియాకు చెక్ నిమ్మకాయ నీళ్లు రోజూ తాగడం వల్ల హిమోగ్లోబిన్ స్థాయి పెరుగుతుంది. ఇందులో తగినంతగా యాంటీ ఆక్సిడెంట్లు, విటమిన్ బి, పొటాషియం వంటి పోషకాలుండటం వల్ల రక్తంలో హిమోగ్లోబిన్ స్థాయి పెరుగుతుంది. ఎనీమియా రోగులు రోజూ నిమ్మకాయ నీళ్లు తాగడం మంచిది.
మెరుగైన జీర్ణ వ్యవస్థ నిమ్మకాయ నీళ్లలో విటమిన్లు, ఫైబర్ పెద్దమొత్తంలో ఉంటాయి. ఇవి జీర్ణక్రియను మెరుగుపర్చడంలో దోహదం చేస్తాయి. నిమ్మకాయ నీళ్లు తాగడం వల్ల కడుపు సంబంధిత సమస్యలు తొలగిపోతాయి. అజీర్తి సమస్య ఉండదు
