TOP Stats And Numbers From 1st T20 IND Vs WI: టీమిండియాతో టెస్టు, వన్డే సిరీస్‌లు కోల్పోయిన విండీస్.. పొట్టి ఫార్మాట్‌ సిరీస్ మాత్రం ఘనంగా ఆరంభించింది. తొలి టీ20 మ్యాచ్‌లో టీమిండియాను నాలుగు పరుగుల తేడాతో ఓడించింది. బ్యాటింగ్‌లో తక్కువ స్కోరే చేసినా.. బౌలింగ్‌లో అద్భుతంగా రాణించి విజయం సాధించింది. ఈ మ్యాచ్‌లు పలు రికార్డులు బద్దలు అయ్యాయి. వాటిపై ఓ లుక్కేయండి..
ఈ మ్యాచ్‌ ద్వారా అంతర్జాతీయ కెరీర్ ఆరంభించిన తిలక్ వర్మ.. 177.27 స్ట్రైక్ రేట్‌తో పరుగులు చేశాడు. 22 బంతుల్లో 39 రన్స్ చేశాడు. టీ20 అరంగేట్రంలో (కనీసం 30 పరుగులు) భారత బ్యాటర్ చేసిన అత్యధిక స్ట్రైక్ రేట్ ఇది.
టీ20ల్లో టీమిండింయా కెప్టెన్ హార్దిక్ పాండ్యా విదేశాల్లో 45 వికెట్లు తీశాడు. యుజ్వేంద్ర చాహల్ (44 వికెట్లు)ను అధిగమించాడు. భువనేశ్వర్ కుమార్ (56), రవిచంద్రన్ అశ్విన్ (50) మాత్రమే అతని కంటే ముందున్నారు.
వెస్టిండీస్ 26 టీ20 మ్యాచ్‌ల్లో భారత్‌పై 8వ విజయాన్ని నమోదు చేసింది. భారత్ 17 టీ20 మ్యాచ్‌లు గెలిచింది.
వెస్టిండీస్ ఆల్‌రౌండర్ జేసన్ హోల్డర్ (55 వికెట్లు) శామ్యూల్ బద్రీ 54 వికెట్ల సంఖ్యను అధిగమించాడు. టీ20ల్లో వెస్టిండీస్ తరపున డ్వేన్ బ్రావో (78) తర్వాత రెండో అత్యధిక వికెట్లు తీసిన బౌలర్‌గా నిలిచాడు.
తిలక్ వర్మ తన తొలి మ్యాచ్‌లో మూడు సిక్సర్లు బాదాడు. విదేశాల్లో అరంగేట్రం మ్యాచ్‌లో రాహుల్ ద్రావిడ్, మురళీ విజయ్‌లతో కలిసి అత్యధికంగా అత్యధిక సిక్సర్లు బాదిన ఆటగాడిగా నిలిచాడు.
