ఇక పీఎం కిసాన్‌ యోజనలో మీ ఖాతాకు సంబంధించిన స్టేటస్‌ను కూడా చెక్‌ చేసుకునే సౌలభ్యం కూడా ఉంది. మీ దగ్గర ఉన్న ఆధార్‌ నంబర్‌ ద్వారా చెక్‌ చేసుకోవచ్చు. లబ్దిదారుల స్టేటస్‌ చెక్‌ చేసుకోవడానికి అధికారిక వెబ్‌సైట్‌ ఓపెన్‌ చేసి బెనిఫిషియరీ స్టేటస్‌లో ఆధార్‌ నంబర్‌ ఎంటర్ చేయాలి. ఆ తర్వాత 'Get Data' క్లిక్‌ చేయాలి.

పీఎం కిసాన్‌ డబ్బులు మీ ఖాతాల్లో క్రెడిట్‌ కాకపోతే కేంద్రం కొన్ని హెల్ప్‌లైన్‌ నంబర్లను ఏర్పాటు చేసింది. టోల్‌ ఫ్రీ నంబర్‌ 1800115526 కాల్‌ చేయవచ్చు. అంతేకాదు మీ సమస్యను ఈ మెయిల్‌ ఐడీ ద్వారా కూడా నమోదు చేయవచ్చు. ID pmkisan-ict@gov.in మెయిల్‌ చేయాలి. అంతేకాదు 011-2381092 నంబర్ ద్వారా కూడా పీఎం కిసాన్‌ ఖాతాకు సంబంధించిన వివరాలు పొందవచ్చు.  

ఈ డబ్బులను నేరుగా రైతుల ఖాతాల్లో డైరెక్ట్‌ బెనిఫిట్ ట్రాన్స్‌ఫర్ (DBT) ద్వారా జమా చేస్తుంది కేంద్ర ప్రభుత్వం. 17వ విడత డబ్బులను రైతుల ఖాతాల్లో జూన్‌ నెలలోనే జమా చేసిన సంగతి తెలిసిందే. ఈ విడుతలో 9.3 కోట్ల రైతులకు రూ.20 వేల కోట్లను జమా చేసింది. అయితే, దసరా పండుగ ముందు మరో విడుతను ప్రారంభించనుంది.  

ఎన్‌డీఏ ప్రభుత్వం పీఎం కిసాన్‌ యోజన పథకాన్ని 2018లో ప్రారంభించింది. చిన్న సన్నకారు రైతులను ఆర్థికంగా ఆదుకోవడానికి మోడీ ప్రభుత్వం ఈ పథకాన్ని ప్రారంభించింది.