Russia-Ukraine War: రష్యా-ఉక్రెయిన్ యుద్ధం ప్రారంభమైంది. స్వయంగా రష్యా అధినేత వ్లాదిమిర్ పుతిన్ ఈ విషయాన్ని వెల్లడించారు. ఇతర దేశాలు జోక్యం చేసుకుంటే..తీవ్ర పరిణామాలు ఎదుర్కోవల్సి వస్తుందని హెచ్చరించారు. ఉక్రెయిన్ మిలటరీ, వైమానిక స్థావరాల్ని లక్ష్యంగా చేసుకుని రష్యా దాడులు చేస్తోంది. అదే సమయంలో వెనక్కి తగ్గేది లేదని ఉక్రెయిన్ స్పష్టం చేస్తోంది. రష్యా-ఉక్రెయిన్ యుద్ధపు కొన్ని దృశ్యాలు మీ కోసం
ఉక్రెయిన్‌లో యుద్ధ పరిస్థితులు నెలకొన్న తరువాత అక్కడి ప్రజలు పెద్దసంఖ్యలో దేశం వదిలేందుకు ప్రయత్నాలు ప్రారంభించారు. ఉక్రెయిన్ రోడ్లపై వేలాది వాహనాల క్యూ కన్పించింది.
ఉక్రెయిన్ రాజధాని కీవ్‌లో రష్యా ఫైటర్ జెట్స్ చాలా కన్పించాయి. కీవ్ నగరంపై రష్యా మిస్సైల్ దాడులు కూడా జరిపిందని సమాచారం.
ఉక్రెయిన్ రాజధాని కీవ్, రష్యా సరిహద్దుకు ఆనుకుని ఉన్న నగరాల్లో ఉదయం నుంచే రష్యా ఎయిర్‌స్ట్రైక్స్ ప్రారంభించింది.
ఉక్రెయిన్ కూడా రష్యాకు చెందిన 5 ఫైటర్ ఫ్లైట్లను, ఒక హెలీకాప్టర్‌ను కూల్చేసినట్టు ఆ దేశ రక్షణ మంత్రిత్వ శాఖ వెల్లడించింది.
రష్యా..ఉక్రెయిన్ వైమానిక, మిలటరీ స్థావరాల్ని లక్ష్యంగా చేసుకుని దాడులు చేసినట్టు తెలుస్తోంది. అటు ఉక్రెయిన్ కూడ దాడుల్ని తిప్పికొట్టేందుకు ప్రయత్నిస్తోంది.
యుద్ద ప్రకటన మొదలైన తరువాత ఉక్రెయిన్ రాజధాని కీవ్‌లో పేలుళ్లు భారీగా విన్పించాయి. రష్యా దాడులతో ముడి చమురు ధర బ్యారెల్ వంద డాలర్లకు చేరుకుంది.
