Sports bikes prices: స్పోర్ట్స్ బైక్ కొనాలనుకుంటున్నారా..అయితే ధర ఎక్కువని ఆలోచిస్తున్నారా..అయితే ఇవి మీ కోసమే. తక్కువ ధరలో అంటే అందుబాటు ధరలో ఇండియాలో లభించే స్పోర్ట్స్ బైక్‌లు ఏంటో తెలుసా మీకు. ఇవి నడిపితే ఆ స్టైలే వేరు మరి..
బైక్ లవర్స్ స్వాగ్ డిఫరెంట్‌గా ఉంటుంది. కొందరికి బైక్స్ అంటే చాలా మోజు ఉంటుంది. ఇప్పుడు మేం మీకు చూపించే స్పోర్ట్స్ బైక్స్ చాలా ప్రత్యేకమైనవి. వీటి వల్ల చాలా ప్రయోజనాలున్నాయి. అందుబాటు ధరల్లో ఉన్నాయి..
జపాన్ కంపెనీ యమహా అంటే ఇండియాలో బైక్ లవర్స్‌కు చాలా మక్కువ. Yamaha FZS V3 ABS ఓ అద్బుతమైన స్పోర్ట్స్ బైక్. అద్భుతమైన డిజైన్, ఆకట్టుకునే రూపం కారణంగా బైక్ లవర్స్ ఈ బైక్‌ను చాలా ఎక్కువగా ఇష్టపడుతుంటారు. Yamaha FZS V3 ABS లో మీకు 149 CC సింగిల్ సిలెండర్ ఇంజన్ వస్తుంది. రాజధాని ఢిల్లీలో ఈ బైక్ ఎక్స్ షోరూం ధర 97 వేల రూపాయలు మాత్రమే..
టీవీఎస్ అపాచీ మార్కెట్లో కొత్త బ్రాండ్ కాకపోయినా..కొద్దికాలం క్రితం లాంచ్ చేసిన TVS Apache RTR 200 4V లుక్ మాత్రం జనాన్ని ఫిదా చేసేసింది. ఈ పవర్ ఫుల్ బైక్‌లో మీకు 197.75 CC సింగిల్ ఇంజన్ లభిస్తుంది. ఈ బైక్ 3.9 సెకన్లలో 0 నుంచి 60 కిలోమీటర్ల వేగాన్ని అందుకుంటుందని కంపెనీ చెబుతోంది. ఈ బైక్ ఎక్స్ షోరూం ధర 97 వేల 6 వందల రూపాయలు..
జపాన్ కంపెనీ సుజుకీ కూడా స్పోర్ట్స్ బైక్ తయారీలో ముందుంటుంది. Suzuki Gixxer సిరీస్ లోని ఈ బైక్ మీకు 155 CC సింగిల్ సిలెండర్ ఇంజన్‌తో లభిస్తుంది. మార్కెట్లో ఈ బైక్ ఎక్స్ షోరూం ధర 88 వేల 9 వందల రూాపాయలు మాత్రమే..
స్పోర్ట్స్ బైక్ గురించి మాట్లాడేటప్పుడు..బజాజ్ పల్సార్ పేరు ప్రస్తావించకపోతే ఎలా ఉంటుంది..స్పోర్ట్స్ బైక్ శ్రేణిలో Bajaj Pulsar 220F దేనికంటేనూ తీసిపోలేదు. ఈ బ్రాండ్ ఎంత పాపులర్ అయ్యిందంటే...పల్సార్ పేరుతోనే బైక్స్ అమ్ముడైపోతున్నాయి. Bajaj Pulsar 220F లో గొప్ప విషయమేమంటే..మీకిందులో 220 సిసి పవర్ ఫుల్ ఇంజన్ లభిస్తుంది. ఈ బైక్ ఎక్స్ షోరూం ధర లక్ష రూపాయలు..
