Trisha top Movies: త్రిష గురించి సెపరేట్‌గా చెప్పాల్సిన పనిలేదు. హీరోయిన్‌గా గత రెండు దశాబ్దాలుగా తెలుగు ఆడియన్స్‌ను అలరిస్తూనే ఉంది. త్వరలో చిరంజీవి హీరోగా నటిస్తోన్న 'విశ్వంభర'తో తెలుగులో రీ ఎంట్రీ ఇచ్చింది. ఈ రోజు త్రిష బర్త్ డే సందర్బంగా ఇన్నేళ్ల కెరీర్‌లో త్రిష తెలుగు టాప్ మూవీస్ విషయానికొస్తే..
వర్షం.. (Varsham) ప్రభాస్ హీరోగా శోభన్ దర్శకుడిగా పరిచయమైన ఈ సినిమాతో త్రిషకు తెలుగులో మంచి బ్రేక్ వచ్చింది. ఒక రకంగా ప్రభాస్, త్రిషకు తొలి హిట్ ఈ సినిమాతో దక్కింది. ఈ సినిమా తర్వాత వీరిద్దరు వెనుదిరిగి చూసుకోలేదు.
నువ్వొస్తానంటే నేనొద్దాంటానా.. (Nuvvosthanante Nenoddantana) ప్రభుదేవా దర్శకత్వంలో సిద్ధార్ద్‌ హీరోగా నటించిన ఈ సినిమాలో త్రిష నటనకు మంచి మార్కులే పడ్డాయి.
అతడు.. (Athadu) సూపర్ స్టార్ మహేష్ బాబు, త్రివిక్రమ్ కాంబినేషన్‌లో వచ్చిన ఫస్ట్ మూవీ అతడు. ఈ సినిమాలో త్రిష తన నటనతో ప్రేక్షకులను అట్రాక్ట్ చేసింది.
ఆడవారి మాటలకు అర్ధాలే వేరులే.. (Aadavari Matalaku Ardhale Verule) వెంకటేష్ హీరోగా రాఘవ దర్శకత్వంలో తెరకెక్కిన సినిమా 'ఆడవారి మాటలకు అర్ధాలే వేరులే'. ఈ సినిమా కూడా త్రిష కెరీర్‌లో ప్రత్యేకంగా నిలిచిపోయింది.
కింగ్ (King) శ్రీను వైట్ల దర్శకత్వంలో నాగార్జున అక్కినేని హీరోగా నటించిన ఈ సినిమా బాక్సాఫీస్ దగ్గర హిట్‌గా నటించింది. ఈ సినిమా త్రిష కెరీర్‌లో మరో హిట్‌గా నిలిచింది.
కృష్ణ (Krishna) రవితేజ హీరోగా వి.వి.వినాయక్ దర్శకత్వంలో తెరకెక్కిన మూవీ 'కృష్ణ'. ఈ మూవీ త్రిష కెరీర్‌లో మరో మైలురాయిగా నిలిచిపోయింది.
పొన్నియన్ సెల్వన్ (Ponniyin selvan 1&2) పొన్నియన్ సెల్వన్.. మణిరత్నం దర్శకత్వంలో విక్రమ్, కార్తి, జయం రవి, ఐశ్వర్య రాయ్, త్రిష్ హీరో, హీరయిన్లుగా నటించిన ఈ సినిమా తెలుగు ఇతర భాషల్లో సక్సెస్ కాలేకపోయింది. కానీ తమిళంలో మాత్రం బ్లాక్ బస్టర్‌గా నిలిచింది.
