વિજય ચંડોક કરશે ICICI સિક્યુરિટીઝનું નેતૃત્વ, બનાવવામાં આવ્યા CEO

નવી દિલ્હીઃ વિજય ચંડોક ICICI સિક્યુરિટીઝના મેનેજિંગ ડિરેક્ટર અને ચીફ એક્ઝિક્યુટિવ ઓફિસર હશે. આઈસીઆઈસીઆઈ બેન્કે શનિવારે આ જાણકારી આપતા જણાવ્યું કે, તેમનો કાર્યકાળ સાત મે 2019થી શરૂ થશે. ICICI સિક્યુરિટીઝ, ICICI બેન્કની સબ્સિડરી કંપની છે. શેર બજારમાં ઉપલબ્ધ કરાવેલી સૂચના અનુસાર ચંડોકનો કાર્યકાળ 7 મે 2019થી શરૂ થશે. વર્તમાનમાં તેઓ આઈસીઆઈસીઆઈ બેન્કના કાર્યકારી નિયામક છે. 

વિજય ચંડોક 1993માં આઈસીઆઈસીઆઆઈ ગ્રુપમાં જોડાયા હતા. વર્તમાનમાં તેમના પર આંતરરાષ્ટ્રીય બેન્કિંગ ગ્રુપના ડાયરેક્ટરની જવાબદારી છે. આ સિવાય તેઓ ICICI બેન્કના UK PLC અને ICICI Bank Canadaના બોર્ડમાં પણ સામેલ છે. આ સિવાય તેમના પર આઈસીઆઈસીઆઈ ઇન્વેસ્ટમેન્ટ મેનેજમેન્ટ કંપનીની પણ જવાબદારી છે. 

વિજય ચંડોલે NMIMS કોલેજમાંથી માસ્ટર ઇન બિઝનેસ મેનેજમેન્ટનો અભ્યાસ કર્યો છે. તેમણે IIT BHUમાંથી મિકેનિકલ એન્જિનિયરિંગમાં ગ્રેઝ્યુએશન કર્યું છે.