Aamir Khan-Darsheel Safari Reunite: 17 વર્ષ બાદ આ નવી ફિલ્મમાં સાથે જોવા મળશે 'તારે જમીન પર' ફિલ્મની આ જોડી

નવી દિલ્હીઃ Aamir Khan- Darsheel Safari Reunite: વર્ષ 2007માં આવેલી બોલીવુડ ફિલ્મ તારે જમીન પર તો તમને યાદ જ હશે. આ ફિલ્મ ઈશાન નામના એક બાળકની કહાની પર બેસ્ડ હતી. ફિલ્મમાં ઈશાન એક બીમારીનો સામનો કરી રહ્યો હોય ચે. ત્યારે સ્કૂલમાં એક એન્ટ્રી થાય છે તેના ટીચર નિકુંભની. જે ઈશાનની બીમારીને સમજે છે અને જીવનમાં  આગળ વધવામાં તેની મદદ કરે છે. આ ટીચર અને સ્ટૂડન્ટની જોડીને મોટા પડદા પર ખુબ પસંદ કરવામાં આવી હતી. 17 વર્ષ બાદ એકવાર ફરી આમિર ખાન અને દર્શીલ સફારીની આ જોડી મોટા પડદા પર નજર આવવાની છે. 

દર્શીલ સફારીની ઈન્સ્ટાગ્રામ પોસ્ટ
હકીકતમાં 4 માર્ચે દર્શીલ સફારીએ પોતાના ઈન્સ્ટાગ્રામ એકાઉન્ટ પર એક પોસ્ટ શેર કરી છે. આ પોસ્ટમાં બે તસવીરો જોવા મળી રહી છે. પ્રથમ તસવીર ફિલ્મ તારે જમીન પરની છે. જેમાં એક સીન દરમિયાન બંને એક્ટર્સ સાથે ઉભેલા જોવા મળી રહ્યાં છે. જ્યારે બીજી તસવીર 17 વર્ષ બાદની છે. આ તસવીરમાં ગ્રોન અપ દર્શીલ આમિર ખાનની સાથે પોઝ આપતો જોવા મળી રહ્યો છે. બીજી તરવીરમાં આમિર ખાન વૃદ્ધ વ્યક્તિના ગેટઅપમાં જોવા મળી રહ્યો છે. તો દર્શીલ સફારી પહેલાથી ખુબ મોટો લાગી રહ્યો છે. 

View this post on Instagram

A post shared by Darsheel Safary (@dsafary)

આ બંને તસવીરો સાથે દર્શીલે પોતાની પોસ્ટમાં લખ્યું- 17 વર્ષ બાદ એકવાર ફરી હું મારા ફેવરેટ મેન્ટોરની સાથે છું. ખુબ ઈમોશનલ છું. આ સાથે કેપ્શનમાં એક્ટરે કહ્યું કે 4 દિવસ બાદ તે મોટી જાહેરાત કરવાનો છે. એક્ટરની આ વાત સાંભળ્યા બાદ ફેન્સ આતૂર થઈ ગયા છે. 

મોટા પડદા પર સાથે જોવા મળશે જોડી
આમિર ખાન વર્ષ 2022 બાદથી મોટા પડદા પર જોવા મળ્યો નથી. લાલ સિંહ ચડ્ઢા ફિલ્મ ફ્લોપ થયા બાદ આમિર ખાને અભિનેતા તરીકે કોઈ ફિલ્મમાં કામ કર્યું નથી. પરંતુ થોડા સમય પહેલા આમિર ખાને એક ઈન્ટરવ્યૂમાં સિતારે જમીન પર ફિલ્મને લઈને એક ખુલાસો કર્યો હતો. ઈન્ટરવ્યૂમાં અભિનેતાએ કહ્યું હતું કે જલ્દી તે પોતાની આગામી ફિલ્મ સિતારે જમીન પરમાં લીડ રોલમાં જોવા મળશે. આ સાથે અભિનેતાએ જણાવ્યું કે આ ફિલ્મને 2024ના અંતમાં ક્રિસમસની આસપાસ રિલીઝ કરવામાં આવશે. આ સિવાય અભિનેતા લાહર 1947 ફિલ્મ પર કામ કરી રહ્યાં છે.