JPCની બેઠક બની તોફાની : ઔવેસી અને ગૃહમંત્રી હર્ષ સંઘવી વચ્ચે થઈ તડાફડી, જબરદસ્ત બબાલ

Ahmedabad News : વક્ફ સંશોધન બિલ માટે રચાયેલી JPC ની ટીમ આજે ગુજરાતમાં છે. જેમાં JPC સમક્ષ ગુજરાત સરકાર અને ગુજરાત વક્ફ બોર્ડનું પ્રેઝન્ટેશન કરાયું હતું. JPC વક્ફ બોર્ડ અને અન્ય સંબંધિત પક્ષના લોકો સાથે ચર્ચા કરી હતી. ત્યારે અમદાવાદમાં JPCની બેઠકમાં ઉગ્ર બોલાચાલી થઈ હતી. અસદુદ્દીન ઓવૈસી અને હર્ષ સંઘવી વચ્ચે જોરદાર બોલાચાલી થઈ હોવાનું સામે આવ્યું છે. હર્ષ સંઘવી અને અસદુદ્દીન ઓવૈસી સામસામે આવ્યા હતા. JPCની બેઠકમાં વક્ફ બિલ પર ચર્ચા દરમિયાન બોલાચાલી થઈ હતી. જોકે, સંઘવીએ આ મામલે કંઈ પણ કહેવાનો ઈન્કાર કરી દીધો હતો. સંઘવીએ પત્રકારોને જણાવ્યું હતું કે, ગુજરાતની પ્રજાના હિતોના રક્ષણ માટે અમે રજૂઆતો કરી છે. અંદર જે થયું એ જાહેરમાં કહી ન શકાય. ફક્ત અમે એટલું જ કહીશું કે અમે અમારો પક્ષ રાખ્યો છે. જો કે ઓવૈસીએ સુરત મ્યુનિસિપલ કોર્પોરેશનની બિલ્ડિંગનો મુદ્દો ઉઠાવતા હર્ષ સંઘવી અને ઓવૈસી વચ્ચે ચકમક ઝરી હતી.

વક્ફ બોર્ડ અંગે ચર્ચા : મુસ્લિમ સમાજ વતી આવેદન પત્ર આપવાના છે ઈમરાન ખેડાવાલા#waqfboard #imrankhedawala #ahmedabad #waqfboardbill #Gujarat pic.twitter.com/cs9qjsuw9h

— Zee 24 Kalak (@Zee24Kalak) September 27, 2024

આ બેઠકમાં બાર કાઉન્સિલ, વકીલ અસોસિયેશન અને મુતાવલી અસોસિયેશન પોતાનો પક્ષ રાખ્યો હતો. તો ગૃહ રાજ્યમંત્રી હર્ષ સંઘવી, DGP વિકાસ સહાય પણ પહોંચ્યા હતા. આ સાથે ધારાસભ્ય ઈમરાન ખેડાવાલા પણ પહોંચ્યા. ઈમરાન ખેડાવાલા મુસ્લિમ સમાજ વતી આવેદન પત્ર આપ્યું હતું. વક્ફ એમેન્ડમેન્ટ 2024ના વિરોધમાં આવેદન આપશે. JPC આગામી દિવસોમાં હૈદ્રાબાદ, ચેન્નાઈ અને બેંગ્લોરમાં પણ બેઠકો યોજાવાની છે. વક્ફ સંશોધન બિલની અનિવાર્યતા અંગે આ JPC એટલે કે સંયુક્ત સંસદીય સમિતિની રચના કરવામાં આવી છે. જેમાં 31 સાંસદોનો સમાવેશ થાય છે. કમિટીમાં 21 લોકસભાના અને 10 રાજ્યસભાના સાંસદો છે. આ બિલના પ્રેઝન્ટેશન વખતે ચર્ચા પણ કરવામાં આવી હતી. જેમાં કોંગ્રેસના જમાલપુર-ખાડિયા બેઠકના ધારાસભ્ય ઇમરાન ખેડાવાલાએ આ બિલને રદ્દ કરવા માટે જણાવ્યું હતું.

વકફ સંશોધન બિલ માટે રચાયેલ JPC આજે ગુજરાત છે. વફક સંશોધન બિલ ની અનિવાર્યતા અંગે સંયુક્ત સંસદીય સમિતિની રચના કરવામાં આવી છે. ગુજરાત વકફ બોર્ડ અને ગુજરાત સરકાર કરશે JPC સમક્ષ પ્રેઝન્ટેશન, વકફ સંશોધન બિલ માટે કુલ 31 સાંસદોની સંયુક્ત સંસદીય સમિતિની રચના કરવામાં આવી છે. JPC 21 લોકસભા અને 10 રાજ્યસભાના સાંસદોનો સમાવેશ થયો છે. વકફ બોર્ડ અને અન્ય સંબંઘીત પક્ષના લોકો સાથે કરશે ચર્ચા, બેઠકમાં બાર કાઉન્સીલ, વકિલ અશોશીએશન અને મુતાવલી એશોશીએશન પોતાનો પક્ષ રાખશે, વક્ફ બીલ મુદ્દે પાંચ રાજ્યોમાં જેપીસીની બેઠક થશે. 26 સપ્ટેમ્બરથી પહેલી ઓક્ટોબર સુધી પાંચ રાજ્યોના પ્રવાસે જશે. જેપીસી, 26મીએ મહારાષ્ટ્ર,27મીએ ગુજરાત, 28મીએ હૈદ્રાબાદ, 30મીએ ચેન્નાઇ તમિલનાડુ અને 1લીએ બેંગલોર કર્ણાટક ખાતે બેઠક યોજાવાની છે. આજની બેઠકમાં ઔવેસી પણ હાજર રહ્યાં હતા.

જેપીસી સાથેની આ બેઠકમાં ઔવેસી અને સંઘવી વચ્ચે બેઠકમાં તડાફડી બોલી ગઈ હતી. સૂત્રો જણાવે છે કે બંને વચ્ચે ઉગ્ર બોલાચાલી થઈ હતી. હૈદરાબાદના સાંસદ ઓવૈસીએ કમિટીમાં રજૂઆત કરી હતી કે સુરત મ્યુનિસિપલ કોર્પોરેશનની જગ્યા વકફ બોર્ડમાં નોંધાયેલી હતી. ટ્રિબ્યુનલમાં જજમેન્ટ આવ્યું હતું અને જેને કાઢી દેવામાં આવ્યું હતું. કેટલી એવી જગ્યાઓ છે જે વકફ બોર્ડમાં નોંધાઈ ગઈ છે, જે અંગેની માહિતી માંગવામાં આવી હતી. વકફ બોર્ડ સમક્ષ આ મિલકત વકફની હોવાનો દાવો વર્ષ 2015માં કરવામાં આવ્યો હતો, જેનો ચુકાદો 2021માં આવતાં આ પ્રોપર્ટીને વકફની જાહેર કરાઈ હતી, જેની સામે SMCએ 2021માં વકફ ટ્રિબ્યુનલ ગાંધીનગર ખાતે અપીલ કરી હતી. SMCએ જણાવ્યું હતું કે વર્ષોથી અહીં મ્યુનિસિપલ કોર્પોરેશનનો કબજો છે, ક્યારેય કોઈએ વાંધો ઉઠાવ્યો નથી.

સુરતના સોદાગરવાડ ખાતે રહેતા અરજદાર અબ્દુલ્લાહ જરુલ્લાહે સુરત શહેર વોર્ડ નં.11 સીટી સર્વે નં.1504માં આવેલી મુગલસરાય તરીકે ઓળખાતી મિલકત કે જેમાં કાર્યરત સુરત મ્યુ.કોર્પોરેશનની કચેરીની જગ્યાને વકફ મિલકત તરીકે નોધણી કરવા સહિત અન્ય માંગ કરતી અરજી ગુજરાત રાજ્ય વકફ બોર્ડમાં કરી હતી. માર્ર્ચ-2016માં  કરેલી અરજીના સમર્થનમાં હાલમાં પ્રિન્સ ઓફ વેલ્સ મ્યુઝીયમ ઓફ વેસ્ટર્ન ઈન્ડીયામાં રાખવામા આવેલી આ ઈમારતની તખ્તી સહિત અન્ય ઐતિહાસિક દસ્તાવેજી પુરાવા નોંધ રજુ કર્યા હતા.

સુરત મહાનગર પાલિકાએ 1867થી આ વાદગ્રસ્ત મિલકતનો કબજો મેળવ્યો હતો. પરંતુ જુની મેટર હોય વધુ રેકર્ડ પ્રાપ્ત ન હોવા છતાં સુરત મહાનગર પાલિકાની કમિટીના પ્રોસિડીંગ્સના ઉતારાની નકલો રજુ થઇ હતી. આજે આ મામલે ઔવેસી અને હર્ષ સંઘવી વચ્ચે ચકમક જરી હતી.વકફ ટ્રિબ્યુનલમાં સુરત મહાનગરપાલિકાના કમિશનર વતી એડવોકેટ કૌશલ. ડી. પંડ્યાએ દલીલો કરી હતી. કેસની વિગતો જોતાં સુરતમાં ગોરધનદાસ ચોખાવાલા રોડ ઉપર અબ્દુલ્લાહ જરુલ્લાહના જણાવ્યા મુજબ, હુમાયુ સરાઈ આવેલું છે, પરંતુ છેલ્લાં 150 વર્ષથી અહીં મ્યુનિસપિલ કચેરી આવેલી છે.