IND vs SA: ભારત અને આફ્રિકાની ટીમનું રાજકોટમાં આગમન, કાઠિયાવાડની પરંપરા મુજબ કરાયું સ્વાગત

રાજકોટના સૌરાષ્ટ્ર ક્રિકેટ એસોસિએશન સ્ટેડિયમમાં 17 જૂને ભારત અને આફ્રિકા વચ્ચે ચોથી ટી20 મેચ રમાવાની છે. બંને ટીમો આજે રાજકોટ પહોંચી ગઈ છે. ગુરૂવારે બંને ટીમનો પ્રેક્ટિસનો પણ કાર્યક્રમ છે. 

IND vs SA: ભારત અને આફ્રિકાની ટીમનું રાજકોટમાં આગમન, કાઠિયાવાડની પરંપરા મુજબ કરાયું સ્વાગત

ગૌરવ દવે રાજકોટઃ ભારત અને દક્ષિણ આફ્રિકા વચ્ચે ચાલી રહેલી પાંચ મેચોની ટી20 સિરીઝનો ચોથો મુકાબલો રાજકોટના સૌરાષ્ટ્ર ક્રિકેટ એસોસિએશન સ્ટેડિયમમાં રમાવાનો છે. 17 જૂને રમાનાર ટી20 મેચ માટે આજે ભારતીય અને દક્ષિણ આફ્રિકાની ક્રિકેટ ટીમ રાજકોટ પહોંચી ચુકી છે. રાજકોટ પહોંચેલા બંને ટીમના ખેલાડીઓનું સૌરાષ્ટ્રની પરંપરા અનુસાર સ્વાગત કરવામાં આવ્યું હતું. 

રાજકોટ પહોંચી બંને ટીમ
ભારત અને સાઉથ આફ્રિકાની ટીમ ચોથી ટી20 મેચ રમવા માટે રાજકોટ પહોંચી ચુકી છે. ભારતીય ટીમ કાલાવડ રોડ પર આવેલી હોટલ સયાજીમાં પહોંચી છે. જ્યારે આફ્રિકાની ટીમ હોટલ ફોર્ચ્યુનમાં રોકાવાની છે. બંને ખેલાડીઓનું પરંપરાગત રીતે સ્વાગત કરવામાં આવ્યુ હતું. એરપોર્ટ ખેલાડીઓને જોવા માટે મોટી સંખ્યામાં ક્રિકેટ ફેન્સ હાજર રહ્યાં હતા. તો હોટલમાં ખેલાડીઓ પહોંચ્યા તો તેમું કુમકુમ તિલક સાથે સ્વાગત કરવામાં આવ્યું હતું. તો કાઠિયાવાડની પરંપરા મુજબ રાસ-ગરબા પણ જોવા મળ્યા હતા. 

No description available.

ગુજરાતી ભોજનનો ચટકો ચાખશે ભારતીય ખેલાડીઓ
સામાન્ય રીતે ક્રિકેટ ટીમ રાજકોટ આવે એટલે તેમને ગુજરાતી ભોજન પીરસવાની વર્ષોથી પરંપરા છે. આ પરંપરા જળવાઈ રહે તે માટે સયાજી હોટલ દ્વારા ટીમ ઈન્ડિયાના ખેલાડીઓને ઢોકળી, રાજસ્થાની દાલબાટી, ઘૂઘરા, ઘેવર રબડી, કૈર સાંગરી, ઈન્દોરી ચાટ પીરસવામાં આવશે. વડોદરાથી આવતા ખાસ રસોયા દ્વારા બનાવવામાં આવેલો વઘારેલો રોટલો પણ ક્રિકેટરોને જમાડવામાં આવશે. 

No description available.

સ્યુટ રૂમમાં અલગ અલગ થિમ શણગારી
ટીમના અન્ય ખેલાડીઓને પ્રિમીયમ રૂમ આપવામાં આવ્યા છે. જેમાં 60 એમબીપીએસની સ્પીડ ઉપરાંત જીમ, સ્વિમિંગ પુલ સહિતની ખાસ વ્યવસ્થા કરવામાં આવી છે. હોટેલ દ્વારા પંડ્યા, ચહલ, પંત, દ્રવિડ સહિત તમામ ક્રિકેટરો માટે ખાસ પીલો (ઓશિકા) પણ તૈયાર કરવામાં આવ્યા છે. 

રાજકોટમાં ટીમ ઈન્ડિયાના ખેલાડીઓ ઢોકળી, ગાંઠીયા અને ઘુંઘરા ખાઈને ગ્રાઉન્ડમાં ઉતરશે! આવતીકાલે ભારત-દ.આફ્રિકાની ટીમનું આગમન

7 વર્ષે બાદ સાઉથ આફ્રિકાની ટીમનું રાજકોટમાં આગમન
અગાઉ પણ 2015 માં આફ્રિકા ટિમ આજ હોટેલમાં રોકાઇ ચુકી છે. સાઉથ આફ્રિકાની ટીમ 7 વર્ષ બાદ બીજી વખત હોટેલ ફોર્ચ્યુનમાં રોકવાની છે. ત્યારે તેને લઈને ખાસ તૈયારીઓ કરી લેવામાં આવી છે. હોટેલ દ્વારા આફ્રિકી ખેલાડીઓના વિશાળ પોસ્ટર પણ હોટેલની અંદર-બહાર લગાવાયા છે. તો આફ્રિકી ટીમના કેપ્ટન ટેમ્બા બાવુમાને હોટેલના આઠમા માળે પ્રેસિડેન્શીયલ રૂમ આપવામાં આવ્યા છે. અહીં તમામ ખેલાડીઓને 100 એમબીપીએસની ઈન્ટરનેટ સ્પીડ ઉપરાંત જીમ, સ્વિમિંગ પુલ, સ્પા સહિતની વ્યવસ્થા કરવામાં આવી છે. આ ઉપરાંત આફ્રિકી ખેલાડીઓને ત્યાંની સ્પેશ્યલ રુઈ બુશ ટી સાથે ગુજરાતી ખાણું ઢોકળા-ગાઠીંયા પણ પીરસવામાં આવનાર હોવાનું જાણવા મળ્યું છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube

 

Trending news

Powered by Tomorrow.io