દૂધ ઉત્પાદકો માટે હવે ખુશીનો પાર નહીં રહે! રાજકોટ દૂધ સંઘના નિયામક મંડળે લીધો મહત્વપૂર્ણ નિર્ણય

ઝી ન્યૂઝ/રાજકોટ: રાજકોટ સહકારી ડેરીના દૂધ ઉત્પાદકો માટે સારા સમાચાર આપ્યા છે. રાજકોટ દૂધ સંઘના નિયામક મંડળ દ્વારા મહત્વનો નિર્ણય લેવાયો છે. ડેરીએ દૂધમાં પ્રતિકિલો ફેટે ~10નો વધારો કર્યો છે. 21 મેથી દૂધ મંડળીઓને કિલો ફેટના ~720 ચૂકવાશે. 50 હજાર દૂધ ઉત્પાદકોને ભાવ વધારાથી ફાયદો થશે. 

આ વિશે મળતી માહિતી પ્રમાણે રાજકોટ દૂધ સંઘના નિયામક મંડળે 21મેથી દૂધ મંડળીઓને કિલોફેટે 10 રૂપિયાનો ભાવવધારો આપશે. આથી હવે દૂધ મંડળીઓને કિલોફેટે 720 રૂપિયા ચૂકવવામાં આવશે. ​​​​​​​અગાઉ રાજકોટ ડેરીએ કિલોફેટે 10 રૂપિયાનો વધારો કર્યો હતો. આથી જૂનો ભાવ 710 હતો, જે હવે વધીને 720 કરવામાં આવશે. રાજકોટ જિલ્લામાં 50 હજાર દૂધ ઉત્પાદકોને આ ભાવવધારાથી સીધો ફાયદો થશે.

ઉલ્લેખનીય છે કે, દૂધ મંડળીઓને હાલ પ્રતિ કિલો ફેટે 710 રૂપિયા ચૂકવવામાં આવે છે. જેમાં 10 રૂપિયાનો વધારો કરતા હવે 720 રૂપિયા ચૂકવવા પડશે. ગત વર્ષે આ સમયગાળામાં પ્રતિ કિલો ફેટનો ભાવ 660 રૂપિયા હતો. ભાવ વધારાથી દૂધ ઉત્પાદકોને ફાયદો થશે. તેમજ ભાવ વધારાથી દૂધ ઉત્પાદનને વેગ મળશે.