Blocked Nose: આ 4 વસ્તુની પોટલી છે જાદુઈ, આ પોટલી સુંઘવાથી 5 મિનિટમાં ખુલી જશે બંધ નાક

Blocked Nose: શિયાળામાં ઠંડીના કારણે નાક બંધ થઈ જવું તે સામાન્ય સમસ્યા છે. ઠંડીના કારણે શરદી થઈ જાય છે જેના કારણે નખ બંધ થઈ જાય છે. નાક બંધ થઈ ગયું હોય તો શ્વાસ લેવામાં તકલીફ પડે છે અને રાત્રે બરાબર ઊંઘ પણ નથી આવતી. જો સતત નાક બંધ રહે તો માથામાં દુખાવો પણ શરૂ થઈ જાય છે. જો તમને પણ શરદી થાય ત્યારે નાક બંધ થઈ જવાની તકલીફ રહેતી હોય તો આ સમસ્યાને દૂર કરવા એક આયુર્વેદિક નુસખો જણાવીએ. વર્ષોથી આ નુસખાનો ઉપયોગ કરવામાં આવે છે. ઘરમાં રહેલી કેટલીક વસ્તુની મદદથી તમે બંધ નાકને તુરંત ખોલી શકો છો. તેના માટે તમારે કોઈ વસ્તુ ખાવા કે પીવાની જરૂર નથી બસ 4 વસ્તુઓની પોટલી બનાવવાની છે. 

આ પણ વાંચો: Ajwain Tea: બસ 30 દિવસ સવારે દૂધવાળી ચાને બદલે પીવો અજમાની ચા, શરીરને થશે આ 4 ફાયદા

બંધ નાકને 5 મિનિટમાં ખોલવાનો ઉપાય 

આ આયુર્વેદિક નુસખો અપનાવશો તો 5 મિનિટમાં જ બંધ નાકની સમસ્યા દૂર થઈ જશે. સાથે જ શરદીમાં પણ ઝડપથી આરામ મળવા લાગશે. તેના માટે એક સુતરાઉ કપડું લેવું. તેમાં 10 થી 12 કપૂર, એક ચમચી શેકેલા અજમા, છ મેન્થોલના ટુકડા અને પાંચથી છ ટીપા નીલગીરીના તેલના ઉમેરો. આ બધી જ વસ્તુને કપડામાં રાખીને કપડાની નાની પોટલી બનાવી લો. હવે આ પોટલીને આખો દિવસ પોતાની સાથે રાખો અને દિવસ દરમિયાન વારંવાર તેને સૂંઘતા રહો. નાક ખોલવાનો અને શરદી મટાડવાનો આ રામબાણ નુસખો છે. આ પોટલી સૂંઘવાથી 5 મિનિટમાં જ બંધ નાક ખુલી જશે. 

આ પણ વાંચો: Foot Corn: પગમાં વારંવાર થતી કપાસીથી પરેશાન છો? 5 ઘરેલુ ઉપાયોથી દુર થઈ શકે છે સમસ્યા

નાક બંધ થઈ જાય તો ટીપ્સ પણ અજમાવી શકો છો 

- બંધનાક ખોલવા માટે સ્ટીમ પણ લઈ શકાય છે. તેના માટે પાણીને બરાબર ઉકાળી તેનાથી સ્ટીમ લેવી. આમ કરવાથી નાક ખુલી જાય છે અને નાક સાફ પણ થાય છે. 

- શરદી હોય ત્યારે ગરમ પાણીથી ન્હાવું જોઈએ. સ્ટીમ બાથ લેવાથી પણ ફાયદો થાય છે. 

આ પણ વાંચો: Ghee: આ 5 વસ્તુઓ ક્યારેય ઘી ઉમેરીને ખાવી નહીં, શરીરમાં જતાં જ બની જાય છે ઝેર

- દિવસ દરમિયાન પાણી પીતા રહેવું જેના કારણે નાકમાં જામેલો મ્યૂકસ ઓગળી જાય અને બહાર નીકળે. 

- દિવસ દરમિયાન હર્બલ ટી અથવા તો સૂપ પીવાનું રાખવું.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)