બેંગલુરૂની ટેક કંપનીમાં ડબલ મર્ડર, પૂર્વ કર્મચારીએ MD અને CEOને તલવારથી મોતને ઘાટ ઉતારી દીધા

બેંગલુરૂઃ કર્ણાટકની રાજધાની બેંગલુરૂમાં એક સનસનીખેજ ઘટના સામે આવી છે. અહીં એક ટેક કંપનીના પૂર્વ કર્મચારીએ કંપનીના મેનેજિંગ ડાયરેક્ટર અને સીઈઓને તલવારથી હુમલો કરી મોતને ઘાટ ઉતારી દીધા છે. પોલીસે જણાવ્યું કે ઘટના તે સમયે બની જ્યારે મેનેજિંગ ડાયરેક્ટર અને સીઈઓ બંને ઓફિસમાં હતા. બંનેને સારવાર માટે ખસેડવા દરમિયાન રસ્તામાં મોત થઈ ગયા હતા. તો આરોપી પૂર્વ કર્મચારી ફરાર થઈ ગયો છે. જાણવા મળ્યું કે આરોપી પણ ટેકથી સંબંધિત બિઝનેસ ચલાવી રહ્યો હતો. મૃત્યુ પામેલા બંને વ્યક્તિ તેના બિઝનેસમાં હસ્તક્ષેપ કરી રહ્યાં હતા. 

શરૂઆતી તપાસમાં સામે આવી વિગત
શરૂઆતી તપાસમાં સામે આવ્યું કે આરોપી ફેલિક્સ એયરોનિક્સ કંપનીનો પૂર્વ કર્મચારી હતો. નોકરી છોડ્યા બાદ તેણે પોતાનો બિઝનેસ શરૂ કર્યો હતો. કહેવામાં આવે છે કે આરોપીના મનમાં એયરોનિક્સ કંપનીના એફડી ફણિન્દ્રને લઈને ખુબ ગુસ્સો હતો. આ ગુસ્સો એટલા માટે હતો કારણ કે ફણિન્દ્ર હંમેશા તેના કામકાજને લઈને સવાલ ઉઠાવતો હતો. મંગળવારે સાંજે આશરે ચાર કલાકે આરોપી હાથમાં તલવાર અને ચાકૂ લઈને એયરોનિક્સ ઓફિસની અંદર ઘૂસ્યો હતો. ત્યાં પણ ફણિન્દ્ર સુબ્રમણ્યા અને વીનૂ કુમારની હત્યા કરી અને ત્યારબાદ ફરાર થઈ ગયો છે. 

Bengaluru, Karnataka | The Chief Executive Officer (CEO) Vinu Kumar and MD Phanindra Subramanya of Aeronics Internet Company were killed by a former employee. The accused barged into their office and attacked them with a sword. Both died on the way to the hospital. The attacker,… pic.twitter.com/qWiki9mi2c

— ANI (@ANI) July 11, 2023

હોસ્પિટલ પહોંચે તે પહેલા બંનેના મોત
ઘટના બાદ ઓફિસની અંદર ભાગદોડ મચી ગઈ હતી. તત્કાલ ફણિન્દ્ર સુબ્રમણ્યા અને વીનૂને હોસ્પિટલ લઈ જવામાં આવ્યા, પરંતુ હોસ્પિટલ પહોંચે તે પહેલા રસ્તામાં બંનેના મોત થઈ ગયા હતા. પોલીસે ટેક ઓફિસમાં પહોંચીને તપાસ શરૂ કરી છે. આ સિવાય આરોપી ફેલિક્સને શોધવા માટે પણ પોલીસે કાર્યવાહી શરૂ કરી છે. 

આ પણ વાંચોઃ બૃજભૂષણ સજાને લાયક, ચાર્જશીટમાં 21 સાક્ષીઓના નિવેદન, ભાજપ સાંસદની વધશે મુશ્કેલી