IAF MW Transport Aircraft: ભારતીય વાયુસેના વધુ બનશે શક્તિશાળી, કેન્દ્ર સરકારે 56 C-295 MW વિમાન ખરીદવાને આપી મંજૂરી

નવી દિલ્હીઃ IAF MW Transport Aircraft: ભારતીય વાયુસેનાને વધુ મજબૂત કરવાની દિશામાં કેન્દ્ર સરકાર તરફથી સતત પગલા ભરવામાં આવી રહ્યાં છે. આ વચ્ચે સુરક્ષા મામલાની સમિતિ (Cabinet Committee on Security) એ બુધવારે ભારતીય વાયુસેના માટે 56 સી-295 એમડબ્લ્યૂ ટ્રાન્સપોર્ટ એરક્રાફ્ટ ખરીદવાની મંજૂરી આપી દીધી છે. 

આ એવા પ્રકારનો પ્રથમ પ્રોજેક્ટ છે, જેમાં ભારતની અંદર પ્રાઇવેટ કંપની તરફથી સૈન્ય એરક્રાફ્ટ તૈયાર કરવામાં આવશે. કેન્દ્ર સરકારે કહ્યું કે, બધા 56 વિમાનોને સ્વદેશી ઇલેક્ટ્રોનિક વાયફેયર સૂટ  (electronic warfare suite) ની સાથે તૈયાર કરવામાં આવશે. 

Cabinet Committee on Security (CCS) approves procurement of 56 C-295 MW transport aircraft for Indian Air Force pic.twitter.com/4ubsP8QETZ

— ANI (@ANI) September 8, 2021

સરકારે કહ્યુ કે, આ કાર્યક્રમ દેશના એયરોસ્પેસ ઇકોસિસ્ટમમાં (aerospace ecosystem) રોજગાર સર્જન (Employment Generation) માં ઉત્પ્રેરકના રૂપમાં કાર્ય કરશે અને તેનાથી પ્રત્યેક્ષ રૂપથી 600 અત્યંત કુશળ નોકરીઓ, 3 હજારથી વધુ પરોક્ષ નોકરીઓ અને વધારાની 3 હજાર મધ્યમ કૌશલ્યની નોકરીઓ સર્જાય તેવી અપેક્ષા છે.

આ પણ વાંચોઃ Assam: જહાજ સાથે ટક્કર બાદ બ્રહ્મપુત્ર નદીમાં ડૂબી બોટ, 100થી વધુ લોકોને બચાવી લેવાયા

પ્રથમવાર મિલિટ્રી પ્લેન બનાવશે પ્રાઇવેટ કંપની
રિપોર્ટ અનુસાર, ભારતમાં આ પ્રકારનો આ પહેલો પ્રોજેક્ટ છે. જેમાં એક ખાનગી કંપની દેશની વાયુસેના માટે લશ્કરી વિમાનો બનાવશે. આ તમામ 56 વિમાનો હાઇટેક ઇલેક્ટ્રોનિક વોરફેર સાધનોથી સજ્જ હશે. જેથી તેઓ યુદ્ધના મેદાનમાં સૈનિકોને કોઈપણ સમસ્યા વિના મદદ કરી શકે.