CBSE 12th Result 2021: આજે આ સમયે જાહેર થશે CBSE નું ધોરણ 12નું પરિણામ, જાણો કેવી રીતે કરી શકો ચેક

નવી દિલ્હી :કેન્દ્રીય માધ્યમિક શિક્ષણ બોર્ડના ધોરણ 12 (CBSE Class 12th Result) નું રિઝલ્ટ આજે બપોરે 2 વાગે જાહેર થશે. વિદ્યાર્થીઓ પોતાનું પરિણામ સીબીએસઈ બોર્ડની અધિકૃત વેબસાઈટ cbseresults.nic.in કે  cbse.gov.in પર ચેક કરી શકશે. આ વાતની જાણકારી CBSE એ ટ્વીટ કરીને આપી. 

આ ફોર્મ્યૂલા પર તૈયાર કરાયું છે પરિણામ
CBSE ધોરણ 12નું પરિણામ  30:30:40 ના ફોર્મ્યૂલના આધારે તૈયાર કરાયું છે. જેમાં ધોરણ 10ના અને ધોરણ 11ના માર્ક્સને 30-30 ટકા વેટેજ અને ધોરણ 12ના ઈન્ટરનલ પરીક્ષાને 40 ટકા વેટેજ અપાયું છે. વિદ્યાર્થીઓના ધોરણ 10ના 5માંથી 3 બેસ્ટ પેપર્સના માર્ક્સ લેવાયા છે. એ જ રીતે ધોરણ 11ના પણ બેસ્ટ 3 પેપર્સના માર્ક્સ લેવાયા છે. જ્યારે ધોરણ 12માં વિદ્યાર્થીઓના યુનિટ, ટર્મ અને પ્રેક્ટિકલ એક્ઝામના માર્ક્સ લેવામાં આવ્યા છે. જે વિદ્યાર્થીઓ પરિણામથી સંતુષ્ટ ન હોય તેઓને પરીક્ષા આપવાની તક અપાશે. જો કે આ માટે કોરોના વાયરસની સ્થિતિ સામાન્ય થાય તેની રાહ જોવી પડશે. 

CBSE Class XII Result to be announced today at 2 P.M.#ExcitementLevel💯%#CBSEResults #CBSE pic.twitter.com/eWf3TUGoMH

— CBSE HQ (@cbseindia29) July 30, 2021

સીબીએસઈની વેબસાઈટ પર આ રીતે ચેક કરો પરિણામ
1. સીબીએસઈની અધિકૃત વેબસાઈટ cbseresults.nic.in કે  cbse.gov.in પર જાઓ.
2.. અહીં હોમપેજ પર તમારે રિઝલ્ટ ટેબ પર ક્લિક કરવું પડશે. 

IVRS અને SMS થી આ રીતે જાણો રિઝલ્ટ
વિદ્યાર્થીઓ સીબીએસઈ ધોરણ 10 અને ધોરણ 12 ના પરિણામ IVRS અને SMS દ્વારા પણ જાણી શકશે. સીબીએસઈ બોર્ડ રજિસ્ટર્ડ મોબાઈલ નંબરો પર પરિણામ મોકલશે. આ માટે વિદ્યાર્થીઓએ CBSE12 <ROLLNUMBER> <ADMITCARDID> લખીને  7738299899 નંબર પર સેન્ડ કરવાનું કહેશે. આ રીતે તમને રિઝલ્ટ જાણવા મળશે.