ચૂંટણી પંચનો કડક નિર્ણય, આ તારીખ સુધી રેલીઓ અને રોડ શો પર રહેશે પ્રતિબંધ

નવી દિલ્હીઃ 5 રાજ્યોમાં ચૂંટણી પહેલા ચૂંટણી પંચે મોટો નિર્ણય લીધો છે. ચૂંટણી પંચે આ રાજ્યોમાં 22 જાન્યુઆરી સુધી તમામ ચૂંટણી રેલીઓ અને રોડ શો પર પ્રતિબંધ મૂક્યો છે. ચૂંટણી પંચે અગાઉ 15 જાન્યુઆરી સુધી તમામ ચૂંટણી રેલીઓ પર પ્રતિબંધ મૂક્યો હતો. હવે ફરી એકવાર આ નિર્ણયને આગળ વધારવામાં આવ્યો છે.

ફિજિકલ રેલીઓ અને રોડ શો પર પ્રતિબંધ
કોરોનાના વધતા જતા કેસોને ધ્યાનમાં રાખીને આ નિર્ણય લેવામાં આવ્યો છે. ચૂંટણી પંચે ટ્વિટ કર્યું કે તમામ ફિજિકલ રેલીઓ અને રોડ શો પરનો પ્રતિબંધ 22 જાન્યુઆરી, 2022 સુધી લંબાવવામાં આવ્યો છે. જો કે, આ સમય દરમિયાન રાજકીય પક્ષો 50 ટકા ક્ષમતાવાળા ઇન્ડોર હોલમાં મીટિંગ કરી શકે છે. આ સિવાય સોશિયલ ડિસ્ટન્સને અનુસરીને 300 લોકોને બોલાવી શકાય છે.

ECI extends ban on physical rallies and roadshows until 22 January, 2022

ECI grants relaxation for the political parties to the extent that indoor meetings of maximum of 300 persons or 50% of the capacity of the hall or the prescribed limit set by SDMA (1/2)

— Spokesperson ECI (@SpokespersonECI) January 15, 2022

22 જાન્યુઆરીએ ફરી સમીક્ષા કરશે ચૂંટણી પંચ 
આ સિવાય ચૂંટણી પંચે રાજ્યો અને જિલ્લા પ્રશાસનને કોવિડ-19 દિશાનિર્દેશોનું ચુસ્તપણે પાલન કરવા સૂચના આપી છે. ચૂંટણી પંચ 22 જાન્યુઆરીએ ફરીથી સ્થિતિની સમીક્ષા કરશે, ત્યાં સુધી રાજકીય પક્ષોએ ડિજિટલ પ્રચાર કરવો પડશે.