31 મે સુધી બેંક ખાતામાં રાખજો બેલેન્સ, નહી તો થઇ જશે મોટુ નુકસાન !

નવી દિલ્હી : જો તમે પણ નોકરીયાત વ્યક્તિ છો અને મહિનાના અંત સુધીમાં તમારુ એકાઉન્ટ ખાલી થઇ જાય છે તો આ સમાચાર માત્ર તમારા માટે જ છે. સેલેરી ક્લોસ લોકોની સાથે ઘણી વખત આવું થતું હોય છેકે હોમ લોનનાં ઇએમઆઇ, કાર લોનનાં ઇએમઆઇ અથવા તો બાળકોની ફી ચુકવવાનાં કારણે તેમના એકાઉન્ટમાં 0 બેલેન્સ થઇ જાય છે. જો તમારી સાથે પણ વારંવાર આવું થાય છે તો 31 મેનાં રોજ ધ્યાનમાં રાખીને અકાઉન્ટમાં થોડા પૈસા જરૂર રાખો. એવું કરવાથી તમારુ નુકસાન ટળી જશે. 

આ વખતે પણ બેંક ખાતાઓમાંથી 31 મેનાં રોજ કપાશે પ્રીમિયમ
વડાપ્રધાન સુરક્ષા વીમા યોજના (PMSBY)નું વાર્ષિક પ્રીમિયમ દર વર્ષની જેમ આ વખતે પણ 31 મેનાં રોજ બેંક ખાતામાંથી કપાશે. આ અંગે બેંકોની તરફથી ખાતા ધારકોને મેસેજના માધ્યમથી એલર્ટ આપવાનું ચાલુ થઇ ચુક્યું છે. જો તમારા એકાઉન્ટમાં પ્રીમિયમ માટે પુરતુ બેલેન્સ નહી હોય તો તમે આ સુવિધાનો ફાયદો નહી ઉઠાવી શકો. તમે જો PMSBY માટે પોતાને એનરોલ કરાવી રહ્યા છો તો જરૂર છે કે ખાતામાં પુરતૂ બેલેન્સ જરૂર રાખવામાં આવે. 

EXIT POLL 2019: 2014માં શું હતાં એક્ઝિટ પોલના પરિણામ? કોની વાત સાચી પડી તે ખાસ જાણો
વડાપ્રધાન મોદીએ કરી હતી યોજનાની શરૂઆત
આ યોજનાની શરૂઆત વડાપ્રધાનમોદી તરફથી કરવામાં આવી હતી. આ યોજના માટે પ્રીમિયમ તરીકે દર વર્ષે તમારા ખાતમાંથી 12 રૂપિયા કપાય છે. આ પ્રીમિયમ ખાતામાંથી એકવારમાં ઓટોડેબિટ થાય છે. આ સ્કીમ પબ્લિક સેક્ટર જનરલ ઇંશ્યોરન્સ કંપની અને પ્રાઇવેટ સેક્ટર જનરલ ઇંશ્યોરન્સ કંપની બંન્ને તરફથી અપાઇ રહી છે. આ યોજનાનો લાભ 18થી 70 વર્ષની ઉંમરનાં લોકો લઇ શકે છે.