Jharkhand: 11 વર્ષની તુલસીકુમારી પાસેથી વ્યક્તિએ 12 કેરી 1,20,000 માં ખરીદી, કારણ જાણી સલામ કરશો

નવી દિલ્હી: ઝારખંડના જમશેદપુરની એક છોકરી ઓનલાઈન ક્લાસમાં ભણવા માટે સ્માર્ટફોન ખરીદવા માંગતી હતી. 11 વર્ષની તુલસી કુમારી રસ્તા કિનારે કેરી વેચે છે. છોકરીને આ હાલમાં જોઈને અમેય નામની વ્યક્તિ એકદમ ચકિત રહી ગયો. ત્યારબાદ તેણે 12 કેરી 1 લાખ 20 હજાર રૂપિયામાં ખરીદી લીધી. એટલે કે દરેક કેરીના તેણે 10 હજાર રૂપિયા આપ્યા. ગત બુધવારે અમેયે પૈસા છોકરીના પિતા શ્રીમલ કુમારના એકાઉન્ટમાં ટ્રાન્સફર કર્યા હતા. 

વ્યક્તિએ 12 કેરીના 1.2 લાખ રૂપિયા આપ્યા
અમેય વેલ્યુએબલ એડુટેન્મેન્ટ પ્રાઈવેટ લિમિટેડ (Valuable Edutainment Private Ltd) ના મેનેજિંગ ડાયરેક્ટર છે. તેમણે 11 વર્ષની તુલસીના સંઘર્ષ વિશે સ્થાનિક મીડિયા દ્વારા જાણ્યું. મીડિયા સાથે વાતચીતમાં છોકરીએ પોતાના પરિવારની આર્થિક સ્થિતિ વિશે જણાવ્યું હતું. ઓનલાઈન ક્લાસ એટેન્ડ કરવા માટે સ્માર્ટફોન જરૂરી હતો. જેના કારણે તે અભ્યાસ છોડીને રસ્તા પર કેરી વેચી રહી હતી.

Jharkhand | 11-yr-old Tulsi Kumari from Jamshedpur sells 12 mangoes for Rs 1,20,000, buys a smartphone for online classes

A man from Mumbai bought 12 mangoes at Rs 10,000 each seeing her determination to study. This helped Tulsi buy a smartphone for her studies, says her mother pic.twitter.com/WwYHX09g2T

— ANI (@ANI) June 30, 2021

ઓનલાઈન ક્લાસ માટે સ્માર્ટફોન જરૂરી
તુલસી પાંચમા ધોરણમાં છે અને એક સરકારી શાળામાં ભણે છે. કોરોના વાયરસ મહામારીના દરમિયાન તેની શાળા બંધ થઈ ગઈ. અમેય દ્વારા મદદ કરવામાં આવ્યા બાદ તુલસીએ કહ્યું કે તેણે સ્માર્ટફોન ખરીદવા માટે પૈસા બચાવવા કેરી વેચવાનું શરૂ કર્યું હતું. પરંતુ હવે તેની પાસે પૈસા છે તો તે ઓનલાઈન ક્લાસ અટેન્ડ કરી શકે છે અને અભ્યાસ ચાલુ રાખી શકે છે.