ખરતા વાળથી જલ્દી છુટકારો અપાવી શકે છે દાદી-નાનીનો આ દેશી નુસ્ખો, જાણો કઈ રીતે કરશો ઉપયોગ

Hair Oil Recipe: આજની વ્યસ્ત લાઇફસ્ટાઇલમાં તણાવ દર બીજી વ્યક્તિ માટે એક મોટી સમસ્યા બની ગયો છે. જીવનમાં વધતો તણાવ ન માત્ર તમારા માનસિક સ્વાસ્થ્ય પરંતુ તમારા શારીરિક સ્વાસ્થ્યને પણ નુકસાન પહોંચાડે છે. આવું એક નુકસાન ખતરા વાળનું પણ છે. આજના સમયમાં વાળ ખરવા, અનેક વ્યક્તિ માટે મોટી સમસ્યા બની ગઈ છે. જેનાથી છુટકારો મેળવવા માટે લોકો પાર્લરની મોંઘી ટ્રીટમેન્ટથી લઈને દવાઓ પણ કરાવે છે. જો તમે પણ ખતરા વાળથી પરેશાન છો તો તમારી મુશ્કેલી દૂર કરી શકે છે દાદીનો હેર ઓયલ બનાવવાનો આ દેશી નુસ્ખો. આ આયુર્વેદિક હેર ઓયલ ન માત્ર વાળ ખરવાની સમસ્યા દૂર કરે છે, પરંતુ તેને કાળા અને લાંબા બનાવી રાખવામાં પણ મદદ કરે છે.  પોષણ અને ત્વચા તથા વાળ નિષ્ણાંત કિરણ કુકરેજાએ પોતાના ઈન્સ્ટાગ્રામ પર એક વીડિો શેર કરી આ તેલ બનાવવાની વિધિ શેર કરી છે. આવો જાણીએ આ જાદૂઈ હેર ઓયલને કઈ રીતે ઘરે તૈયાર કરી શકાય.

હેર ઓયલ બનાવવાની સામગ્રી
- 300 મિલીલીટર નાળિયેર તેલ

- 50 એમએલ એરંડિયાનું તેલ

- 1 ચમચી કપૂરી મેથી

- 1 ચમચી કલોંનજીના બી

- એક વાટકી મીઠો લીંમડો

View this post on Instagram

A post shared by Kiran Kukreja| Nutritionist| Weight Management| Skin & Hair (@nuttyovernutritionn)

ખરતા વાળ રોકવા માટે આ રીતે બનાવો તેલ
ખરતા વાળ રોકવા માટે સૌથી પહેલા એક વાસણમાં મીઠો લીંમડો, મેથીના બી, કલોંનજીના બી, 300 મિલીલીટર નાળિયેર તેલ, 50 એમએલ એરંડીયાનું તેલ અને 50 એમએલ મહાભૃંગરાજ તેલને લો અને લો ફ્લેમમાં અડધો કલાક પકાવો. ત્યારબાદ તેલને ઠંડુ થવા માટે અલગ રાખી દો. જ્યારે તેલ ઠંડુ થઈ જાય તો તેને સૂતરના કપડાની મદદથી ગાળી એક કાચની બોટલમાં ભરી રાખો. તમે આ તેલને સપ્તાહમાં એકવાર વાપરી શકો છો. આ તેલને વાળમાં લગાવવા સમયે એક ડુંગળીના કટકાને આ તેલમાં ડૂબાળી વાળના મૂળમાં લગાવો.