PHOTOS: પત્નીએ નદીમાં પડતું મૂક્યું ત્યારબાદ પતિએ મૂક્યું વોટ્સએપ સ્ટેટસ, જોઈને આઘાત લાગશે

અમદાવાદમાં એક પરિણિતાએ જીદંગીથી થાકી હારીને આપઘાતનુ અંતિમ પગલુ ભર્યુ. વટવામા રહેતી આયશા મકરાણીએ 25 ફેબુઆરીના રોજ રિવરફ્રન્ટ પરથી સાબરમતી નદીમા પડતુ મુકીને આપઘાત કર્યો.આપઘાત કરતા પહેલા તેણે અંતિમ વિડીયો બનાવ્યો. જેમાં તે પતિને આઝાદ કરી રહી હોવાનુ કહી રહી છે.આ યુવતીએ હસતા-હસતા વિડીયો બનાવીને મોતને વ્હાલુ કર્યુ. આ ઘટનાએ માત્ર અમદાવાદ નહીં પરંતુ સમગ્ર દેશને હચમચાવી દીધો છે.

આયશાના આપઘાતથી આખો પરિવાર આઘાતમા સરી ગયો છે. મરતા પહેલા આયશાએ માતા-પિતા સાથે વાતચીત કરી. રૂવાડા ઊભા કરી દે તેવી રીતે દીકરીએ મોત માટે મંજૂરી માંગી.આયશા મકરાણીની આપઘાત કેસમા પિતા લીયાકતઅલીએ રિવરફન્ટ પોલીસ સ્ટેશનમા ફરિયાદ નોંધાવી છે. તેઓની દીકરી આયશા ઉર્ફે સોનુના લગ્ન 2018 માં રાજસ્થાન ખાતે રહેતા આરીફ ખાન સાથે કરાવ્યા હતા.  

લગ્ન બાદ આયશાને તેનો પતિ અને સાસરિયાઓ દહેજ બાબતે ત્રાસ આપતા હતા. વર્ષ 2018માં ડિસેમ્બર માસમાં તેનો પતિ દહેજ માંગી ઝગડો કરી આયશા ને પિયરમાં મૂકી ગયો હતો. બાદમાં સમાજના લોકો ભેગા કરી સમાધાન કરી તેને પાછી સાસરે વળાવી હતી. ફરીથી વર્ષ 2019 માં આઇશાને તેના સાસરિયાઓ તેને પિયરમાં મૂકી જતા આયશા તેના માતા પિતા સાથે રહેતી હતી. બાદમાં જમાઈ આરીફ આયશા ના ઘરે આવ્યો અને દહેજ માંગી દોઢ લાખ રૂપિયા લઈ ગયો હતો. બાદમાં ફરી આઇશાને તેડી જઈ પાછી તેને પિયરમાં મૂકી જતા આયશાએ વટવા પોલીસસ્ટેશનમાં પતિ, સાસુ સસરા સહિતના લોકો સામે ફરિયાદ નોંધાવી હતી અને કોર્ટમાં પણ ડોમેસ્ટિક વાયોલન્સનો કેસ કર્યો હતો. 

આપઘાતના દિવસે પણ આયશાએ પતિ આરીફ સાથે વાતચીત કરતા આરીફે તેને મરી જવા અને વિડીયો બનાવવા ઉશ્કેરી પણ હતી. જેથી પરિવારે તેના પતિને સજા થાય તેવી માંગ કરી હતી.આઈશાના આપઘાત કેસમા રિવરફ્રન્ટ વેસ્ટ પોલીસે તપાસ કરતા આઈશાએ મરતા પહેલા બનાવેલો વિડીયો તેના પતિ આરીફને મોકલ્યો હતો, પતિના ત્રાસથી આઇશાએ આપઘાત કરતા પોલીસે આ મામલે વિડીયોના પૂરાવાના આધારે આયશાના પતિ સામે દુષપ્રેરણા નો ગુનો નોંધી તપાસ હાથ ધરી છે. આ બાજુ એવી પણ વાત સામે આવી છે કે પરિણિતાના મોત બાદ પતિ આરીફે ખુબ વિચિત્ર કહી શકાય તેવું વોટ્સએપ સ્ટેટસ મૂક્યું હતું. જેમા તેણે લખ્યું કે 'કોન ચલા ગયા યહ ઈમ્પોર્ટન્ટ નહીં હૈ, કોન અભી ભી સાથ હૈ યહ ઈમ્પોર્ટન્ટ હૈ.'