Gold Rate Today: આજે ધડાધડ તૂટ્યા સોના-ચાંદીના ભાવ, સોનામાં જોરદાર કડાકો જોવા મળતા 10 ગ્રામ સોનાનો આટલો થયો રેટ

ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 873 રૂપિયા તૂટીને 75867 રૂપિયાની સપાટીએ પહોંચ્યું જે શુક્રવારે 76,740 રૂપિયાની સપાટીએ બંધ થયું હતું. જ્યારે ચાંદીમાં 1,332 રૂપિયાનો કડાકો જોવા મળ્યો અને ભાવ આજે 88,051 રૂપિયા પ્રતિ કિલો પર પહોંચ્યો જે શુક્રવારે 89,383 રૂપિયાની સપાટીએ બંધ થયો હતો. 

ભારતીય વાયદા બજાર MCX પર સોનું 692 રૂપિયાના કડાકા સાથે 75,682 રૂપિયા પ્રતિ 10 ગ્રામના ભાવ પર જોવા મળ્યું. શુક્રવારે તે 76,374 પર બંધ થયું હતું. આ દરમિયાન ચાંદી 831 રૂપિયા તૂટીને 88,050 રૂપયા પ્રતિ કિલોગ્રામના ભાવ પર જોવા મળી જેનો ગત ક્લોઝિંગ ભાવ 88,881 રૂપિયા હતો. 

અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી.