હવે આકાશમાં જોવા મળશે પીએમ મોદી અને રાહુલ ગાંધી વચ્ચે 'જંગ', જુઓ PHOTOS

ન્યૂઝ એજન્સી એએનઆઈના અહેવાલ મુજબ રાજકોટના આ મશહૂર માર્કેટમાં આ વખતે વડાપ્રધાન નરેન્દ્ર મોદી અને રાહુલ ગાંધીની તસવીરોવાળી પતંગો ખુબ ડિમાન્ડમાં છે. 

ગુજરાતમાં હાલમાં જ વિશ્વની સૌથી ઊંચી પ્રતિમા સ્ટેચ્યુ ઓફ યુનિટીનું ઉદ્ધાટન કરવામાં આવ્યું હતું. સ્ટેચ્યુ ઓફ યુનિટીવાળી પતંગોને પણ માર્કેટમાં ઉતારવામાં આવી છે. આ પતંગ ખરીદનારા લોકોનું કહેવું છે કે જે રીતે સ્ટેચ્યુ ઓફ યુનિટી આકાશને આંબે છે તે જ રીતે તેમની પતંગ પણ આકાશમાં ઊંચે જશે. 

વડાપ્રધાન નરેન્દ્ર મોદી અને રાહુલ ગાંધી ઉપરાંત આ વખત બજારમાં ભાજપના રાષ્ટ્રીય અધ્યક્ષ અમિત શાહની પતંગો પણ બજારમાં ખુબ ટ્રેન્ડિંગ છે. અમિત શાહની પતંગમાં મુખ્યમંત્રી વિજય રૂપાણી, ડે.સીએમ નીતિન પટેલ, ભાજપ પ્રદેશ પ્રમુખ જિતુ વાઘાણી પણ જોવા મળે છે. 

આ ઉપરાંત બાહુબલીની થીમ ઉપર પણ પતંગો બનાવવામાં આવી છે. જેમાં મુખ્ય ભૂમિકા ભજવનારા પ્રભાસ સહિત અનેક કલાકારોની તસવીરો જોવા મળે છે.