Cristiano Ronaldo: રોનાલ્ડોએ રચ્યો ઈતિહાસ, લીગ ગોલનો આંકડો 500ને પાર કરી ગયો

ક્રિસ્ટિયાનો રોનાલ્ડો (Cristiano Ronaldo) એ વધુ એક સિદ્ધિ પોતાના નામે કરી છે. તણે પોતાની ક્લબ કરિયરમાં 500 ગોલનો આંકડો પાર કર્યો છે. આમ કરનારો તે ધરતીનો ફક્ત 5મો ખેલાડી બન્યો છ. આ અગાઉ બ્રાઝીલના પેલે અને રોમારિયો, ફ્રાન્સના પુસ્કસ અને ઝેક રિપબ્લિકના જોસેફ બિકાને આ કારનામું કર્યું હતું. રોનાલ્ડોએ ગુરુવારે અબ્દુલ અઝીઝ સ્ટેડિયમમાં અલ વેહદા વિરુદ્ધ અલ નાસર માટે 4 ગોલ કર્યા અને પોતાના ક્લબ ગોલના આંકડાને 500 પાર પહોંચાડ્યો. રોનાલ્ડો ફૂટબોલ ઈતિહાસમાં સૌથી વધુ ગોલ કરનારો ખેલાડી પણ છે. 

ગુરુવારે પોર્ટુગલના આ દિગ્ગજ ખેલાડીએ અબ્દુલ અઝીઝ સ્ટેડિયમમાં અલ વેહદા અને અલ નાસર વચ્ચે સાઉદી પ્રો લીગ ફૂટબોલ મેચમાં પોતાની ટીમ માટે ચાર ગોલ કર્યા. તેણે આ મેચમાં પહેલો ગોલ કરતા જ 500ના આંકડાને સ્પર્શ કરી લીધુ. અત્યાર સુધી રોનાલ્ડ 503 ક્લબ ગોલ કરી ચૂક્યો છે. આ મેચમાં અલ વેહદા વિરુદ્ધ પોતાની ટીમને તેણે 4-0થી જીત અપાવી. રોનાલ્ડોએ માન્ચેસ્ટર યુનાઈટેડ માટે 103 ગોલ, રિયલ મેડ્રિડ માટે 311, યુવેન્ટ્સ માટે 81, સ્પોર્ટિંગ લિસ્બન માટે 3 અને હવે અલ નાસર માટે પાંચ ગોલ કર્યા છે. 

પાંચવારના  બેલન ડી' ઓર વિજેતાએ ડિસેમ્બરમાં અલ નાસર સાથે કોન્ટ્રાક્ટ સાઈન કર્યો હતો. આ માટે ક્લબે તેને 200 મિલિયન યૂરો ડોલર આપ્યા હતા. તે ટીમનો કેપ્ટન પણ છે. અલ નાસર 16 મેચ બાદ પોઈન્ટ ટેબલમાં ટોપ પર છે.