ભારતને વિશ્વકપ જીતાડનાર Harbhajan Singh હવે ફિલ્મોમાં જોવા મળશે, રિલીઝ થયું પોસ્ટર

નવી દિલ્હીઃ ભારતીય ટીમના દિગ્ગજ સ્પિન બોલર હરભજન સિંહ (Harbhajan Singh) એ કાલે એટલે કે 3 જુલાઈએ પોતાનો 41મો જન્મદિવસ ઉજવ્યો. ભજ્જીનો આ વર્ષનો જન્મદિવસ ખુબ ખાસ રહ્યો કારણ કે તેને એક ખાસ ગિફ્ટ મળી છે. પોતાની સ્પિન બોલિંગથી બેટ્સમેનોને નચાવનાર હરભજન હવે જલદી એક બીજી ફિલ્ડમાં પોતાનું કરિયર બનાવી રહ્યો છે. 

ફિલ્મોમાં નજર આવશે ભજ્જી
શનિવારે હરભજન (Harbhajan Singh)  ના જન્મદિવસના દિવસે તેની નવી ફિલ્મના મેકર્સે એક પોસ્ટર રિલીઝ કર્યુ હતું. આ પોસ્ટરને હરભજને ખુદ સોશિયલ મીડિયા પર શેર કર્યું છે. આ ફિલ્મનું નામ ફ્રેન્ડશિપ છે અને હરભજન તેના દ્વારા સિલ્વર સ્ક્રીન પર પર્દાપણ કરવાનો છે. પરંતુ હરભજને પહેલા પણ ટીમના બાકી ખેલાડીઓની સાથે ફિલ્મોમાં નાના-મોટા રોલ કર્યા છે. 

Thank you 🙏 https://t.co/IiYFzfRX2x

— Harbhajan Turbanator (@harbhajan_singh) July 3, 2021

ફિલ્મમાં ભજ્જીનું આ હશે નામ
આ ફિલ્મમાં હરભજનનો રોલ એક મિકેનિકલ એન્જિનિયરિંગ સ્ટૂડન્ટ હશે. ખાસ વાત એ છે કે આ ફિલ્મમાં હરભજનનું નામ ભજ્જી હશે. આ ફિલ્મ જોન પોલના ડાયરેક્શનમાં બની રહી છે. આ ફિલ્મની જાહેરાત પાછલા વર્ષે કરી દેવામાં આવી હતી. આ ફિલ્મને હિન્દી, તમિલ અને તેલુગૂમાં રિલીઝ કરવામાં આવશે. 

બે વખત અપાવ્યો છે વિશ્વકપ
હરભજન સિંહ (Harbhajan Singh) એ ભારતને બે વિશ્વકપમાં જીત અપાવવામાં મહત્વની ભૂમિકા ભજવી હતી. મહેન્દ્ર સિંહ ધોનીની આગેવાનીમાં 2007 ટી20 વિશ્વકપ અને 2021માં ક્રિકેટ વિશ્વકપમાં ભજ્જીએ ભારતના સ્પિન બોલિંગ યૂનિટની આગેવાની કરી હતી. હરભજનના નામે આંતરરાષ્ટ્રીય ક્રિકેટમાં 700થી વધુ વિકેટ છે.