PBKS vs GT: ડેબ્યૂ મેચમાં ટોયલેટ જતો રહ્યો ગુજરાતનો ખેલાડી, મેદાન પર રાહ જોતી રહી બંને ટીમો

ગુજરાત ટાઇટન્સે પંજાબ કિંગ્સને આઇપીએલના 16 મુકાબલામાં 6 વિકેટે માત આપી. આ મુકાબલામાં ગુજરાત માટે શુભમન ગિલ અને રાહુલ તેવતિયાએ શાનદાર પ્રદર્શન કર્યું. શુભમન સદી ચૂકી ગયો. તેમણે 96 રનની ઇનિંગ રમી. જ્યારે રાહુલ અંતિમ એ બોલમાં સિક્સર ફટકારી ટીમને જીત અપાવી. ગુજરાત માટે આ મુકાબલામાં સાઇ સુદર્શને ડેબ્યૂ કર્યું. પરંતુ આ મેચ દરમિયાન એક રસપ્રદ ઘટના સર્જાઇ હતી. 

ડેબ્યૂ મેચ રમેલા સાઇ સુદર્શને 30 બોલનો સામનો કરતાં 35 રન બનાવ્યા. આ દરમિયાન તેમણે 4 ચોગ્ગા અને એક સિક્સર ફટકારી. આ ઇનિંગ દરમિયાન તેમણે મેદાનમાંથી બહાર જવું પડ્યું. મીડિયા રિપોર્ટ્સ અનુસાર સુદર્શને ટોયલેટ માટે મેચ દરમિયાન બહાર જવું પડ્યું. એટલા માટે મેચ થોડીવાર માટે અટકાવી દેવામાં આવી. આ સાથે જ એક મિનિટનો ટાઇમ આઉટ પણ લેવામાં આવ્યો.  

#PBKSvsGT Sai Sudharsan #IPL2022 pic.twitter.com/8bulxM0i2f

— Big Cric Fan (@cric_big_fan) April 8, 2022

અત્રે ઉલ્લેખનીય છે કે સાઇ સુદર્શન ફક્ત 20 વર્ષના છે અને તેમણે નાની ઉંમરમાં જ પોતાને સારા સાબિત કર્યા છે. સુદર્શન લિસ્ટ એની 3 મેચ રમી ચૂક્યા છે. આ સાથે-સાથે 8 ટી20 મેચ પણ રમી ચૂક્યા છે. તે તમિલનાડુ પ્રીમિયર લીગમાં સારું પ્રદર્શન કરી ચૂક્યા છે. આ સાથે સાથે સુદર્શન સૈયદ મુસ્તાક અલી ટ્રોફી અને વિજય હજારે ટ્રોફીમાં પણ તમિલનાડુ માટે રમી ચૂક્યા છે.