IPL ટીમ દિલ્હી ડેયરડેવિલ્સે બદલ્યું નામ, હવે આ નામથી ઓળખાશે

નવી દિલ્હીઃ આઈપીએલની આગામી સિઝન માટે દિલ્હી ડેયરડેવિલ્સે ન માત્ર તેવર બદલ્યા છે પરંતુ આ ટીમે પોતાનું નામ પણ બદલી નાખ્યું છે. IPL-12મા આ ટીમ હવે દિલ્હી કેપિટલ્સના નવા નામ સાથે મેદાનમાં ઉતરશે. ટીમના નવા નામની જાહેરાત દિલ્હીમાં આયોજીત એક કાર્યક્રમમાં દિલ્હી ફ્રેન્ચાઇઝીના માલિક GMR ગ્રુપે કરી હતી. 

અહીંથી આવ્યો વિચાર
આઈપીએલ ટીમ દિલ્હીનું નવુ નામ દિલ્હી કેપિટલ્સ, અમેરિકાની બાસ્કેટબોલ લીગની ટીમથી પ્રેરિત છે. અમેરિકામાં એક આઇસ હોકી ટીમનું નામ વોશિંગ્ટન કેપિટલ્સ છે, જે નેશનલ હોકી ગીલમાં રમે છે. 

Delhi Daredevils have been renamed to Delhi Capitals ahead of the upcoming #IPL pic.twitter.com/Ikrv7eTHgO

— Rahul Sadhu (@RahulSadhu009) December 4, 2018

દિલ્હીની ટીમનું નામ બદલવાનો JSW સ્પોર્ટ્સનો પોતાનો વિચાર છે. આ ગ્રુપે વર્ષની શરૂઆતમાં ISLમા બેંગલુરૂ FC ટીમમાં 50 ટકા ભાગીદારી પણ ખરીદી છે. ટીમ સંબંધિત તમામ નિર્ણય JSW ગ્રુપના ડાયરેક્ટર પાર્થ જિંદલ લે છે. 

View this post on Instagram

Dilliwasiyon, say hello to Delhi Capitals! #ThisIsNewDelhi

A post shared by Delhi Capitals (@delhicapitals) on Dec 4, 2018 at 3:37am PST

નવા નામથી બદલશે કિસ્મત
આઈપીએલની સાથે દિલ્હીની ફ્રેન્ચાઇઝી શરૂઆતથી જોડાયેલી છે. પરંતુ આ ટીમ અત્યાર સુધી એકપણ વખત ટાઇટલ જીતી શકી નથી. આશા રાખવામાં આવી રહી છે કે, નવું નામ અને નવા તેવરની સાથે IPL12મા આ ટીમ મેદાન પર હશે તો લગભગ તેનું નસીબ પણ બદલાય જાય.