IND vs ENG: ભારતીય જમીન પર આ પાંચ ખેલાડીઓની બોલબાલા, બનાવ્યાં છે અઢળક રન

ભારત અને ઈંગ્લેન્ડ વચ્ચે પાંચ ફેબ્રુઆરીથી ચાર ટેસ્ટ મેચની પહેલી ટેસ્ટની શરૂઆત થઈ રહી છે. આ સીરિઝથી કોરોનાકાળમાં ઠપ્પ થઈ રહેલી રમતની પ્રવૃતિઓ પછી દેશમાં આંતરરાષ્ટ્રીય ક્રિકેટની વાપસી થઈ રહી છે.

Updated By: Feb 3, 2021, 11:27 AM IST
IND vs ENG: ભારતીય જમીન પર આ પાંચ ખેલાડીઓની બોલબાલા, બનાવ્યાં છે અઢળક રન

નવી દિલ્લી: ભારત અને ઈંગ્લેન્ડ વચ્ચે ચાર મેચની ટેસ્ટ સીરિઝની પહેલી મેચ ચેન્નઈમાં રમાશે. બંને ટીમનો જુસ્સો બુલંદ છે. કેમ કે ઈંગ્લેન્ડે શ્રીલંકાને તેની જ જમીન પર 2-0થી હરાવીને સીરિઝ પોતાના નામે કરી. તો ભારતે ઓસ્ટ્રેલિયાને તેના જ ઘરઆંગણે 2-1થી હરાવીને બોર્ડર-ગાવસ્કર ટ્રોફી જીતી છે. એવામાં એક નજર કરીએ બંને ટીમના 5 ખેલાડીઓ પર જેમણે ભારતીય જમીન પર અઢળક રન બનાવ્યા છે.


1. વિરાટ કોહલી:
ભારતીય કેપ્ટન વિરાટ કોહલીએ ઈંગ્લેન્ડની સામે ભારતમાં 9 ટેસ્ટ રમી છે. જેમાં તેણે 70.25ની એવરેજથી 843 રન બનાવ્યા છે. આ દરમિયાન તેણે 3 સદી અને 2 અર્ધસદી ફટકારી છે.


2. ચેતેશ્વર પૂજારા:
ટેસ્ટમાં બેસ્ટ અને રાહુલ દ્વવિડ પછી ધ વોલ તરીકે જાણીતા ટીમ ઈન્ડિયાના અનુભવી બેટ્સમેન ચેતેશ્વર પૂજારાએ 9 મેચમાં 64.53ની એવરેજથી 839 રન બનાવ્યા છે. આ દરમિયાન તેણે ચાર સદી અને એક અર્ધસદી ફટકારી છે.


3. જો રૂટ:
ઈંગ્લેન્ડના કેપ્ટન જો રૂટે ભારત સામે 8 મેચ રમી છે. જેમાં તેણે 53.09ની એવરેજથી 584 રન બનાવ્યા છે. આ દરમિયાન તેણે 1 સદી અને 5 અર્ધસદી ફટકારી છે.


4. આર.અશ્વિન:
ટીમ ઈન્ડિયાના અનુભવી બોલર આર.અશ્વિને ઈંગ્લેન્ડ સામે માત્ર બોલથી જ નહીં પરંતુ બેટથી પણ કમાલ કરી છે. તેણે કુલ 9 મેચમાં 6 અર્ધસદીની મદદથી 549 રન બનાવ્યા છે.


5. મોઈન અલી:
ઈંગ્લેન્ડના અનુભવી ઓલરાઉન્ડર મોઈન અલીએ ભારત સામે પાંચ ટેસ્ટ મેચમાં 42.33ની એવરેજથી 381 રન બનાવ્યા છે. આ દરમિયાન તેણે બે સદી અને એક અર્ધસદી ફટકારી છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube