Electra Stumps: ક્રિકેટમાં થઇ નવા જમાનાના સ્ટમ્પ્સની એન્ટ્રી, દર વખતે થશે અલગ-અલગ લાઇટ

Electra Stumps Video: ક્રિકેટમાં નવા જમાનાના સ્ટમ્પ્સની એન્ટ્રી થઇ ગઇ છે. આ નવા સ્ટમ્પ ઓસ્ટ્રેલિયાની T20 લીગ 'બિગ બેશ લીગ'માં જોવા મળ્યા છે. જેને ઈલેક્ટ્રા સ્ટમ્પ્સ નામ આપવામાં આવ્યું છે. આ સ્ટમ્પ્સની ખાસિયત એ છે કે તે ચોગ્ગા અને છગ્ગાથી લઈને નો બોલ સુધી દરેક કેસમાં અલગ-અલગ રંગ બતાવશે. આ બધા રંગો પણ ખૂબ આકર્ષક લાગે છે.

આજે (22 ડિસેમ્બર) બિગ બેશ લીગ મેચ પહેલા, માર્ક વો અને માઈકલ વોને આ સ્ટમ્પ્સ વિશે વિગતવાર સમજાવ્યું હતું. માઈકલ વોને કહ્યું કે આ સ્ટમ્પનો ઉપયોગ મહિલા બિગ બેશમાં કરવામાં આવ્યો છે પરંતુ આ પ્રથમ વખત હશે જ્યારે તેનો ઉપયોગ પુરૂષોની ક્રિકેટ ટુર્નામેન્ટમાં કરવામાં આવશે. આ પછી માર્ક વોએ આ સ્ટમ્પની ખાસિયતો સમજાવી.

View this post on Instagram

A post shared by KFC Big Bash League (@bbl)

વિકેટ: કોઇપણ ખેલાડી આઉટ થાય છે, પછી ભલે તે કોઇપણ પ્રકારે આઉટ થાય છે તો આ સ્ટમ્પ્સમાં લાલ લાઇટની સાથે આગ જેવી જ્વાળાઓનો રંગ જોવા મળશે. 
ચોગ્ગો: બેટ વડે બોલ બાઉન્ટ્રીને ટચ કરશે તો આ સ્ટમ્પ્સમાં અલગ-અલગ પ્રકારની લાઇટ ફટાફટ બદલાશે.  
સિક્સર: જ્યારે બોલ બેટ વડે નિકળીને સીધા બાઉન્ટ્રી બહાર પહોંચશે તો આ સ્ટમ્પ્સમાં અલગ અલગ કલર સ્ક્રોલ થતા જોવા મળશે. 
નો બોલ: એમ્પાયરના નો બોલના ઇશારા પર આ સ્ટમ્પ્સ લાલ અને સફેદ રંગની લાઇટ સ્ક્રોલ થતી દેખાશે. 
ઓવર વચ્ચે: એક ઓવર પુરી થતાં અને બીજી ઓવર શરૂ થવા વચ્ચે સ્ટમ્પ્સ પર પર્પલ અને વાદળી રંગની લાઇટ ચાલુ રહેશે.