પ્રભારી સચિવ

વાયુની સંભવિત અસરો સામે સુવ્યવસ્થિત આયોજન, અમલીકરણ માટે પ્રભારી સચિવની નિયુક્તિ 

વાયુ નામનું વાવાઝોડુ ગુજરાતને ધમરોળવાની તૈયારીમાં છે. છેલ્લે મળતી માહિતી મુજબ આ વાવાઝોડાની દિશા બદલાઈ છે. હવે તે 13મી જૂનના રોજ સવારે 3 કલાકે નહીં પરંતુ બપોરે દરિયાકાંઠે ટકરાશે તેવી માહિતી મળી રહી છે. આ વાવાઝોડું પહેલા વેરાવળના દરિયાકાંઠે ત્રાટકશે તેવું કહેવાતું હતું પરંતુ હવે તે પોરબંદર તરફ ફંટાઈ રહ્યું છે. હાલ વાયુ વાવાઝોડું વેરાવળથી 207 કિલોમીટર દૂર છે. વેરાવળથી દ્વારકાની વચ્ચે આ વાવાઝોડું ટકરાઈ શકે છે તેવું કહેવાય છે. વાવાઝોડાની સંભવિત અસરો સામે સુવ્યવસ્થિત આયોજન, અમલીકરણ, મોનીટરિંગ અને દેખરેખ માટે સરકાર દ્વારા પ્રભારી સચિવની નિયુક્તિ કરી છે. 

Jun 12, 2019, 08:31 PM IST