4 ઓગસ્ટના સમાચાર

4 ઓગસ્ટના સમાચાર News

સોશિયલ ડિસ્ટન્સિંગનું પાલન ન કરતી અમદાવાદની 4 ફેમસ રેસ્ટોરન્ટ્સ સીલ કરાઈ
સોશિયલ ડિસ્ટન્સનો અભાવ
સોશિયલ ડિસ્ટન્સિંગનું પાલન ન કરતી અમદાવાદની 4 ફેમસ રેસ્ટોરન્ટ્સ સીલ કરાઈ
લોકડાઉન ખૂલતા જ અમદાવાદ ફરીથી ધમધમતુ થયું છે. લોકોમાં જાણે કોરોનાના ડર રહ્યો ન હોય તે રીતે લોકો વર્તી રહ્યાં છે. આવામાં દુકાને દુકાને સોશિયલ ડિસ્ટન્સિંગનો અભાવ જોવા મળી રહ્યો છે. ત્યારે સોશ્યલ ડિસ્ટન્સિંગના અભાવના કારણે amc એ શનિવારની મોડી રાતે પણ કાર્યવાહી કરી હતી. એએમસી દ્વારા શહેરના 4 પ્રસિદ્ધ રેસ્ટોરન્ટ સિલ કરવામાં આવ્યા છે. અમદવાદના મેંગો, બિરમીસ, પોએટ્રી અને ગજાનંદ પૌઁઆ હાઉસને સીલ મારવામાં આવ્યું છે.  તો ગઈકાલે અમદાવાદના સેન્ટ્રલ મોલને પણ સીલ મારવામાં આવ્યું હતું.  પંચવટી ચાર રસ્તા પાસે આવેલ સેન્ટ્રલ મોલમાં સોશિયલ ડિસ્ટન્સિંગનો ભાવ જોવા મળતા તેને પણ સીલ મારવામાં આવ્યુ હતું.
Aug 10,2020, 12:22 PM IST
AMC એ અમદાવાદમાં સપાટો બોલાવ્યો, સોશિયલ ડિસ્ટન્સનો ભંગ કરનાર રિલાયન્સ ડિજીટલ સેન્ટરન
અમદાવાદ
AMC એ અમદાવાદમાં સપાટો બોલાવ્યો, સોશિયલ ડિસ્ટન્સનો ભંગ કરનાર રિલાયન્સ ડિજીટલ સેન્ટરન
અમદાવાદ કોર્પોરેશને કોવિડ 19 ને લઈ બેદરકારી દાખવતા એકમો સામે લાલ આંખ કરી છે. આજે સવાર થી જ amc ની ટીમ અમદાવાદ શહેરમાં સીલ મારવાની કામગીરી કરી રહી છે. જેમાં પ્રહલાદ નગરમાં આવેલુ રિલાયન્સ ડિજીટલને પણ સોશિયલ ડિસ્ટન્સના ભંગ અને સ્ટાફ કામગીરી દરમ્યાન માસ્ક ન પહેરતા amc એ સીલ મારવાની કામગીરી કરી છે. આ ઉપરાંત શાહઆલમ સર્કલ ખાતે આવેલો બ્રાન્ડ ફેકટરી મોલ પણ સીલ મારવામાં આવ્યો છે. બ્રાન્ડ ફેક્ટરી દ્વારા કોવિડ 19 ના નિયમોનું પાલન ન થતા આખો મોલ સીલ કરાયો છે. બ્રાન્ડ ફેક્ટરીમાં ફરજ પર હાજર કર્મચારીઓ અને ગ્રાહકો પણ માસ્ક વિના ઝડપાયા હતા. મનપાના દક્ષિણ ઝોન હેલ્થ વિભાગ દ્વારા મોલને સીલ મારવામાં આવ્યું છે. 
Aug 5,2020, 15:41 PM IST
જામનગરમાં હવે લોકડાઉન શક્ય નથી, કોરોનાના ભય કરતાં લોકોમાં લોકડાઉનનો ભય વધુ છે : કલેક
જામનગર કલેક્ટર
જામનગરમાં હવે લોકડાઉન શક્ય નથી, કોરોનાના ભય કરતાં લોકોમાં લોકડાઉનનો ભય વધુ છે : કલેક
કોરોનાનું સંક્રમણ રોકવા એક જ ઉપાય છે, માસ્ક પહેરો અને બને ત્યાં સુધી લોકોના સંપર્કથી દૂર રહો. ટોળામાં ન જાઓ. કામ વગર બહાર ન નીકળો. ગુજરાતમાં આ બે નિયમોનું પાલન ન કરનારા અનેક લોકો રોજેરોજ દંડાય છે. ત્યારે જામનગરના કલેક્ટરે સંક્રમણથી દૂર રહેવા સોશિયલ મીડિયા પ્લેટફોર્મનો સહાર લીધો હતો. જામનગર જિલ્લા કલેક્ટરે આજે ઓનલાઇન પત્રકાર પરિષદ યોજી હતી. કોરનાના વધતા સંક્રમણને પગલે જામનગર જિલ્લાના કલેક્ટર રવિ શંકરે પત્રકાર પરિષદ યોજીને તમામ પત્રકારોને માહિતી આપી હતી. 
Aug 4,2020, 15:23 PM IST
Photos : અમદાવાદની મહિલાએ માત્ર 15 કલાકમાં 15 કિલો ચોકલેટનું રામ મંદિર બનાવ્યું
રામ મંદિર ભૂમિ પૂજન
Photos : અમદાવાદની મહિલાએ માત્ર 15 કલાકમાં 15 કિલો ચોકલેટનું રામ મંદિર બનાવ્યું
આવતીકાલે રામ મંદિર (ram mandir)નું ભૂમિ પૂજન છે. રામ મંદિરના ભૂમિપૂજનમાં હવે ફક્ત 24 કલાકનો સમય બચ્યો છે. ભૂમિપૂજન કાર્યક્રમ દરમિયાન આવતી કાલે બુધવારે પ્રધાનમંત્રી નરેન્દ્ર મોદી રામ મંદિરમાં ઈંટ મૂકશે. ત્યારે રામમંદિર ભૂમિપૂજનને અમદાવાદમાં પણ ઉત્સાહ જોવા મળ્યો છે. અમદાવાદની મહિલાએ આ ખાસ ક્ષણ માટે ખાસ કર્યું છે. અમદાવાદના ચોકલેટ આર્ટિસ્ટ શિલ્પા ભટ્ટે 15 કિલોની ચોકલોટનું રામ મંદર બનાવ્યું છે. 
Aug 4,2020, 14:56 PM IST
માસ્ક ન પહેરવા માટે ખંભાળીયામાં 5 લાખથી વધુનો દંડ ફટકારાયો
માસ્ક
માસ્ક ન પહેરવા માટે ખંભાળીયામાં 5 લાખથી વધુનો દંડ ફટકારાયો
કોરોનાથી દૂર રહેવા માટે માસ્ક પહેરવું ફરજિયાત છે. કોરોનાનુ સંક્રમણ દિવસેને દિવસે વધી રહ્યું છે, આવામાં માસ્ક ન પહેરનારાને દંડવામાં આવી રહ્યાં છે. ત્યારે દ્વારકામાં પણ માસ્ક ન પહેરનારાઓને દંડવામાં આવી રહ્યાં છે. ત્યારે ખંભાળીયામાં પણ અનેક લોકોને માસ્ક ન પહેરવા માટે દંડવામાં આવ્યા છે. ખંભાળીયા પોલીસ સ્ટેશન વિસ્તારમાં ગત દોઢેક મહિનામાં જાહેરમાં માસ્ક ના પહેરનાર 2544 જેટલા લોકો પાસેથી રૂપિયા 5 લાખથી વધુ રૂપિયનો દંડ વસૂલાયો છે. 
Aug 4,2020, 14:08 PM IST
કોરોનાકાળમાં 4 મહિના બાદ આજથી ગુજરાતભરની કોર્ટમાં મેન્યુઅલી ફાઈલિંગ શરૂ થયું
ગુજરાત હાઈકોર્ટ
કોરોનાકાળમાં 4 મહિના બાદ આજથી ગુજરાતભરની કોર્ટમાં મેન્યુઅલી ફાઈલિંગ શરૂ થયું
આજથી રાજ્યભરની તમામ કોર્ટમાં વકીલો દ્વારા મેન્યુઅલી ફાઇલિંગ કરવાનું શરૂ કરાયું છે. વકીલોની રજુઆતને પગલે આ નિર્ણય લેવાયો છે. કોરોનાની સાવચેતી સાથે આજથી તમામ વકીલો ઓન ઓનલાઈનને બદલે મેન્યુઅલી ફાઇલિંગ કરી શકશે. ત્યારે ચાર મહિના બાદ મેન્યુઅલી ફાઈલિંગ શરૂ થતા વકીલોમાં પણ ખુશીનો મહાલો જોવા મળ્યો છે. ઉલ્લેખનીય છે કે, તાજેતરમાં ગુજરાત હાઇકોર્ટ (gujarat highcourt) દ્વારા ફિઝિકલ ફાઇલિંગની મંજૂરી આપવામાં આવી હતી. બાર એસોસિએશનનાં સભ્યો દ્વારા પ્રતિક ઉપવાસ કાર્યક્રમ જાહેર કરવામાં આવ્યો હતો. જેના બાદ ગુજરાત હાઇકોર્ટ દ્વારા 4 ઓગસ્ટથી શરતોને આધીન ફિઝિકલ ફાઇલિંગની મંજૂરી આપવામાં આવી હતી. તમામ વકીલો ઓનલાઇન ફાઇલિંગ કરવામાં સક્ષમ ન હોવાની બાર એસોસિએશન દ્વારા હાઈકોર્ટમાં રજૂઆત કરવામાં આવી હતી. જેના બાદ હાઈકોર્ટે ફિઝિકલ ફાઇલિંગ માટે મંજૂરી આપી હતી. જોકે તમામ વકીલો અને કર્મચારીઓએ ચુસ્તપણે કોરોનાની ગાઈડલાઈનનું પાલન કરવાનું રહેશે તેવું પણ સૂચવ્યું હતું. 
Aug 4,2020, 12:32 PM IST
GTUની ઓનલાઈન પરીક્ષામાં ખામી સર્જાઈ, 1 હજાર જેટલા વિદ્યાર્થી પરીક્ષામાં જોડાઈ ન શક્ય
GTU
GTUની ઓનલાઈન પરીક્ષામાં ખામી સર્જાઈ, 1 હજાર જેટલા વિદ્યાર્થી પરીક્ષામાં જોડાઈ ન શક્ય
ગુજરાત ટેક્નોલોજીકલ યુનિવર્સિટીની ઓનલાઈન પરીક્ષામાં સામાન્ય સમસ્યા સર્જાઈ હતી. આશરે 1 હજાર જેટલા યુજીના વિદ્યાર્થીઓ ઓનલાઈન પરીક્ષામાં ન જોડાઈ શક્યા. પાસવર્ડ અને રજીસ્ટર્ડ ઈન્સ્ટ્રુમેન્ટ બદલાતા વિદ્યાર્થીઓ ઓનલાઈન પરીક્ષા માટે લોગઈન ન કરી શકતા સમસ્યા સર્જાઈ હતી. જેને કારણે 12,500 માંથી આશરે 11,500 જેટલા વિદ્યાર્થીઓએ પરીક્ષા આપી હતી. 1 હજાર જેટલા વિદ્યાર્થીઓની આગામી દિવસમાં ફરીથી પરીક્ષા લેવાશે. 17 ઓગસ્ટના રોજ બાકી રહી ગયેલા યુજીના વિદ્યાર્થીઓની પરીક્ષા લેવાય તેવી શક્યતા છે. 
Aug 4,2020, 12:02 PM IST
ભાવનગરની ક્રિષ્ના હોસ્પિટલનું ભોપાળું, કિંમતી રેમડેસીવીર ઈન્જેક્શન બીજા દર્દીને આપી
ભાવનગર
ભાવનગરની ક્રિષ્ના હોસ્પિટલનું ભોપાળું, કિંમતી રેમડેસીવીર ઈન્જેક્શન બીજા દર્દીને આપી
ભાવનગર શહેરના કાળુભા રોડ પર આવેલ ક્રિષ્ના હોસ્પિટલમાં કોરોના દર્દીના નામે રેમડેસિવીર ઇન્જેક્શન લાવી અન્ય દર્દીઓને આપી દેવામાં આવ્યા હતા. જ્યારે ખરેખર જે દર્દીના નામે ઇન્જેક્શન લાવ્યા હતા, તે દર્દીને ઇન્જેક્શનની જરૂર પડી ત્યારે તેને ઇન્જેક્શન ન મળતાં તેનું મોત થયું હોવાનો આક્ષેપ સાથે પરિવારજનોએ કર્યો છે. ત્યારે દર્દીના પરિવારજનોએ હોસ્પિટલમાં આ મામલે હોબાળો મચાવી દીધો હતો. ત્યારે સમગ્ર મામલે તંત્ર દ્વારા કમિટીની રચના કરી તપાસના આદેશ આપવામાં આવ્યા છે.
Aug 4,2020, 10:44 AM IST
પંચમહાલમાં દીપડાના ચાર પરિવારનો વસવાટ, ઉપરાઉપરી 3 હુમલા બાદ દરેક ઘરમાં ગભરાટ
દીપડાનો આતંક
પંચમહાલમાં દીપડાના ચાર પરિવારનો વસવાટ, ઉપરાઉપરી 3 હુમલા બાદ દરેક ઘરમાં ગભરાટ
પંચમહાલમાં દીપડાની દહેશત સતત વધતી જઈ રહી છે. જિલ્લાના અંતરિયાળ એવા ઘોઘંબા તાલુકામાં 5 દિવસમાં દીપડાના હુમલા (leopard attack) ના 3 બનાવો ઉપરાઉપરી બનતા હવે મોડે મોડે વન વિભાગ  (forest department) હરકતમાં આવ્યું છે. હુમલાખોર દીપડો માનવભક્ષી છે. તે પહેલાં તેને પાંજરે પુરવા અને લોક જાગૃતિ માટે પત્રિકાઓ વહેંચવા સુધીની કવાયત વન વિભાગ દ્વારા હાથ ધરવામાં આવી છે.
Aug 4,2020, 9:57 AM IST
સમગ્ર સૌરાષ્ટ્રમાં મેઘાવી માહોલ, દરિયા કાંઠાના મુખ્ય રસ્તાઓ પર ઢીંચણ સમા પાણી ભરાયા
સૌરાષ્ટ્રમાં મેઘમહેર
સમગ્ર સૌરાષ્ટ્રમાં મેઘાવી માહોલ, દરિયા કાંઠાના મુખ્ય રસ્તાઓ પર ઢીંચણ સમા પાણી ભરાયા
સમગ્ર ગીર સોમનાથ જિલ્લામાં મેઘાવી માહોલ જોવા મળી રહ્યો છે. દરિયા કાંઠા વિસ્તારમાં વરસાદની દે ધનાધન બેટિંગ જોવા મળી રહી છે. અહીં સુત્રાપાડા, કોડીનાર અને ઉનાના દરિયા કાંઠાના ગામોમાં ધોધમાર વરસાદ વરસી રહ્યો છે. સૂત્રાપાડામાં 8 કલાકમાં સૌથી વધુ વરસાદ ખાબક્યો છે. કોડીનારમાં સારો એવો વરસાદ વરસ્યો છે. તો સૌરાષ્ટ્રના દરિયા કાંઠાના ગામોમાં વરસાદ ખાબક્યો છે. તો વેરાવળમાં પોણા 1.5 ઈંચ વરસાદ ખાબક્યો છે. તાલાલા અને ગીર ગઢડામાં ધીમીધારે વરસાદની શરૂઆત થઈ છે. ધોધમાર વરસાદથી દરિયા કાંઠાના મુખ્ય રસ્તાઓ પર ઢીંચણ સમા પાણી ભરાયા છે. આમ, લાંબા બ્રેક બાદ સૌરાષ્ટ્રમાં મેઘરાજાનું આગમન થયું છે. 
Aug 4,2020, 8:58 AM IST
જામનગર ભાજપના કોર્પોરેટર કેતન નાખવાનો કોરોના રિપોર્ટ પોઝિટિવ આવ્યો
જામનગર
જામનગર ભાજપના કોર્પોરેટર કેતન નાખવાનો કોરોના રિપોર્ટ પોઝિટિવ આવ્યો
જામનગરમાં શાસકપક્ષ ભાજપના નગરસેવકને કોરોના થયો છે. ભાજપના નગરસેવક કેતન નાખવાનો કોરોના રિપોર્ટ પોઝિટિવ આવ્યો છે. કોરોના રિપોર્ટ પોઝિટીવ આવતાં નગરસેવક હોમ આઇસોલેટ થયા છે. ભાજપના નગરસેવકના સંપર્કમાં આવનાર લોકો પણ સતર્ક થઈ ગયા છે. તેમના સંપર્કમા આવનાર વિરોધ પક્ષના નેતા અલ્તાફ ખફી પણ સેલ્ફ ક્વોરેન્ટાઈન થયા છે. જામનગરમાં નગરસેવકને કોરોના પોઝિટિવની પ્રથમ ઘટના બની છે.
Aug 4,2020, 8:31 AM IST
હવે આ એક્ટ્રેસનો કોરોના નીકળ્યો, પોતાના નજીકના લોકોને ટેસ્ટ કરવાની આપી સલાહ
Richa Bhadra
હવે આ એક્ટ્રેસનો કોરોના નીકળ્યો, પોતાના નજીકના લોકોને ટેસ્ટ કરવાની આપી સલાહ
દુનિયાભરમાં કોરોના વાયરસ (Coronavirus) ના મામલાની સંખ્યા 1.8 કરોડને પાર થઈ ગઈ છે. જ્યારે કે અંદાજે 6,88,000 લોકો આ બીમારીથી જીવ ગુમાવી ચૂક્યા છે. તો ભારતમાં પણ આ વાયરસનો પ્રકોપ ચાલુ છે. દેશભરમાં અત્યાર સુધી 18 લાખથી વધુ કેસ સામે આવ્યા છે. જેમાંથી 11 લાખની ઉપર આ બીમારીથી રિકવર થઈ ચૂક્યા છે. તેમજ ભારતમાં 38 હજાર લોકોએ કોરોનાથી જીવ ગુમાવ્યો છે. આ વાયરસે મનોરંજન જગતને પણ પોતાની ઝપેટમાં લીધો છે.
Aug 4,2020, 8:13 AM IST
સોશિયલ ડિસ્ટન્સિંગનો ભંગ થતા અમદાવાદનો સૌથી મોટો મોલ બંધ કરાવાયો
અમદાવાદ
સોશિયલ ડિસ્ટન્સિંગનો ભંગ થતા અમદાવાદનો સૌથી મોટો મોલ બંધ કરાવાયો
સોશિયલ ડિસ્ટન્સિંગનો અમલ ન થતા અમદાવાદનો સૌથી મોટો મોલ ખાલી કરાવવામાં આવ્યો છે. amc દ્વારા વસ્ત્રાપુર તળાવ પાસે આવેલ આલ્ફા વન મોલ (Alpha one mall) ખાલી કરાવવામાં આવ્યો છે. છેલ્લાં કેટલાક સમયથી મોલમાં પ્રવેશતા મુલાકાતીઓ દ્વારા સોશિયલ ડિસ્ટન્સિંગ અને માસ્કના નિયમોનું પાલન થતું ન હોવાથી એએમસી દ્વારા મોલ સીલ કરવામાં આવ્યો છે. 
Aug 4,2020, 7:40 AM IST

Trending news