શું તમે ટ્રીપ પર જવા માંગો છો અને વાહન પર FasTag નથી? તો ઓનલાઈન આ રીતે કરો બુક

Online Order FasTag: થોડા વર્ષો પહેલા સુધી, જ્યારે તમે ટોલ પ્લાઝા પરથી પસાર થતા હતા, ત્યારે તમારે તમારા વાહનનો ટોલ ટેક્સ ભરવો પડતો હતો અને આ પ્રક્રિયા મેન્યુઅલી કરવામાં આવતી હતી જેમાં ઘણો સમય લાગતો હતો અને કેટલીકવાર કલાકો સુધી રાહ જોવી પડતી હતી. સમય જતાં, ટેક્નોલોજી બદલાઈ અને હવે વાહનો પર FASTag ઉપલબ્ધ છે. આના કારણે, વપરાશકર્તાઓ સમય ગુમાવ્યા વિના તેમની ટોલ ચુકવણી કરી શકે છે અને તમારે તમારી કાર અથવા તમારા કોઈપણ વાહનમાંથી બહાર નીકળવાની પણ જરૂર નથી. ફાસ્ટેગ એ એક સ્ટીકર જેવું છે જે તમારા વાહનના આગળના ભાગમાં લગાવવામાં આવે છે અને વાહન સ્કેનરની સામે આવતાની સાથે જ ટોલ પ્લાઝા પર તમારો ટોલ ટેક્સ કપાઈ જાય છે. જો કે એવા ઘણા લોકો છે જેમણે હજુ સુધી પોતાના વાહનો પર FASTag લગાવ્યો નથી, આવા લોકો હવે ઘરે બેઠા FASTag કેવી રીતે મેળવી શકો તે જણાવીશું..

આ એપ કરવી પડશે ડાઉનલોડ
જો તમે હજુ સુધી Paytm નો ઉપયોગ નથી કરતા, તો જાણી લો કે આનાથી તમે હવે તમારા ઘરે બેસીને ફાસ્ટ ટેગ ઓર્ડર કરી શકો છો. તેની પ્રક્રિયા ખૂબ જ સરળ છે અને તે માત્ર થોડી મિનિટો લે છે, તે પછી તમારે ચૂકવણી કરવી પડશે અને તમારું ફાસ્ટ ટેગ તૈયાર કરીને તમારા ઘરે પહોંચાડવામાં આવશે. જો તમે આ પ્રક્રિયા વિશે નથી જાણતા તો આજે અમે તમને તેના વિશે જણાવવા જઈ રહ્યા છીએ.

બુકિંગ પ્રોસેસ  

-FasTag બુક કરવા માટે યુઝર્સે પહેલા Paytm એપ ઓપન કરવી પડશે.

-હવે તમારે ટિકિટ બુકિંગ વિભાગમાં જવું જોઈએ

-અહીં તમને ઘણા વિકલ્પો મળશે

-તમારે અહીં બાય ફાસ્ટેગ વિકલ્પ પસંદ કરવો.

-હવે તમારે તમારા વાહનની વિગતો દાખલ કરવી પડશે

-જેમ જેમ તમે વિગતો ભરો છો, તમે ચુકવણીનો વિકલ્પ જોશો.

-તમને પેમેન્ટની નીચે સરનામું ભરવાનો વિકલ્પ પણ મળે છે.

-એડ્રેસ અને પેમેન્ટ ભર્યા બાદ આ ફાસ્ટેગ તમારા ઘરે પહોંચાડવામાં આવશે.