boAt ને ટક્કર આપશે Pocoના નવા Earbuds!ઓછી કિંમતમાં મેળવો ધાંસુ ડિઝાઇન અને ધમાકેદાર સાઉન્ડ

POCO એ ભારતીય બજારમાં તેના પ્રથમ વાયરલેસ ઇયરબડ્સ લોન્ચ કર્યા છે. ઇયરબડ્સ 29 જુલાઈના રોજ પ્રથમ વેચાણ પર જશે. તેની MRP 2,999 રૂપિયા છે, પરંતુ તેને 1,199 રૂપિયામાં વેચવામાં આવશે. તેને ફ્લિપકાર્ટ પર ખરીદી શકાય છે.આ કંપની બજેટ સ્માર્ટફોન બનાવવા માટે જાણીતી છે, આ પોડ્સ POCO F4 યુઝર્સ માટે ઉપયોગી થશે, કારણ કે તે ફોન ઓડિયો જેક વિના આવે છે.

Poco Pods Design

Poco Pods ફ્લિપકાર્ટ પેજ પર લાઈવ થઈ ગયા છે. ડિઝાઇન સૂચવે છે કે તે કાળા અને પીળા રંગોમાં આવે છે. ચાર્જિંગ કેસ એગ ડિઝાઇનમાં છે અને આગળના ભાગમાં પીળા રંગમાં પોકોની બ્રાન્ડિંગ છે.

Poco Pods Specs

સ્ટાન્ડર્ડ SBC બ્લૂટૂથ કોડેકને સપોર્ટ કરતા ઇયરબડ્સ સાથે, આ ઇયરબડ્સ ખાસ એન્ડ્રોઇડ સ્માર્ટફોન યુઝર્સ માટે ડિઝાઇન કરવામાં આવ્યા છે. આઇફોન વપરાશકર્તાઓ બ્લૂટૂથ દ્વારા ઇયરબડ્સને કનેક્ટ કરી શકે છે.. Poco અનુસાર, આ ઇયરબડ્સ સાથે ચાર્જિંગ કેસ આપવામાં આવ્યો છે જે 30 કલાક સુધી મ્યુઝિક પ્લેબેકને સપોર્ટ કરશે. આનો અર્થ એ છે કે તમે એક જ ચાર્જ પર આખા દિવસ અથવા લાંબા સમય સુધી ઇયરબડ્સનો ઉપયોગ કરી શકો છો.

પોકો અનુસાર, પોકો પોડ્સ ઇયરબડ્સ સ્વેટ-પ્રૂફ છે અને તે 'ડીપ બાસ' પણ ડિલિવર કરે છે, જેથી તમે સંગીત અને વીડિયોનો સંપૂર્ણ આનંદ લઈ શકો. આ સાથે ઇયરબડમાં કૉલ્સ માટે બિલ્ટ-ઇન માઇક્રોફોન પણ છે જો કે તમને એક્ટિવ વોઈસ કેન્સલેશન મોડ જેવી કેટલીક સુવિધાઓની ઍક્સેસ મળશે નહીં, જે રૂ. 5,000થી ઓછી કિંમતના ઈયરબડ્સમાં સામાન્ય છે.