Instagram New Feature: ઈન્સ્ટાગ્રામ લાવશે ગજબના ફીચર્સ, જાણો શું છે ખાસ

મેટા કંપનીની સોશિયલ મીડિયા એપ્લિકેશન ઈન્સ્ટાગ્રામે એક નવા ફીચરની ઘોષણા કરી દીધી છે. આ ફીચર અનુસાર ઈન્સ્ટાગ્રામ પર 15 મિનિટથી ઓછી ડ્યૂરેશન વાળા વીડિયો પોસ્ટ કરી શકાશે. સાથે જ ઈન્સ્ટાગ્રામ પર ફોટો અને વીડિયોને રીમિક્સ માટેના નવા ટૂલ્સ પર ઉમેરવામાં આવ્યા છે.

ઈન્સ્ટાગ્રામે બ્લૉગપોસ્ટ પર આ નવા ફીચરની જાહેરાત કરી છે અને જણાવ્યું કે યૂઝર 15 મિનિટથી ઓછી ડ્યૂરેશન વાળા વીડિયોને રીલ્સમાં શેયર કરી શકશે. આ ફીચરને એક અઠવાડિયામાં જ ઉપ્લબ્ધ કરવામાં આવશે. તેઓએ જણાવ્યું કે જ્યારથી રીલ્સનું ચલણ વધી રહ્યું છે ત્યારથી ઈન્સ્ટાગ્રામ રીલ્સ વીડિયો જોવા અને ક્રિએટ કરવાના અનેક ક્રિએટીવ ટૂલ્સને એડ કર્યા છે. અમે જલ્દી જ વીડિયોને ફૂલ સ્ક્રિન એક્સપીરિયન્સ માટે ક્રિએટિવ ટૂલ્સ લાવવા જઈ રહ્યાં છે.

આપને જણાવી દઈએ કે અગાઉ 90 સેકંડના વીડિયોને જ રીલ્સમાં કંસીડર કરવામાં આવતા હતા. તેનાથી વધુ ડ્યૂરેશન વાળા વીડિયોઝને રીલ્સ માનવામાં નહોતી આવતી. આ સિવાય ઈન્સ્ટાગ્રામ વીડિયો અને રીલ્સ ટેબને કંબાઈન કરવાના છે. જેના પછી એક ટેબથી વીડિયો અને રીલ્સને જોવા મળશે.

આ ફીચર્સ પણ જલ્દી મળશે
વીડિયો અને ફોટો શેરિંગ એપ ઈન્સ્ટાગ્રામ નવા રીમિક્સ ટૂલ્સ પર પણ કામ કરે છે. તેમાં રીલ્સના નવા ટેમ્પ્લેટ્સ અને એડિટિંગ ટૂલ્સ પણ મળશે. સાથે જ ઈન્સ્ટાગ્રામ રીલ્સ પર વીડિયો કૉમેન્ટ્રીનું ઓપ્શન પણ મળશે. ઈન્સ્ટાગ્રામ પર જલ્દી જ યૂઝર્સ એક સાથે ફ્રંટ અને રેયર કેમેરા યૂઝ કરીને વીડિયો રેકોર્ડ કરી શક્શે.

પેમેન્ટનું ઓપ્શન પણ જલ્દી જ આવશે
હાલમાં જ ઈન્સ્ટાગ્રામે પેમેન્ટ ફીચરની પણ માહિતી આપી હતી. આ ફીચરથી યૂઝર ટાઈમલાઈન પર દેખાતી કોઈ પણ પ્રોડક્ટ પર ક્લિક કરીને સીધા ચેટબોક્સથી શોપિંગ કરી શક્શે. તેના માટે યુઝર્સે મેટા પેનો ઉપયોગ કરવો પડશે.