સુરતમાં ગુનાખોરીનો ગ્રાફ વધતો જતો હોય તેવુ લાગી રહ્યુ છે. જાહેરમાં ચપ્પુ બતાવી લુંટ ચલાવવાની ઘટના ફરી એક વાર સામે આવી છે. સુરતના વરાછા મોહનનગર પાસે આવેલી કરિયાણાની દુકાનમા એક યુવાન ગયો હતો. દરમિયાન ત્રણ જેટલા લોકો દુકાન પર આવ્યા હતા અને લુંટ ચલાવીને ભાગી છુટ્યા હતા. લુંટની આ સમગ્ર ઘટના સીસીટીવી કેમેરામા કેદ થઇ ગઇ હતી. જે ફુટેજના આધારે પોલીસે આરોપીઓની શોધખોળ શરુ કરી હતી.