સિંધીયા પરિવાર વર્ષોથી રાજકારણમાં સક્રિય રહ્યો છે. મધ્ય પ્રદેશમાં ઘણાં નાટકિય વળાંક પછી કોંગ્રેસની સરકાર બની અને અચાનક ફરી એકવાર નાટકિય વળાંક આવતા કોંગ્રેસને મોટો ઝટકો મળ્યો છે. માધવરાય સિંધિયાના પુત્ર અને કોંગ્રેસના મજબૂત નેતા જ્યોતિરાદિત્ય સિંધિયાએ અંતે કોંગ્રેસ સાથે છેડો ફાડી નાખી પક્ષને મોટો ઝટકો આપ્યો છે. તેમની સાથે અન્ય 22 ધારાસભ્યોએ પણ પક્ષમાંથી રાજીનામુ આપતાં મધ્ય પ્રદેશમાં કોંગ્રેસની સ્થિતિ ડામાડોળ થઈ ગઈ છે.