અંતરિક્ષમાં દેખાયો રહસ્યમય પ્રકાશ, સ્પેસ સ્ટેશનથી લેવાયેલો વીડિયો જોઈ દુનિયા રહી ગઈ દંગ

નવી દિલ્હીઃ બ્રહ્માંડમાં છુપાયેલા અસંખ્ય રહસ્યોને શોધવા માટે અવકાશ એજન્સીઓ રાતદિવસ સતત કામ કરે છે. ત્યારે અમેરિકન સ્પેસ એજન્સી નાસાએ સ્પેસ સ્ટેશનમાંથી એક રહસ્યમય પ્રકાશનો એવો વીડિયો શેર કર્યો છે, જેને જોઈને આખી દુનિયા સ્તબ્ધ થઈ ગઈ છે.

વીડિયોમાં શું જોવા મળ્યું?
આ અદ્ભુત વીડિયો ISS એટલે કે ઈન્ટરનેશનલ સ્પેસ સ્ટેશનના ઈન્સ્ટાગ્રામ પેજ  પર શેર કરવામાં આવ્યો છે. આ વિડિયો બ્રહ્માંડના સ્પેસ સ્ટેશનના સુપર હાઈ ડેફિનેશન કેમેરા દ્વારા રેકોર્ડ કરવામાં આવ્યો હતો. કેમેરામાં પૃથ્વી ફરતી જોવા મળે છે અને તેની આસપાસ વિચિત્ર લાઈટો જોવા મળે છે.  આ આખું જ દ્રશ્ય જોઈને એવું લાગે છે કે કોઈ એનિમેટેડ ફિલ્મ ચાલી રહી હોય. આ પ્રકારના પ્રકાશને ઓરોરા કહેવામાં આવે છે. ઈન્સ્ટાગ્રામ પર શેર કરાયેલા વીડિયોને 10 કલાકમાં 54 હજારથી વધુ લાઈક્સ મળ્યા છે.

જુઓ અદભૂત વીડિયો. 

View this post on Instagram

A post shared by International Space Station (@iss)

અરોરા શું હોય છે?
પૃથ્વી પરના વાતાવરણમાં અનેક પ્રકારના વાયુ એકબીજા સાથે અથડાય છે અને તેમની વચ્ચે અનેક પ્રકારની રાસાયણિક ક્રિયાઓ થતી રહે છે. આ વાયુઓમાં મોટી માત્રામાં ઇલેક્ટ્રોન અને પ્રોટોન હોય છે, જેની અથડામણથી આવો પ્રકાશ ઉત્પન્ન થાય છે. તે પૃથ્વીના કેટલાક ભાગો પર ઉત્તરીય લાઇટ્સ તરીકે પણ જોઈ શકાય છે. જો કે, તેને અવકાશમાંથી આટલા મોટા પાયે જોવું એ પોતાનામાં એક અનોખો અનુભવ છે. આ અદ્ભુત દૃશ્યને શેર કરતી વખતે, નાસાએ એવો સંદેશ પણ આપ્યો કે આ પૃથ્વી આપણે વિચારીએ છીએ તેના કરતા અનેક ગણી વધુ રહસ્યમય અને સુંદર છે.