લોખંડને સફરજનની જેમ ચીરી નાખે છે આ Missile ની બ્લેડ! USA એ આનાથી જ કર્યા Al-Zawahiri ના ટુકડે ટુકડા

નવી દિલ્લીઃ અમેરિકી સરકારે ડ્રોન હુમલામાં આતંકી સંગઠન અલકાયદાના પ્રમુખ અયમાન અલ ઝવાહિરીને ઠાર માર્યો. અમેરિકાની સૌથી મોટી જાસૂસી સંસ્થાય CIAએ આ ઓપરેશન પાર પાડ્યું. આ હુમલામાં અમેરિકાએ 2 R9X Hellfire Missileનો ઉપયોગ કર્યો હતો. અમેરિકાએ શું કામ આ જ મિસાઈલનો ઉપયોગ કર્યો તેની પાછળ મિસાઈલની ખાસિયત છે. આ કોઈ સામાન્ય નહીં પરંતુ એકદમ ઘાતકી અને સટીક વાર કરતી મિસાઈલ છે. આવો જાણીએ હેલફાયર મિસાઈલ વિશે વધુ માહિતી.

R9X હેલફાયર મિસાઈલને ડ્રોન, હેલિકોપ્ટર, ફાઈટર જેટથી ફાયર કરી શકાય છે. તેના ફ્રંટમાં કેમેરા, સેન્સર લગાવવામાં આવ્યા છે. જે વિસ્ફોટ પહેલા સુધી રેકોર્ડિંગ રાખે છે. તે જ સમયે, તેઓ વિસ્ફોટ પહેલા લક્ષ્યની ચોક્કસ સ્થિતિ પર નજર રાખે છે. છેલ્લા બે વર્ષમાં અમેરિકાએ આ મિસાઈલોનો ઉપયોગ વધુ તેજ કર્યો છે. અમેરિકાએ ગયા વર્ષે કાબુલ એરપોર્ટ બ્લાસ્ટનો બદલો લેવા માટે આ જ મિસાઈલનો ઉપયોગ કર્યો હતો.

અમેરિકા દ્વારા જે હેલફાયર મિસાઇલનો ઉપયોગ કરવામાં આવ્યો છે તેને R9X કહેવામાં આવે છે. તેમાં દારૂગોળાની માત્રા ઘણી ઓછી છે. તેમાં તીક્ષ્ણ ધારવાળા મેટલ બ્લેડ્સ હોય છે. જે અલગ અલગ લેયરમાં લગાવવામાં આવે છે. ગનપાઉડરનો વિસ્ફોટ જ તેમને આગળ વધવાની તાકાત આપે છે. જ્યારે વિસ્ફોટ થાય છે ત્યારે 6 બ્લેડનો સમૂહ છોડવામાં આવે છે. તેની સામે જે કોઈ વ્યક્તિ આવે છે તેના ટુકડે ટુકડા થઈ જાય છે. તે ફક્ત લક્ષ્યને જ નુકસાન પહોંચાડે છે જે લક્ષ્યાંકિત છે. આસપાસને નુકસાન કરતું નથી.

હેલફાયર મિસાઈલના ઘણા પ્રકારો છે. તેમાંથી એક R9X વેરિયન્ટ છે. આ વેરિયન્ટની મિસાઈલનો વજન 45 કિલો હોય છે. આ મિસાઈલને નિન્જા બોમ્બ અને ફ્લાઈંગ જીન્સુ પણ કહેવામાં આવે છે. નિન્જા નામ એટલે કારણ કે નિન્જા માર્શલ આર્ટિસ્ટ મોટે ભાગે તીક્ષ્ણ હથિયારોનો ઉપયોગ કરે છે. ફ્લાઈંગ જીન્સુ એટલે ઉડતી છરી. આ મિસાઈલથી કોલેટરલ ડેમેજ એટલે કે આજુબાજુમાં વધારે નુકસાન થતું નથી. આ મિસાઈલ એક કે બે માણસોને મારવા માટે છોડવામાં આવે છે.

અમેરિકાએ રહસ્યમય રીતે R9X હેલફાયર મિસાઈલનો ઉપયોગ 2017માં શરૂ કર્યો હતો. પરંતુ તેની જાણકારી 2019માં દુનિયા સામે આવી. આ મિસાઈલનો ઉપયોગ કરીને અમેરિકાએ 2000માં USS કોલે બોમ્બ વિસ્ફોટના મુખ્ય આરોપી જમાલ અહમ મોહમ્મદ અલ-બદાવી અને અલ-કાયદાના મુખ્ય આતંકવાદી અબુ ખાર અલ-મસરીને મારી નાખ્યા. આ મિસાઈલનો ઉપયોગ સીરિયા અને અફઘાનિસ્તાનમાં તાલિબાન વિરુદ્ધ પણ કરવામાં આવ્યો છે.

અમેરિકા મુજબ R9X હેલફાયર મિસાઇલનો ઉપયોગ વર્ષ 2020માં બે વખત કરવામાં આવ્યો હતો. સીરિયામાં અલ કાયદાના કમાન્ડરોને મારવા. તે જ સમયે, સપ્ટેમ્બર 2020માં યુદ્ધ દરમિયાન તેનો 6 વખત ઉપયોગ કરવામાં આવ્યો હતો. આ મિસાઈલની ખાસ વાત એ છે કે તેને અમેરિકામાં હાજર 8 પ્રકારના હેલિકોપ્ટરથી લોન્ચ કરી શકાય છે. તેને 7 વિવિધ પ્રકારના એરક્રાફ્ટ, પેટ્રોલ બોટ અથવા હમવીથી પણ લોન્ચ કરી શકાય છે.

R9X હેલફાયર મિસાઈલ શૂટ એન્ડ ફોર્ગેટ ટેક્નીક પર કામ કરે છે. તેને ડ્રોનમાં સેટ કરીને ફાયર પણ કરવામાં આવે છે. આ મિસાઈલની સૌથી મોટી વિશેષતા એ છે કે તે સૌથી મજબૂત બંકરો, બખ્તરબંધ વાહનો, ટેન્ક અને ખૂબ જાડી કોંક્રિટની દિવાલોને તોડીને વિસ્ફોટ કરવામાં સક્ષમ છે. સામાન્ય રીતે તેના વેરિયન્ટનું વજન 45થી 49 કિગ્રા હોય છે.

હેલફાયર મિસાઈલની મહત્તમ લંબાઈ 64 ઈંચ એટલે કે 1.6 મીટર છે. તેનો વ્યાસ 7 ઈંચ છે. આ મિસાઈલમાં 5 પ્રકારના વોરહેડ લગાવી શકાય છે. એન્ટિ-ટેન્ક હાઇ એક્સપ્લોઝિવ, શેપ્ડ ચાર્જ, ટેન્ડમ એન્ટી ટેરર, મેટલ ઓગમેન્ટેડ ચાર્જ (R9X) અને બ્લાસ્ટ પ્રેગમેન્ટેશન. તેની પાંખો 13 ઈંચની હોય છે.

આ મિસાઈલની રેન્જ 499 મીટરથી લઈને 11.01 કિલોમીટર સુધીની હોય છે. રેન્જ આ મિસાઈલના પ્રકાર પર નિર્ભર કરે છે. આ મિસાઈલની મહત્તમ ઝડપ 1601 કિલોમીટર પ્રતિ કલાક છે. તે લેસર અને રડાર સીકર ટેકનોલોજી પર ઉડે છે. એટલે કે, તમે રડાર દ્વારા લેસર દ્વારા બંને રીતે ઓપરેટ કરીને લક્ષ્યને ટાર્ગેટ કરી શકાય છો.

હાલમાં ભારત અમેરિકા રીપર ડ્રોન અને હેલફાયર મિસાઈલ ખરીદવાની અને તેને પોતાની સેનામાં તૈનાત કરવાની પણ તૈયારી કરી રહ્યું છે. તેનું આયોજન ઘણા સમયથી ચાલી રહ્યું છે. ભારત અમેરિકા પાસેથી MQ-9 રીપર ડ્રોન તેમજ હેલફાયર મિસાઈલ ખરીદવાની તૈયારી કરી રહ્યું છે. રીપર ડ્રોન આકાશમાં ઉડતું રહે છે અને ખુબ જ શાંતિથી દેખરેખ રાખે છે. તેમાં લગાવવામાં આવેલી હેલફાયર મિસાઈલ દુશ્મનના કોઈપણ ટાર્ગેટને નષ્ટ કરી શકે છે.