પાકિસ્તાનના પૂર્વ PM ઈમરાન ખાનની ધરપકડ, PTI નો દાવો- અપહરણ કરવામાં આવ્યું

Pakistan former PM Imran Khan Arrested: પાકિસ્તાનના ભૂતપૂર્વ વડા પ્રધાન અને પાકિસ્તાન તહરીક-એ-ઈન્સાફ (PTI) ના પ્રમુખ ઈમરાન ખાનની (Imran Khan) પાકિસ્તાની રેન્જર્સ દ્વારા ધરપકડ કરવામાં આવી છે. ઈમરાન ખાનને ઈસ્લામાબાદ હાઈકોર્ટની બહાર પાકિસ્તાન રેન્જર્સ દ્વારા અલ-કાદિર ટ્રસ્ટ કેસમાં ધરપકડ કરવામાં આવી છે, જ્યાં તે તેમની સામે નોંધાયેલી બહુવિધ એફઆઈઆરમાં જામીન મેળવવા ગયા હતા. કહેવામાં આવી રહ્યું છે કે ધરપકડ બાદ ઈમરાન ખાનને અજ્ઞાત સ્થળે લઈ જવામાં આવ્યા છે.

Breaking News: Former Pakistan PM Imran Khan arrested

Read @ANI Story | https://t.co/EVjxxXCHfV#ImranKhan #Pakistan #ImranKhanArrested pic.twitter.com/5quvbtDix5

— ANI Digital (@ani_digital) May 9, 2023

અલ્હાબાદ હાઈકોર્ટે પૂર્વ વડાપ્રધાન ઈમરાન ખાનની ધરપકડ અંગે સંજ્ઞાન લીધું છે અને મુખ્ય ન્યાયાધીશે આઈજીને 15 મિનિટમાં કોર્ટમાં હાજર થવાનો આદેશ આપ્યો છે. આ દરમિયાન ઈમરાન ખાનની ધરપકડ સમયે પાકિસ્તાની રેન્જર્સ અને ઈમરાન ખાનના વકીલો વચ્ચે ઘર્ષણ થયું હતું. 

#WATCH | "Pakistan Rangers abducted PTI Chairman Imran Khan," tweets Pakistan Tehreek-e-Insaf (PTI)

(Video source: PTI's Twitter handle) pic.twitter.com/ikAS2Pxlpw

— ANI (@ANI) May 9, 2023

ઈમરાન ખાનનું અપહરણ કરવામાં આવ્યું : પીટીઆઈ
ઈમરાન ખાનની ધરપકડ બાદ તેમની પાર્ટી પાકિસ્તાન તહરીક-એ-ઈન્સાફે પાક રેન્જર પર ગંભીર આરોપ લગાવ્યા છે અને કહ્યું છે કે ઈમરાન ખાનનું અપહરણ કરવામાં આવ્યું છે. પીટીઆઈએ દાવો કર્યો છે કે ઈમરાન ખાનને ક્યાં લઈ જવામાં આવ્યા છે તેની કોઈ માહિતી નથી.

ઈમરાન ખાને ISI ઓફિસર પર ગંભીર આરોપ લગાવ્યા છે
તમને જણાવી દઈએ કે તાજેતરમાં જ ઈમરાન ખાને પાકિસ્તાનની ગુપ્તચર એજન્સી ISIના અધિકારી મેજર જનરલ ફૈઝલ નસીર પર ગંભીર આરોપ લગાવ્યા હતા. તેમણે આરોપ લગાવ્યો હતો કે ફૈઝલ નસીર તેમને મારી નાખવાનો પ્રયાસ કરી રહ્યો છે. જો કે આ પછી પાકિસ્તાની સેનાએ તેના નિવેદન પર વાંધો ઉઠાવ્યો હતો અને તેમને ઠપકો પણ આપ્યો હતો.