ಬಿಸಿಲಿನ ಝಳಕ್ಕೆ ತರಕಾರಿಗಳ ಬೆಲೆ ಏರಿಕೆ : ತರಕಾರಿ ಬೆಲೆ ಕೇಳಿ ಬೆಸ್ತು ಬೀಳುವ ಸ್ಥಿತಿ

ರಾಜ್ಯ ರಾಜಾಧಾನಿಯಲ್ಲಿ ದಿನದಿಂದ‌ ದಿನಕ್ಕೆ ಬಿಸಿಲಿನ ಪ್ರಮಾಣ ಜಾಸ್ತಿಯಾಗುತ್ತಿದೆ. ಸಾವಿರಾರು ರೂಪಾಯಿ ಕೊಟ್ಟು ನೀರು ಖರೀದಿಸಿದಂತಹ ಸಿಲಿಕಾನ್‌ ಸಿಟಿ ಮಂದಿ ಇನ್ಮುಂದೆ ದುಬಾರಿ ಹಣ ಕೊಟ್ಟು ತರಕಾರಿಗಳನ್ನ ಖರೀದಿಸುವಂತಾಗಿದೆ.

ಬೆಂಗಳೂರು :ರಾಜಾಧಾನಿಯಲ್ಲಿ ಬಿಸಿಲಿನ ಪ್ರಮಾಣ ಹೆಚ್ಚಾಗಿ ಹೋಗಿದೆ.ಹೀಗಾಗಿ ಈ ಬೇಸಿಗೆಯಲ್ಲಿ ಸಿಟಿಗೆ ತರಕಾರಿಗಳು ಬರುವುದೇ ಕಡಿಮೆಯಾಗಿ ಹೋಗಿದ್ದು, ತರಕಾರಿಗಳ‌ ಬೆಲೆ ಸದ್ಯ ಗಗನಕ್ಕೆ ಏರಿದೆ.ಗ್ರಾಹಕರು ಬೆಲೆ ಕೇಳಿ ಸುಸ್ತಾಗುವಂತಾಗಿದೆ.  

ಬಿಸಿಲಿನ ಝಳಕ್ಕೆ ತರಕಾರಿಗಳ ಬೆಲೆ ಏರಿಕೆ  : 
ರಾಜ್ಯ ರಾಜಾಧಾನಿಯಲ್ಲಿ ದಿನದಿಂದ‌ ದಿನಕ್ಕೆ ಬಿಸಿಲಿನ ಪ್ರಮಾಣ ಜಾಸ್ತಿಯಾಗುತ್ತಿದೆ.  ಇದರಿಂದ‌ ಬೆಂಗಳೂರಿನ ಜನ ಮೊದಲೇ ನೀರಿಲ್ಲದೇ ರೋಸಿ ಹೋಗ್ತಾ ಇದ್ದಾರೆ. ಹೀಗಾಗಿ ಸಾವಿರಾರು ರೂಪಾಯಿ ಕೊಟ್ಟು ನೀರು ಖರೀದಿಸಿದಂತಹ ಸಿಲಿಕಾನ್‌ ಸಿಟಿ ಮಂದಿ ಇನ್ಮುಂದೆ ದುಬಾರಿ ಹಣ ಕೊಟ್ಟು ತರಕಾರಿಗಳನ್ನ ಖರೀದಿಸುವಂತಾಗಿದೆ.

ಇದನ್ನೂ ಓದಿ : ಜನನ ನೋಂದಣಿ ಮಾಡುವಾಗ ಈ ಮಾಹಿತಿ ನೀಡಲೇ ಬೇಕು! ಆಧಾರ್, ವೋಟರ್ ಐಡಿ, ರೇಶನ್ ಎಲ್ಲದಕ್ಕೂ Birth Registration ಆಧಾರ

ದಿನದಿಂದ ದಿನಕ್ಕೆ ಹೆಚ್ಚಳವಾಗುತ್ತಿದೆ ಬಿಸಿಲಿನ ಪ್ರಮಾಣ:  
ಬಿಸಿಲು ಹೆಚ್ಚಾದಂತೆ ತರಕಾರಿಗಳ ಬೆಲೆ ಕೂಡಾ ಏರಿಕೆಯಾಗಿದೆ. ಬೀನ್ಸ್,ಬದನೆ, ಸೊಪ್ಪು, ಮೆಣಸಿನಕಾಯಿ ಏರಿಕೆ ಬೆಲೆ ಡಬಲ್ ಆಗಿದೆ. ಬಿಸಿಲು ಜಾಸ್ತಿಯಾಗಿರುವುದರಿಂದ ಬೇಸಿಗೆಯಲ್ಲಿ ಹೆಚ್ಚು ಬಳಸುವ ಸೌತೆಕಾಯಿ, ಕ್ಯಾರೆಟ್, ನಿಂಬೆಹಣ್ಣುಗಳಿಗೂ ಬೆಲೆಯು ಏರಿಕೆಯಾಗಿದೆ. ಇದಲ್ಲದೇ ಸೊಪ್ಪುಗಳ ಬೆಲೆಯು ಏರಿಕೆಯಾಗಿದೆ. ಮುಂದಿನ ದಿನಗಳಲ್ಲಿ ಇದೇ ರೀತಿಯಾಗಿ‌ ಬಿಸಿಲು ಹೆಚ್ಚಾದರೆ,ತರಕಾರಿ ಬೆಲೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯಾತೆ ಇದೆ.

ಸದ್ಯ ರಾಜ್ಯದ ವಿವಿಧ ಜಿಲ್ಲೆಗಳಿಂದ‌ ತರಕಾರಿಗಳು ಬರುತ್ತಿವೆ. ಆದರೆ ಬೇಡಿಕೆಗೆ ತಕ್ಕಷ್ಟು ತರಕಾರಿಗಳು ಬರುತ್ತಿಲ್ಲ. ಬಿಸಿಲಲ್ಲಿ ತರಕಾರಿಗಳನ್ನು ರಕ್ಷಿಸುವುದು ಕೂಡಾ ಕಷ್ಟವಾಗಿ‌ ಹೋಗಿದೆ ಅನ್ನುವುದು ವ್ಯಾಪಾರಸ್ಥರ ತಲೆ ನೋವು. ಸದ್ಯ ತರಕಾರಿಗಳ ಬೆಲೆ  ಎಷ್ಟಿದೆ ನೋಡೋಣ. 

ತರಕಾರಿ‌	ಇಂದಿನ ಬೆಲೆ	ಹಿಂದಿನ‌ ಬೆಲೆ
ಬೀನ್ಸ್	60	80
ಮೂಲಂಗಿ	35	25
ಬದನೆಕಾಯಿ	40	35
ಊಟಿ  ಕ್ಯಾರೆಟ್	100	60
ಹಾಗಲಕಾಯಿ	60	45
ಈರುಳ್ಳಿ	25	20
ಬಿಟ್ರೋಟ್	45	40
ನವಿಲುಕೋಸು	35	25
ಬೆಂಡೆಕಾಯಿ	40	35
ಬೆಳ್ಳುಳ್ಳಿ	160	300
ಅಲೂಗಡ್ಡೆ	30	25
ಹೀರೆಕಾಯಿ	40	35
ಟೋಮಾಟೋ	25	20
ಮೆಣಸಿನಕಾಯಿ	60	45
ಕೊತ್ತಂಬರಿ	30	20
ಕ್ಯಾಪ್ಸಿಕಮ್	40	20
ನುಗ್ಗೆಕಾಯಿ	80	60

ಇದನ್ನೂ ಓದಿ : RBI MPC: ಯುಪಿಐ ಮೂಲಕ ನಗದು ಠೇವಣಿ ಸೌಲಭ್ಯ: ಆರ್‌ಬಿಐ ಗವರ್ನರ್ ಹೇಳಿದ್ದೇನು?

ಎಲ್ಲಾ ವಸ್ತುಗಳ ಬೆಲೆ ‌ಏರಿಕೆಯಿಂದ ಜನ ಮೊದಲೇ ತತ್ತರಿಸಿ ಹೋಗಿದ್ದಾರೆ. ಈ ನಡುವೆ, ತರಕಾರಿಗಳ‌ ಬೆಲೆ‌ ಏರಿಕೆ‌ಯಾಗಿರುವುದು ಸಾಮಾನ್ಯ ಜನರ ಜೀವನದ ಮೇಲೆ ಪರಿಣಾಮ ಬೀರಿದೆ.