RBI Repo Rate Update: ಭಾರತೀಯ ರಿಸರ್ವ್ ಬ್ಯಾಂಕ್ ಶೀಘ್ರದಲ್ಲೇ ತನ್ನ ರೆಪೋ ದರಗಳಲ್ಲಿ ದೊಡ್ಡ ಕಡಿತವನ್ನು ಮಾಡುವ ನಿರೀಕ್ಷೆ ಇದೆ. ರೆಪೊ ದರಗಳ ಕಡಿತಕ್ಕೆ ಸಂಬಂಧಿಸಿದಂತೆ ತಜ್ಞರು ನಿರ್ದಿಷ್ಟ ಮಾಹಿತಿಯನ್ನು ನೀಡಿದ್ದಾರೆ. ರೆಪೊ ದರಗಳ ಕಡಿತದ ನಂತರ, ಸಾಮಾನ್ಯ ಜನರ EMI ಹೊರೆ ಕೂಡ ಕಡಿಮೆಯಾಗುವ ಸಾಧ್ಯತೆ ಇದೆ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಈ ವರ್ಷ ನೀತಿ ದರಗಳಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡದಿರುವ ನಿಲುವನ್ನು ತೆಗೆದುಕೊಳ್ಳಬಹುದು ಮತ್ತು 2024 ರ ಆರಂಭದಲ್ಲಿ ದರಗಳನ್ನು ಕಡಿತಗೊಳಿಸುವ ಸಾಧ್ಯತೆ ಇದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಈ ತಿಂಗಳು ದರದಲ್ಲಿ ಯಾವುದೇ ಹೆಚ್ಚಳ ಮಾಡಲಾಗಿಲ್ಲ
ಈ ತಿಂಗಳ ಆರಂಭದಲ್ಲಿ, ಆರ್‌ಬಿಐನ ತನ್ನ ಹಣಕಾಸು ನೀತಿ ಸಮಿತಿ ಸಭೆಯಲ್ಲಿ ಬಡ್ಡಿ ದರಗಳಲ್ಲಿ ಯಾವುದೇ ಪ್ರಮುಖ ಬದಲಾವಣೆ ಮಾಡದಿರಲು ನಿರ್ಧರಿಸುವ ಮೂಲಕ ಎಲ್ಲಾ ವಿಶ್ಲೇಷಕರನ್ನು ನಿಬ್ಬೆರಗಾಗಿಸಿದೆ. ಇತ್ತೀಚೆಗೆ ಬಿಡುಗಡೆಯಾದ ಈ ನೀತಿ ಪರಿಶೀಲನಾ ಸಭೆಯ ವಿವರಗಳನ್ನು ಗಮನಿಸಿದರೆ, ಹಣದುಬ್ಬರ ಮೃದುವಾಗುವುದರೊಂದಿಗೆ ದರ ಕಡಿತವೂ ಪ್ರಾರಂಭವಾಗಲಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ರೆಪೋ ದರಗಳನ್ನು ಹೆಚ್ಚಿಸಲಾಗಿದೆ
ಈ ತಿಂಗಳ ಆರಂಭದಲ್ಲಿ ಮಂಡಿಸಲಾದ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ಕೇಂದ್ರೀಯ ಬ್ಯಾಂಕ್ ತನ್ನ ರೆಪೋ ರೇಟ್ ಅನ್ನು ಶೇ. 6.5 ಕ್ಕೆ ಕಾಯ್ದಿರಿಸಿದೆ. ಈ ಹಿಂದೆ ಹಣದುಬ್ಬರವನ್ನು ನಿಯಂತ್ರಣಕ್ಕೆ ತರಲು ಆರ್ಬಿಐ ಕಳೆದ ವರ್ಷ ಮೇ ತಿಂಗಳಿನಿಂದ ಆರು ಬಾರಿ ರೆಪೊ ದರವನ್ನು ಶೇ.2.50ರಷ್ಟು ಹೆಚ್ಚಿಸಿತ್ತು.
ಮಾರ್ಚ್ 2024 ರ ವೇಳೆಗೆ 24 ಬೇಸಿಸ್ ಪಾಯಿಂಟ್‌ಗಳ ಕಡಿತ ಇರುವ ಸಾಧ್ಯತೆ ಇದೆ
ವಿದೇಶಿ ಬ್ರೋಕರೇಜ್ ಕಂಪನಿ ಎಚ್‌ಎಸ್‌ಬಿಸಿಯ ಅರ್ಥಶಾಸ್ತ್ರಜ್ಞರ ಪ್ರಕಾರ, "ಆರ್ಬಿಐ 2023 ರಲ್ಲಿಯೂ ದರಗಳನ್ನು ಯಥಾಸ್ಥಿತಿಯಲ್ಲಿ ಮುಂದುವರೆಸಲಿದೆ ಮತ್ತು ಮಾರ್ಚ್ 2024 ಕ್ಕೆ ಕೊನೆಗೊಳ್ಳುವ ತ್ರೈಮಾಸಿಕದಲ್ಲಿ ದರಗಳನ್ನು ಶೇಕಡಾ 0.25 ರಷ್ಟು ಕಡಿತಗೊಳಿಸುವ ನಿರೀಕ್ಷೆಯನ್ನು ನಾವು ಹೊಂದಿದ್ದೇವೆ" ಎಂದಿದ್ದಾರೆ. ಇದಲ್ಲದೆ ಶೇ. 4 ಶೇಕಡಾ ಹಣದುಬ್ಬರದ ಗುರಿಯನ್ನು ಇನ್ನೂ ಸಾಧಿಸಲಾಗಿಲ್ಲ ಮತ್ತು ಮುಂದಿನ ಭವಿಷ್ಯಕ್ಕಾಗಿ ಇರಿಸಲಾಗಿದೆ ಹಾಗೂ ದುರ್ಬಲ ಬೆಳವಣಿಗೆಯ ವೆಚ್ಚದಲ್ಲಿ ಅದನ್ನು ಸಾಧಿಸಲು RBI ಬಯಸುವುದಿಲ್ಲ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ-Pension Update: ಪಿಂಚಣಿದಾರರಿಗೊಂದು ಭಾರಿ ಸಂತಸದ ಸುದ್ದಿ, ಸರ್ಕಾರ ಕೈಗೊಂಡಿದೆ ಈ ಮಹತ್ವದ ನಿರ್ಧಾರ!
ದೀರ್ಘಕಾಲದವರೆಗೆ ಯಾವುದೇ ಬದಲಾವಣೆಯನ್ನು ನಿರೀಕ್ಷಿಸಲಾಗಿಲ್ಲ
MPC ಯ ಏಪ್ರಿಲ್ ಸಭೆಯ ಪರಿಷ್ಕರಣೆಗಳು ಹಣದುಬ್ಬರ ದೃಷ್ಟಿಕೋನದ ಬಗ್ಗೆ ಸದಸ್ಯರ ಕಳವಳವನ್ನು ಪ್ರತಿಬಿಂಬಿಸುತ್ತದೆ ಎಂದು ದೇಶೀಯ ಬ್ರೋಕರೇಜ್ ಕೋಟಾಕ್ ಇನ್ಸ್ಟಿಟ್ಯೂಷನಲ್ ಇಕ್ವಿಟೀಸ್ ಹೇಳಿದೆ. ಇದರ ಹೊರತಾಗಿ, ಹಣದುಬ್ಬರವು ಶೇ. 5 ಕ್ಕಿಂತ ಹೆಚ್ಚಿರುವ ಕಾರಣ 2023-24ರಲ್ಲಿ ದೀರ್ಘಾವಧಿಯವರೆಗೆ ದರಗಳಲ್ಲಿ ಯಾವುದೇ ಬದಲಾವಣೆಯನ್ನು ನಿರೀಕ್ಷಿಸಲಾಗುವುದಿಲ್ಲ. ಜಪಾನ್‌ನ ಬ್ರೋಕರೇಜ್ ಕಂಪನಿ ನೊಮುರಾ ಆರ್ಬಿಐ ಅಕ್ಟೋಬರ್‌ನಿಂದ ದರಗಳನ್ನು ಕಡಿತಗೊಳಿಸಬಹುದು ಎಂದು ಭವಿಷ್ಯ ನುಡಿದಿದೆ.
ಇದನ್ನೂ ನೋಡಿ-
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
