ಪ್ರೀತಿ-ಗೀತಿ ಬೇಡವೆಂದು ಬುದ್ದಿ ಹೇಳಿದ ತಾಯಿಯನ್ನೇ ಬಾಯ್ ಫ್ರೆಂಡ್ ಜೊತೆ ಸೇರಿ ಕೊಂದ ಟೀನೇಜ್ ಪುತ್ರಿ!

ಸಾಕುತಾಯಿಯನ್ನು ಕೊಂದ ಟೀನೇಜ್ ಪುತ್ರಿ!

ಹೈದರಾಬಾದ್​: ಓದುವ ವಯಸ್ಸಿನಲ್ಲಿ ಪ್ರೀತಿ-ಗೀತಿ ಬೇಡವೆಂದು ಬುದ್ದಿವಾದ ಹೇಳಿದ ಹೆತ್ತ ತಾಯಿಯನ್ನೇ ತನ್ನ ಬಾಯ್‍ಫ್ರೆಂಡ್ ಜೊತೆ ಸೇರಿ ಟೀನೇಜ್​ ಮಗಳೊಬ್ಬಳು ಕೊಲೆ ಮಾಡಿದ್ದಾಳೆ. ಆಂಧ್ರಪ್ರದೇಶದ ಪೂರ್ವ ಗೋದಾವರಿ ಜಿಲ್ಲೆಯ ರಾಜಮಹೇಂದ್ರವರಂನ ಕಂಬಳಪೇಟೆಯಲ್ಲಿ ಈ ಆಘಾತಕಾರಿ ಘಟನೆ ನಡೆದಿದೆ.

ನಿವೃತ್ತ ಶಿಕ್ಷಕಿಯಾಗಿದ್ದ ಮಾರ್ಗರೇಟ್ ಜೂಲಿಯಾನ(63) ಟೀನೇಜ್ ಮಗಳಿಂದ ಹತ್ಯೆಯಾದವರು. ಮಕ್ಕಳಿಲ್ಲದ ಕಾರಣ 13 ವರ್ಷದ ಹಿಂದೆ ಹೆಣ್ಣು ಮಗುವನ್ನು ದತ್ತು ಪಡೆದಿದ್ದರು. ಜೂಲಿಯಾನರ ಪತಿ ನಾಗೇಶ್ವರ ರಾವ್ FCIನಲ್ಲಿ ವ್ಯವಸ್ಥಾಪಕರಾಗಿದ್ದು, ನಿವೃತ್ತಿಯಾದ 2 ವರ್ಷದ ಬಳಿಕ ಅನಾರೋಗ್ಯದಿಂದ ಮೃತಪಟ್ಟಿದ್ದರು.  

ಇದನ್ನೂ ಓದಿ: VIRAL VIDEO: ಕುಡಿದ ಮತ್ತಿನಲ್ಲಿ ಗೂಳಿಯ ಕೊಂಬು ಹಿಡಿದ ವ್ಯಕ್ತಿಗೆ ಆಗಿದ್ದೇನು..?

ಜೂಲಿಯಾನ ಅವರು ತನ್ನ ದತ್ತು ಪುತ್ರಿಯೊಂದಿಗೆ ಕಂಬಳಪೇಟೆಯಲ್ಲಿ ವಾಸವಾಗಿದ್ದರು. ಪುತ್ರಿಯನ್ನು ಅವರು ತುಂಬಾ ಪ್ರೀತಿಯಿಂದ ಬೆಳೆಸಿದರು. ಕೋಟ್ಯಂತರ ಆಸ್ತಿ ಹೊಂದಿದ್ದ ಜೂಲಿಯಾನ ಮಗಳಿಗೆ ಕೇಳಿದ್ದನ್ನೆಲ್ಲಾ ಕೊಡಿಸುತ್ತಿದ್ದರು. 13ನೇ ವಯಸ್ಸಿನ ಆ ಹುಡುಗಿ 19 ವರ್ಷದ ಹುಡುಗನನ್ನು ಪ್ರೀತಿಸುತ್ತಿದ್ದಳು. ಇದು ಸಾಕುತಾಯಿ ಜೂಲಿಯಾನರಿಗೆ ಗೊತ್ತಾಗಿ ಆಕೆಗೆ ಬುದ್ದಿ ಹೇಳಿದ್ದರು. ಓದು ಬಿಟ್ಟು ಲವ್-ಗಿವ್ ಎಂದು ಭವಿಷ್ಯ ಹಾಳು ಮಾಡಿಕೊಳ್ಳಬೇಡ ಅಂತಾ ಹೇಳಿದ್ದರು.

ಆದರೆ ಮಗಳಿಗೆ ತಾಯಿ ಹೇಳಿದ ಸಲಹೆ ರುಚಿಸಿಲ್ಲ. ತನ್ನ ಗೆಳೆಯನೊಂದಿಗೆ ಸೇರಿ ಸಂಚು ರೂಪಿಸಿ ಇನ್ನಿಬ್ಬರು ಯುವಕರ ನೆರವಿನಿಂದ ಜೂಲಿಯಾನರನ್ನು ಕೊಲೆ ಮಾಡಿದ್ದಾಳೆ. ಈ ಹುಡುಗಿ ಕೆಟ್ಟ ಚಟಗಳಿಗೆ ಅಡಿಕ್ಟ್ ಆಗಿದ್ದಳಂತೆ. ಇದೇ ವಿಚಾರವಾಗಿ ಆಗಾಗ ತಾಯಿ ಮತ್ತು ಮಗಳ ನಡುವೆ ಜಗಳ ನಡೆಯುತ್ತಿತ್ತು. ಅಮ್ಮನ ಬುದ್ದಿಮಾತುಗಳಿಗೆ ಸೊಪ್ಪು ಹಾಕದ ಟೀನೇಜ್ ಪುತ್ರಿ ಪ್ರಿಯಕರ ಹಾಗೂ ಸ್ನೇಹಿತರ ಜೊತೆಗೆ ಸೇರಿ ಆಕೆಯನ್ನೇ ಕೊಲೆ ಮಾಡಿದ್ದಾರೆ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಹೆಚ್ಚಿನ ತನಿಖೆ ಕೈಗೊಂಡಿದ್ದಾರೆ.

 ಇದನ್ನೂ ಓದಿ: Israel-Hamas War : ಪ್ಯಾಲೆಸ್ಟೈನ್‌ಗೆ ವೈದ್ಯಕೀಯ ನೆರವು, ಉಪಯುಕ್ತ ಸಾಮಗ್ರಿ ಕಳುಹಿಸಿದ ಭಾರತ