ಭಾರತದಲ್ಲೇ ತಲೆ ಎತ್ತಲಿದೆ ವಿಶ್ವದ ಅತಿ ಎತ್ತರದ ಆಕ್ಟಾ ಮೆಟಲ್ ಹನುಮಾನ್ ಪ್ರತಿಮೆ!

ಹನುಮಂತನ 72 ಅಡಿ ಎತ್ತರದ ಆಕ್ಟಾ-ಮೆಟಲ್ ಪ್ರತಿಮೆ ಎಲ್ಲಿದೆ ಗೊತ್ತಾ?

Yashaswini V Yashaswini V | Updated: Nov 30, 2019 , 12:24 PM IST
ಭಾರತದಲ್ಲೇ ತಲೆ ಎತ್ತಲಿದೆ ವಿಶ್ವದ ಅತಿ ಎತ್ತರದ ಆಕ್ಟಾ ಮೆಟಲ್ ಹನುಮಾನ್ ಪ್ರತಿಮೆ!
Photo courtesy: ANI

ಇಂದೋರ್ (ಮಧ್ಯಪ್ರದೇಶ): 72 ಅಡಿ ಉದ್ದ ಮತ್ತು ಅಗಲವಿರುವ ಹನುಮಂತನ ಆಕ್ಟಾ ಲೋಹದ ಪ್ರತಿಮೆಯನ್ನು ಇಂದೋರ್ ನಲ್ಲಿ ನಿರ್ಮಿಸಲಾಗಿದ್ದು, ಮುಂದಿನ ವರ್ಷ ಫೆಬ್ರವರಿಯಲ್ಲಿ ಇದನ್ನು ಉದ್ಘಾಟಿಸಲಾಗುವುದು ಎಂದು ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಕೈಲಾಶ್ ವಿಜಯವರ್ಗಿಯಾ ತಿಳಿಸಿದ್ದಾರೆ.

"72/ 72 ಅಡಿಗಳ ಪ್ರತಿಮೆಯನ್ನು ನಿರ್ಮಿಸಲು 15-16 ವರ್ಷಗಳು ಬೇಕಾಯಿತು. ಇದು ವಿಶ್ವದ ಅತಿ ಎತ್ತರದ ಆಕ್ಟಾ ಮೆಟಲ್ ಹನುಮಾನ್ ಪ್ರತಿಮೆ. ಫೆಬ್ರವರಿ 24 ರಿಂದ 28 ರ ನಡುವೆ ಇದನ್ನು ಉದ್ಘಾಟಿಸಲಾಗುವುದು. ಈ ಪ್ರತಿಮೆಯ ಉದ್ಘಾಟನೆಗೂ ಮುನ್ನ 21 ದಿನ ದೀರ್ಘ ಕಾರ್ಯಕ್ರಮಗಳು ನಡೆಯಲಿವೆ" ಎಂದವರು ಮಾಹಿತಿ ನೀಡಿದರು.

"ಭಗವಾನ್ ಹನುಮಾನ್ ಜೀವಂತ ದೇವರು. ರಾಮಾಯಣದ ಸುಂದರ್‌ಕಂಡ್‌ನಲ್ಲಿ ಸೀತಾ ದೇವಿಯು ಅವನಿಗೆ ಶಾಶ್ವತವಾಗಿ ಬದುಕುವ ಆಶೀರ್ವಾದವನ್ನು ಕೊಟ್ಟರು. ರಾಮನು ಇರುವಲ್ಲಿ ಭಗವಾನ್ ಹನುಮಾನ್ ಇದ್ದಾನೆ ಎಂದು ನಂಬಲಾಗಿದೆ" ಎಂದು ವಿಜಯವರ್ಗಿಯ ಹೇಳಿದರು.

"ಯುವಕರು ಹನುಮಂತನಿಂದ ಕಲಿಯಬೇಕು. ಯಾರು ಕಷ್ಟದಲ್ಲಿ ನಿರಾಶರಗುತ್ತಾರೋ ಅಂತಹ ಪರಿಸ್ಥಿತಿಯಲ್ಲಿ ಭಗವಾನ್ ಹನುಮಾನ್ ನಮಗೆ ಸ್ಫೂರ್ತಿ ನೀಡುತ್ತಾರೆ. ಈ ಪ್ರತಿಮೆ ಯುವಕರಿಗೆ ಸ್ಫೂರ್ತಿ ನೀಡುತ್ತದೆ. ಇದು ಧಾರ್ಮಿಕ ಪ್ರವಾಸೋದ್ಯಮವನ್ನು ಹೆಚ್ಚಿಸುತ್ತದೆ ಮತ್ತು ಉದ್ಯೋಗವನ್ನು ಸೃಷ್ಟಿಸುತ್ತದೆ" ಎಂದು ಅವರು ಹೇಳಿದರು.

ಪಿತ್ರ ಪರ್ವತ್ - ಪ್ರತಿಮೆಯನ್ನು ನಿರ್ಮಿಸಿದ ಪ್ರದೇಶದೊಂದಿಗೆ ಸಂಬಂಧ ಹೊಂದಿರುವ ರಾಮ ಯೋಗಿ, "ಈ ಪಿತ್ರ ಪರ್ವತ ಜನರು ತಮ್ಮ ಪೂರ್ವಜರಿಗೆ ಗೌರವ ಸಲ್ಲಿಸಲು ಮರಗಳನ್ನು ನೆಡುತ್ತಿದ್ದ ಸ್ಥಳವಾಗಿದೆ" ಎಂದು ಹೇಳಿದರು.

"ಇದನ್ನು 2002 ರಲ್ಲಿ ಧಾರ್ಮಿಕ ಸ್ಥಳವಾಗಿ ಅಭಿವೃದ್ಧಿಪಡಿಸಲು ನಿರ್ಧರಿಸಿದೆವು. ಆದ್ದರಿಂದ ಈ ಪ್ರತಿಮೆಯನ್ನು ನಿರ್ಮಿಸಲಾಯಿತು ಮತ್ತು ಅದನ್ನು ಈಗ ಸಾರ್ವಜನಿಕರಿಗೆ ತೆರೆಯಲಾಗುವುದು" ಎಂದು ಕೈಲಾಶ್ ವಿಜಯವರ್ಗಿಯಾ ಹೇಳಿದರು.

(With ANI Inputs)