ಸಿದ್ಧಾರ್ಥ್​ ಜೊತೆ ಅದಿತಿ ರಾವ್ ರಿಲೇಷನ್‌ಶಿಪ್​ ಪಕ್ಕಾ.! ಮದುವೆ ಯಾವಾಗ?

Aditi Rao Hydari relationship with Actor Siddharth: ನಟ ಸಿದ್ಧಾರ್ಥ್ ಜೊತೆಗೆ ಅದಿತಿ ರಾವ್ ಹೈದರಿ ಸಂಬಂಧದಲ್ಲಿದ್ದಾರೆ. ಇಬ್ಬರೂ ಹಲವಾರು ಸಂದರ್ಭಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ನಟಿ ಅದಿತಿ ರಾವ್ ಹೈದರಿ ಹಾಗೂ ನಟ ಸಿದ್ದಾರ್ಥ್ ಕೆಲ ವರ್ಷಗಳಿಂದ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ವದಂತಿ ಇದೆ. ಆದರೆ ರಿಲೇಷನ್ ಶಿಪ್ ಬಗ್ಗೆ ಇದುವರೆಗೆ ಒಮ್ಮೆಯೂ ಒಪ್ಪಿಕೊಂಡಿಲ್ಲ. ಇದೀಗ ಒಟ್ಟಿಗೆ ನ್ಯೂ ಇಯರ್ ಸೆಲೆಬ್ರೇಟ್ ಮಾಡಿದ್ದು, ಫೋಟೋ ಹಂಚಿಕೊಂಡಿದ್ದಾರೆ. 

ಜನವರಿ 1 ರಂದು ಅದಿತಿ ರಾವ್ ಹೈದರಿ ಮತ್ತು ಸಿದ್ಧಾರ್ಥ್ ಒಟ್ಟಿಗೆ ಇರುವ ಫೋಟೋ ಹಂಚಿಕೊಂಡಿದ್ದಾರೆ. ಇದೀಗ ಬಾಲಿವುಡ್ ನಟಿ ಅದಿತಿ ರಾವ್ ಹೈದರಿ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಸಿದ್ಧಾರ್ಥ್ ಜೊತೆ ಡೇಟಿಂಗ್ ವದಂತಿಗಳಿಗೆ ಅದಿತಿ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : ಧರ್ಮ ಕೀರ್ತಿರಾಜ್ ಅಭಿನಯದ "ಬುಲೆಟ್" ಚಿತ್ರ ತೆರೆಗೆ ಬರಲು ಸಿದ್ಧ

ಅದಿತಿ ಮತ್ತು ಸಿದ್ಧಾರ್ಥ್ 2021 ರಲ್ಲಿ ನಿರ್ದೇಶಕ ಅಜಯ್ ಭೂಪತಿ ಅವರ ಮಹಾ ಸಮುದ್ರಂ ಸೆಟ್‌ನಲ್ಲಿ ಪರಸ್ಪರ ಭೇಟಿಯಾದರು. ಅಲ್ಲಿಂದ ಶುರುವಾದ ಸ್ನೇಹ ಈಗ ಪ್ರೇಮವಾಗಿದೆ ಎಂದು ಹೇಳಲಾಗುತ್ತದೆ. ಇದೀಗ ಅದಿತಿ ಶೇರ್‌ ಮಾಡಿದ ಫೋಟೋ ಈ ವದಂತಿಗೆ ಪುಷ್ಠಿ ನೀಡಿದಂತಿದೆ. 

View this post on Instagram

A post shared by Aditi Rao Hydari (@aditiraohydari)

ಅದಿತಿಯ ಲವ್ ಲೈಫ್ ಬಗ್ಗೆ ಹಲವು ವದಂತಿಗಳಿವೆ. ಅದಿತಿ 17 ವರ್ಷದವರಿದ್ದಾಗ ವಕೀಲ ಸತ್ಯದೀಪ್ ಮಿಶ್ರಾ ಅವರನ್ನು ಪ್ರೀತಿಸುತ್ತಿದ್ದರಂತೆ. ಬಳಿಕ 21 ನೇ ವಯಸ್ಸಿನಲ್ಲಿ ಸತ್ಯದೀಪ್ ಅವರ ಜೊತೆ ಮದುವೆಯಾದರು. ಆದರೆ ಈ ಸಂಬಂಧ ಬಹುಕಾಲ ಉಳಿಯಲಿಲ್ಲ. ಮನಸ್ತಾಪದಿಂದ ಅದಿತಿ 25 ನೇ ವಯಸ್ಸಿನಲ್ಲಿ ವಿಚ್ಛೇದನ ಪಡೆದರು.

ಡಿವೋರ್ಸ್‌ ಬಳಿಕ ಚಿತ್ರರಂಗಕ್ಕೆ ಕಾಲಿಟ್ಟ ಅದಿತಿ ರಾವ್ ಸೌತ್​​ ಹೀರೋ ಸಿದ್ಧಾರ್ಥ್ ಜೊತೆ ಲಿವಿಂಗ್ ರಿಲೇಷನ್ ಶಿಪ್ ಹೊಂದಿದ್ದಾರೆ ಎಂಬ ವದಂತಿ ಇದೆ. ಇವರಿಬ್ಬರ ಪ್ರೀತಿಗೆ ಮನೆಯವರ ಒಪ್ಪಿಗೆ ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ. 

ಇದನ್ನೂ ಓದಿ : ಗೋಲ್ಡನ್‌ ಸ್ಟಾರ್‌ ಪುತ್ರಿ ಚಾರಿತ್ರ್ಯ ಗಣೇಶ್‌ ನಿಜವಾದ ವಯಸ್ಸೆಷ್ಟು ಗೊತ್ತೇ!

ಇದೀಗ ಅದಿತಿ ಸೋಷಿಯಲ್‌ ಮೀಡಿಯಾದಲ್ಲಿ ಸಿದ್ಧಾರ್ಥ್‌ ಜೊತೆಗಿನ ಫೋಟೋ ಹಂಚಿಕೊಂಡಿದ್ದು, ಇಬ್ಬರೂ ಪ್ರೀತಿಸುತ್ತಿರುವುದು ಖಚಿತವಾಗಿದೆ ಎನ್ನಲಾಗಿದೆ. ಇಬ್ಬರ ಅಭಿಮಾನಿಗಳೂ ಮದುವೆ ಯಾವಾಗ ಎಂದು ಕೇಳುತ್ತಿದ್ದಾರೆ.