ಆರಕ್ಷಕನಾದ ನಟ ರಾಕ್ಷಸ : ಡಾಲಿ 25ನೇ ಚಿತ್ರ ʼಹೊಯ್ಸಳʼ ಬಿಡುಗಡೆಗೆ ಡೇಟ್‌ ಫಿಕ್ಸ್‌

ಬ್ಯಾಕ್‌ ಟು ಬ್ಯಾಕ್‌ ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ ಮತ್ತು ಟಾಲಿವುಡ್‌ನಲ್ಲಿ ಸೌಂಡ್‌ ಕ್ರೀಯೆಟ್‌ ಮಾಡುತ್ತಿರುವ ನಟ ಡಾಲಿ ಧನಂಜಯ್‌ ಅವರ 25ನೇ ಸಿನಿಮಾ ʼಹೊಯ್ಸಳʼ ಬಿಡುಗಡೆ ದಿನಾಂಕವನ್ನು ಚಿತ್ರತಂಡ ಘೋಷಿಸಿದೆ.

ಬೆಂಗಳೂರು: ಬ್ಯಾಕ್‌ ಟು ಬ್ಯಾಕ್‌ ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ ಮತ್ತು ಟಾಲಿವುಡ್‌ನಲ್ಲಿ ಸೌಂಡ್‌ ಕ್ರೀಯೆಟ್‌ ಮಾಡುತ್ತಿರುವ ನಟ ಡಾಲಿ ಧನಂಜಯ್‌ ಅವರ 25ನೇ ಸಿನಿಮಾ ʼಹೊಯ್ಸಳʼ ಬಿಡುಗಡೆಯ ದಿನಾಂಕವನ್ನು ಚಿತ್ರತಂಡ ಘೋಷಿಸಿದೆ.

ಬೆಳಗಾವಿಯಲ್ಲಿ ಒಬ್ಬ ದಿಟ್ಟ ಪೊಲೀಸ್ ಅಧಿಕಾರಿಯ ಸುತ್ತ ನಡೆದ ಘಟನೆಯನ್ನು ಆಧರಿಸಿ ಈ ಕಥೆ ಹೆಣೆಯಲಾಗಿದ್ದು, ಸಿನಿಮಾದಲ್ಲಿ ಗುರುದೇವನಾಗಿ ನಟರಾಕ್ಷಸ ಡಾಲಿ ಮಿಂಚಿದ್ದಾರೆ. ಸಿನಿಮಾದ ಪೋಸ್ಟರ್‌ ಬಿಡುಗಡೆ ಮಾಡಿರುವ ಚಿತ್ರತಂಡ 2023ರ ಮಾರ್ಚ್‌ 30ರಂದು ಸಿನಿಮಾ ತೆರೆಗೆ ಬರಲಿದೆ ಎಂದು ತಿಳಿಸಿದೆ.

ಇದನ್ನೂ ಓದಿ: ಪಾಕಿಸ್ತಾನಿ ಕ್ರಿಕೆಟಿಗನೊಂದಿಗೆ ರೊಮ್ಯಾಂಟಿಕ್ ವಿಡಿಯೋ ಹಂಚಿಕೊಂಡ ನಟಿ ಉರ್ವಶಿ ರೌಟೇಲಾ..!

ಸಿನಿಮಾದ ಪೋಸ್ಟರ್‌ನಲ್ಲಿ ಮುಖಕ್ಕೆ ಗ್ಯಾಸ್‌ ಮಾಸ್‌ ಹಾಕ್ಕೊಂಡಿರುವ ಡಾಲಿ ಖಡಕ್‌ ಪೊಲೀಸ್‌ ಅಧಿಕಾರಿಯ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಟೈಟಲ್‌ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದ್ದು, ಹೊಯ್ಸಳ ಶೀರ್ಷಿಕೆ ಕಳಗೆ ʼಆರಕ್ಷಕ ರಾಕ್ಷನಾದಾಗʼ  ಎಂಬ ಅಡಿ ಬರಹ ಬರೆಯಲಾಗಿದ್ದು, ಸಿನಿಮಾದ ಮೇಲೆ ಇಂಟರೆಸ್ಟಿಂಗ್ ಹೆಚ್ಚಿಸಿದೆ.

#Hoysala in Cinemas from 30th March 2023💥

30th ಮಾರ್ಚ್ 2023'ರಿಂದ ಹೊಯ್ಸಳನ ಉತ್ಸವ ಶುರು.#Hoysala30Mar2023@VKiragandur @Karthik1423 @yogigraj @vijaycinephilia @amrutha_iyengar @AJANEESHB @KRG_Studios @HoysalaTheFilm @KRG_Connects pic.twitter.com/BXTTqVSjGd

— Dhananjaya (@Dhananjayaka) September 7, 2022

ಕಾರ್ತಿಕ್ ಗೌಡ ಹಾಗೂ ಯೋಗಿ ಜಿ. ರಾಜ್ ಈ ಸಿನಿಮಾವನ್ನು ನಿರ್ಮಿಸುತ್ತಿದ್ದಾರೆ. ಚಿತ್ರಕ್ಕೆ ವಿಜಯ್ ನಾಗೇಂದ್ರ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಬಡವ ರಾಸ್ಕಲ್ ಬಳಿಕ ಧನಂಜಯ ಜೊತೆ ಮತ್ತೆ ಅಮೃತ ಅಯ್ಯಂಗಾರ್ ಡಾಲಿಗೆ ಜೋಡಿಯಾಗಿದ್ದಾರೆ. ಅಚ್ಯುತಕುಮಾರ್, ನವೀನ್ ಶಂಕರ್, ಅವಿನಾಶ್, ರಾಜೇಶ್ ನಟರಂಗ ಹಾಗೂ ನಾಗಭೂಷಣ್ ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಕೆ.ಆರ್.ಜಿ ಸ್ಟುಡಿಯೋಸ್ ನಿರ್ಮಾಣ ಸಂಸ್ಥೆ ಬ್ಯಾನರ್‌ನಲ್ಲಿ ಈ ಸಿನಿಮಾ ಮೂಡಿ ಬರಲಿದೆ. 

ಸದ್ಯ ಧನಂಜಯ್‌ ಅಭಿನಯದ ‘ಮಾನ್ಸೂನ್‌ ರಾಗ’, ‘ತೋತಾಪುರಿ’, ‘ಹೆಡ್‌ಬುಷ್‌’ ಹೀಗೆ ಸಾಲು ಸಾಲು ಚಿತ್ರಗಳ ತೆರೆಗೆ ಬರಲು ಸಿದ್ಧವಾಗಿದೆ. ಈಗಾಲೇ ಪುಷ್ಪ ಸಿನಿಮಾದ ಮೂಲಕ ಟಾಲಿವುಡ್‌ನಲ್ಲಿಯೂ ಡಾಲಿ ಕಮಾಲ್‌ ಮಾಡಿದ್ದಾರೆ.