ಡಿ ಬಾಸ್‌ ಸಿನಿಮಾ ರೀ ರಿಲೀಸ್‌ಗೆ ಫ್ಯಾನ್ಸ್‌ ಪಟ್ಟು. ಈಡೇರುತ್ತಾ ಅಭಿಮಾನಿಗಳ ಬಯಕೆ..!

Darshan: ಸ್ಯಾಂಡಲ್‌ವುಡ್‌ನಲ್ಲಿ ಇದೀಗ ಸೂಪರ್ ಹಿಟ್ ಸಿನಿಮಾಗಳ ರೀ-ರಿಲೀಸ್ ಟ್ರೆಂಡ್ ಶುರುವಾಗಿದೆ. ಇತ್ತೀಚೆಗಷ್ಟೆ ದರ್ಶನ್ ನಟನೆಯ 'ರಾಬರ್ಟ್' ಸಿನಿಮಾ ರೀ ರಿಲೀಸ್‌ ಆಗಿದ್ದು, ಸಿಕ್ಕಾ ಪಟ್ಟೆ ಸದ್ದು ಮಾಡ್ತಿದೆ.ಇದರ ಬೆನ್ನಲ್ಲೆ ಡಿ ಬಾಸ್‌ ಫ್ಯಾನ್ಸ್‌, ದರ್ಶನ್‌ ಅವರ ಹಳೇ ಸಿನಿಮಾ ರೀ-ರಿಲೀಸ್‌ಗಾಗಿ ಪಟ್ಟು ಹಿಡಿದಿದ್ದಾರೆ. ಯಾವುದು ಆ ಸಿನಿಮಾ? ಈ ಸ್ಟೋರಿ ಓದಿ.

Navagraha Re-release: ಟಾಲಿವುಡ್‌, ಬಾಲಿವುಡ್‌ ಅಷ್ಟೆ ಅಲ್ಲ ಸ್ಯಾಂಡಲ್‌ವುಡ್‌ನಲ್ಲಿ ಕೂಡ ಸಿನಿಮಾ ರೀ ರಿಲೀಸ್‌ ಸಿಕ್ಕಾಪಟ್ಟೆ ಟ್ರೆಂಡಿಂಗ್‌ನಲ್ಲಿದೆ. ಉಪ್ಪಿ ಅಭಿನಯದ 'A' ಸಿನಿಮಾ ರೀ ರಿಲೀಸ್‌ ಆಗಿ ಸೂಪರ್‌ ಹಿಟ್‌ ಆಗುತ್ತಿದ್ದ ಬೆನ್ನಲ್ಲೆ ರೀ ರಿಲೀಸ್‌ ಎಂಬ ಟ್ರೆಂಡ್‌ ಟಾಲಿವುಡ್‌ಗೆ ಹರಡಿತ್ತು. ಮನಂ ಸಿನಿಮಾ 10 ವರ್ಷ ಪೂರೈಸಿದ ಸಂದರ್ಭವಾಗಿ ಸಿನಿಮಾವನ್ನ ಮತ್ತೆ ರೀ ರಿಲೀಸ್‌ ಮಾಡಲಾಯಿತು. ಸ್ಯಾಂಡಲ್‌ವುಡ್‌ ಆಯ್ತು ಟಾಲಿವುಡ್‌ ಆಯ್ತು ಇನ್ನು ಬಾಲಿವುಡ್‌ನವರು ಸುಮ್ನೆ ಇರ್ತಾರಾ. 'ಜಿಂದಗಿ ನಾ ಮಿಲೇಗ ದುಬಾರ' ಸಿನಿಮಾವನ್ನ ರೀ ರಿಲೀಸ್‌ ಮಾಡಲು ಸಜ್ಜಾಗಿದ್ದಾರೆ. 

ಅದು ಬಿಡಿ, ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗಷ್ಟೇ ಡಿ ಬಾಸ್‌ ಅಭಿನಯದ ಬ್ಲಾಕ್‌ಬಸ್ಟರ್‌ ಹಿಟ್‌ ಸಿನಿಮಾ ರೀ ರಿಲೀಸ್‌ ಆಗಿ ಒಳ್ಳೆ ರೆಸ್ಪಾನ್ಸ್‌ ಗಿಟ್ಟಿಸಿಕೊಂಡಿದೆ. ಇದರ ಬೆನ್ನಲ್ಲೆ ಇದೀಗ ಒಂದಾನೊಂದು ಕಾಲದಲ್ಲಿ ಡಿಫರೆಂಟ್‌ ಸ್ಟೋರಿಯೊಂದಿಗೆ ತೆರೆಕಂಡಿದ್ದ 'ನವಗ್ರಹ' ಸಿನಿಮಾ ರೀ ರಿಲೀಸ್‌ ಮಾಡಬೇಕು ಎಂದು ಅಭಿಮಾನಿಗಳು ಪಟ್ಟು ಹಿಡಿದಿದ್ದಾರೆ. 

ಇದನ್ನೂ ಓದಿ: ರಿಯಲ್‌ ಲೈಫ್‌ನಲ್ಲಿ ಜೋಡಿಯಾಗ್ತಾರಾ ರೀಲ್‌ ಜೋಡಿ..? ರಕ್ಸ್‌-ರುಕ್ಸ್‌ ಮದುವೆಯಾಗಿ ಎಂದ ಫ್ಯಾನ್ಸ್‌.

'ನವಗ್ರಹ' ಸಿನಿಮಾ ರೀ ರಿಲೀಸ್‌ ಮಾಡಬೇಕೆಂದು ಅಭಿಮಾನಿಗಳು ಸೋಶಿಯಲ್‌ ಮೀಡಿಯಾದಲ್ಲಿ ಅಭಿಯಾನವನ್ನ ಸ್ಟಾರ್ಟ್‌ ಮಾಡಿದ್ದಾರೆ.   #WeWantNavagrahaReRelease ಎಂಬ ಹ್ಯಾಶ್‌ಟ್ಯಾಗ್‌ ಬಳಸುವ ಮೂಲಕ ಈ ಟ್ರೆಂಡ್‌ ಅನ್ನು ವೈರಲ್‌ ಮಾಡುತ್ತಿದ್ದಾರೆ.

2008 ರಲ್ಲಿ ತೆರೆ ಕಂಡಿದ್ದ ಈ ಸಿನಿಮಾದಲ್ಲಿ ಸ್ಯಾಂಡಲ್‌ವಡ್‌ನ ಖ್ಯಾತ ಕಳನಟರ ಮಕ್ಕಳು ಬಣ್ಣ ಹಚ್ಚಿದ್ದರು. ದರ್ಶನ್‌ ನಿರ್ಮಿಸಿರುವ ಈ ಸಿನಿಮಾದಲ್ಲಿ ಅವರೇ ಲೀಡ್‌ ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದರು. ಮೈಸೂರಿನ ಅಂಬಾರಿ ಕದಿಯಲ್ಲು ದುಷ್ಟರು ಏನೆಲ್ಲಾ ಪ್ರಯತ್ನ ನಡೆಸುತ್ತಾರೆ. ಅಂತಹದ್ದೊಂದು ಸಂಭವ ನಡೆದರೆ ಹೇಗಿರುತ್ತದೆ ಅನ್ನೋ ಕಥೆಯನ್ನ ದರ್ಶನ್‌ ಈ ಸಿನಿಮಾದ ಮೂಲಕ ಹೇಳಿದ್ದರು.

ಸೃಜನ್‌ ಲೋಕೇಶ್‌, ದರ್ಶನ್‌, ತರುಣ್‌ ಸುಧೀರ್‌, ವಿನೋದ್‌ ಪ್ರಭಾಕರ್‌, ನಾಗೇಂದ್ರ ಅರಸ್‌, ಗಿರಿ ಹಾಗೂ ಧರ್ಮ ಕೀರ್ತಿರಾಜ್‌ ನವಗ್ರಹ ಚಿತ್ರದಲ್ಲಿ ಮೂಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆಗಿನ ಕಾಲದ ಕ್ಯಾತ ನಟರ ಮಕ್ಕಳು ಈ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದು ಈ ಸಿನಿಮಾವನ್ನ ಹೆಚ್ಚು ವಿಭಿನ್ನವಾಗಿ ಮಾಡಿತ್ತು. ಯೂನಿಕ್‌ ಸ್ಟೋರಿ ವಿಭಿನ್ನ ಪತ್ರಗಳುಳ್ಳ ಈ ಸ್ಟೋರಿ ಡಿ ಬಾಸ್‌ ಅಭಿಮಾನಿಗಳಿಗೆ ಮನಸ್ಸಿಗೆ ಹತ್ತಿರವಾದ ಒಂದು ಸಿನಿಮಾ ಎಂದೇ ಹೇಳಬಹುದು.

ಇದನ್ನೂ ಓದಿ: ಬರಹಗಾರರಿಗಾಗಿ ಇಲ್ಲಿದೆ ಸುವರ್ಣ ಅವಕಾಶ.. ಸ್ಕ್ರಿಪ್ಟ್ ಬರೆದು ಹಣ ಗೆಲ್ಲಿ !

ವಿ. ಹರಿಕೃಷ್ಣ ಈ ಸಿನಿಮಾಗೆ ಸಂಗೀತ ನಿರ್ದೇಶನ ಮಾಡಿದ್ದರು. ಚಿತ್ರದ ಎಲ್ಲಾ ಹಾಡುಗಳು ಸೂಪರ್‌ ಹಿಟ್‌ ಆಗಿದ್ದವು. ಇಂದಿಗೂ ಕೂಡ ಈ ಚಿತ್ರದ ಹಾಡುಗಳು ಸ್ಪೆಷಲ್‌ ಸ್ಥಾನ ಪಡೆದಿವೆ ಅಂತಾನೆ ಹೇಳಬಹುದು. 

'ನವಗ್ರಹ' ಸಿನಿಮಾ ಹಿಟ್‌ ಆದ ನಂತರ ಸಿನಿಮಾದ ಸೀಕ್ವೆಲ್‌ ಬರಲಿದೆ ಅಂತ ಹೇಳಲಾಗಿತ್ತಾದರೂ ಕೊನೆವರೆಗೂ  ಈ ಸಿನಿಮಾದ ಸೀಕ್ವೆಲ್‌ ಬರಲೇ ಇಲ್ಲ. ಇದೊಂದು ವಿಶಯ ಡಿ ಬಾಸ್‌ ಫ್ಯಾನ್ಸ್‌ ಅಲ್ಲಿ ನಿರಾಶೆ ಉಂಟು ಮಾಡಿತ್ತು. ಇದೀಗ ಮತ್ತೆ ಈ ಸಿನಿಮಾ ನೋಡೋ ಆಸೆಯಿಂದ ದರ್ಶನ್‌ ಅಭಿಮಾನಿಗಳು ಚಿತ್ರದ ರೀ ರಿಲೀಸ್‌ಗಾಗಿ ಪಟ್ಟು ಹಿಡಿದಿದ್ದಾರೆ. ಇನ್ನು ಮುಂದೆ ಚಿತ್ರ ರಿಲೀಸ್‌ ಆಗುತ್ತಾ ಇಲ್ವಾ ಅನ್ನೋದನ್ನ ಕಾದು ನೋಡ್ಬೇಕಿದೆ.