ಒಟಿಟಿಯಲ್ಲಿ ಭರ್ಜರಿ ರೆಸ್ಪಾನ್ಸ್‌ ಪಡೆದ ʼಹೊಂದಿಸಿ ಬರೆಯಿರಿʼ ಬರಲಿದೆಯಾ ಪಾರ್ಟ್‌ 2?

Hondisi Bareyiri : ರಾಮೇನಹಳ್ಳಿ ಜಗನ್ನಾಥ್‌ ನಿರ್ದೇನದಡಿಯಲ್ಲಿ ಮೂಡಿಬಂದ ಭಾವನಾತ್ಮಕ ಸಿನಿಮಾ ʼಹೊಂದಿಸಿ ಬರೆಯಿರಿʼ. ಈ ಸಿನಿಮಾ ಫೆಬ್ರುವರಿ 10ರಂದು ತೆರೆಕಂಡಿತು ಮತ್ತು ಒಳ್ಳೆಯ ಕಲೆಕ್ಷನ್‌ ಕೂಡಾ ಮಾಡಿತ್ತು. ಆದಾಗ್ಯೂ ಈ ಯುತ್‌ ಸಿನಿಮಾ ಏಪ್ರಿಲ್‌ 1ರಂದು ಅಮೆಜಾನ್‌ ಪ್ರೈಮ್‌ ವಿಡಿಯೋದಲ್ಲಿ ಪ್ರದರ್ಶನಗೊಂಡು ಭರ್ಜರಿ ರೆಸ್ಪಾನ್ಸ್‌ ಪಡದುಕೊಂಡಿತ್ತು.

Sandalwood : ಈ ʼಹೊಂದಿಸಿ ಬರೆಯಿರಿʼ ಸಿನಿಮಾ ಕ್ರಿಕೆಟ್‌ ಸೀಸನ್‌ ಹಾಗೂ ಕರ್ನಾಟಕ ಚುನಾವಣೆಗಳ ಸಂದರ್ಭದಲ್ಲಿ ಬಿಡುಗಡೆಯಾದರೂ ಸಹ ತನ್ನ ಆಕರ್ಷಕ ಕಥಾಹಂದರದೊಂದಿಗೆ 50 ಮಿಲಿಯನ್‌ ನಿಮಿಷಗಳ ವೀಕ್ಷಕರನ್ನು ಗಳಿಸಿ ಗಮನಾರ್ಹ ಸಾಧನೆ ಮಾಡಿದೆ. 

ಈ ಕುರಿತು ನಿರ್ದೇಶಕ ಜಗನ್ನಾಥ್‌ ಅವರು ಹರುಷವನ್ನು ವ್ಯಕ್ತ ಪಡಿಸಿದ್ದು, ʼಭಾವನೆಗಳನ್ನು ಪ್ರಚೋದಿಸುವ ಸ್ಕ್ರಿಪ್ಟ್‌ನ ಸಾಮರ್ಥ್ಯವು ಪ್ರೇಕ್ಷಕರ ಮನ ಮುಟ್ಟುವಂತೆ ಮಾಡಿತು. ನಿರ್ದೇಶಕ ಪ್ರೇಮ್‌, ನಟರಾದ ರಕ್ಷಿತಾ ಮತ್ತು ಶ್ರೀನಗರ ಕಿಟ್ಟಿ ಮೆಚ್ಚುಗೆಯ ಮಾತುಗಳೊಂದಿಗೆ ನನ್ನ ಹೃದಯವನ್ನು ತಲುಪಿದ್ದಾರೆ ಮತ್ತು ಚಿತ್ರದ ಶಕ್ತಿಯುತ ಭಾವನಾತ್ಮಕ ಅಂಶದ ಬಗ್ಗೆ ಮಾತನಾಡಿದ್ದಾರೆʼ ಎಂದರು.

ಇದನ್ನೂ ಓದಿ-Viral Video : ಏರ್‌ಪೋರ್ಟ್‌ನಲ್ಲಿ ಪುಟ್ಟ ಅಭಿಮಾನಿಯನ್ನು ಅಪ್ಪಿಕೊಂಡ ಸಲ್ಮಾನ್‌ ಖಾನ್‌

ಈ ಸಿನಿಮಾಗೆ ಸಿಕ್ಕಿರುವ ಅಪಾರ ರೆಸ್ಪಾನ್ಸ್‌ನಿಂದಾಗಿ ನಿರ್ದೇಶಕರು ಚಿತ್ರದ ಸಿಕ್ವೆಲ್‌ಗಾಗಿ ಚಿಂತಿಸುವ ಸಮಯ ಬಂದಿದೆ. ಆದಗ್ಯೂ ಅವರು ತಮ್ಮ ಸದ್ಯದ ಪ್ರಾಜೆಕ್ಟ್‌ಗಳು ಮುಗಿದ ಮೇಲೆ ಚಿತ್ರದ ಸಿಕ್ವೆಲ್‌ನ್ನು ಮುಂದುವರೆಸುವುದಾಗಿ ಹೇಳಿಕೊಂಡಿದ್ದಾರೆ.

ಈ ಹೊಂದಿಸಿ ಬರೆಯಿರಿ ಸಿನಿಮಾದಲ್ಲಿ ಶ್ರೀ, ನವೀನ್‌ ಶಂಕರ್‌, ಪ್ರವೀಣ್‌ ತೇಜ್‌, ಅನಿರುದ್ಧ್‌ ಆಚಾರ್ಯ, ಐಶಾನಿ ಶೆಟ್ಟಿ, ಅರ್ಚನಾ ಜೋಯಿಸ್‌ ಮತ್ತು ಇತತರು ಪ್ರಮುಖ ಪಾತ್ರದಲ್ಲಿ ನಟಡಿಸಿದ್ದಾರೆ.